Devi Mahatmyam Durga Saptasati Chapter 9 – Oriya Script
ରଚନ: ଋଷି ମାର୍କଂଡେୟ
ନିଶୁମ୍ଭଵଧୋନାମ ନଵମୋଧ୍ୟାୟଃ ||
ଧ୍ୟାନଂ
ଓଂ ବଂଧୂକ କାଂଚନନିଭଂ ରୁଚିରାକ୍ଷମାଲାଂ
ପାଶାଂକୁଶୌ ଚ ଵରଦାଂ ନିଜବାହୁଦଂଡୈଃ |
ବିଭ୍ରାଣମିଂଦୁ ଶକଲାଭରଣାଂ ତ୍ରିନେତ୍ରାଂ-
ଅର୍ଧାଂବିକେଶମନିଶଂ ଵପୁରାଶ୍ରୟାମି ||
ରାଜୋଉଵାଚ||1||
ଵିଚିତ୍ରମିଦମାଖ୍ୟାତଂ ଭଗଵନ ଭଵତା ମମ |
ଦେଵ୍ୟାଶ୍ଚରିତମାହାତ୍ମ୍ୟଂ ରକ୍ତ ବୀଜଵଧାଶ୍ରିତମ || 2||
ଭୂୟଶ୍ଚେଚ୍ଛାମ୍ୟହଂ ଶ୍ରୋତୁଂ ରକ୍ତବୀଜେ ନିପାତିତେ |
ଚକାର ଶୁମ୍ଭୋ ୟତ୍କର୍ମ ନିଶୁମ୍ଭଶ୍ଚାତିକୋପନଃ ||3||
ଋଷିରୁଵାଚ ||4||
ଚକାର କୋପମତୁଲଂ ରକ୍ତବୀଜେ ନିପାତିତେ|
ଶୁମ୍ଭାସୁରୋ ନିଶୁମ୍ଭଶ୍ଚ ହତେଷ୍ଵନ୍ୟେଷୁ ଚାହଵେ ||5||
ହନ୍ୟମାନଂ ମହାସୈନ୍ୟଂ ଵିଲୋକ୍ୟାମର୍ଷମୁଦ୍ଵହନ|
ଅଭ୍ୟଦାଵନ୍ନିଶୁମ୍ବୋஉଥ ମୁଖ୍ୟୟାସୁର ସେନୟା ||6||
ତସ୍ୟାଗ୍ରତସ୍ତଥା ପୃଷ୍ଠେ ପାର୍ଶ୍ଵୟୋଶ୍ଚ ମହାସୁରାଃ
ସନ୍ଦଷ୍ଟୌଷ୍ଠପୁଟାଃ କ୍ରୁଦ୍ଧା ହନ୍ତୁଂ ଦେଵୀମୁପାୟୟୁଃ ||7||
ଆଜଗାମ ମହାଵୀର୍ୟଃ ଶୁମ୍ଭୋஉପି ସ୍ଵବଲୈର୍ଵୃତଃ|
ନିହନ୍ତୁଂ ଚଣ୍ଡିକାଂ କୋପାତ୍କୃତ୍ଵା ୟୁଦ୍ଦଂ ତୁ ମାତୃଭିଃ ||8||
ତତୋ ୟୁଦ୍ଧମତୀଵାସୀଦ୍ଦେଵ୍ୟା ଶୁମ୍ଭନିଶୁମ୍ଭୟୋଃ|
ଶରଵର୍ଷମତୀଵୋଗ୍ରଂ ମେଘୟୋରିଵ ଵର୍ଷତୋଃ ||9||
ଚିଚ୍ଛେଦାସ୍ତାଞ୍ଛରାଂସ୍ତାଭ୍ୟାଂ ଚଣ୍ଡିକା ସ୍ଵଶରୋତ୍କରୈଃ|
ତାଡୟାମାସ ଚାଙ୍ଗେଷୁ ଶସ୍ତ୍ରୌଘୈରସୁରେଶ୍ଵରୌ ||10||
ନିଶୁମ୍ଭୋ ନିଶିତଂ ଖଡ୍ଗଂ ଚର୍ମ ଚାଦାୟ ସୁପ୍ରଭମ|
ଅତାଡୟନ୍ମୂର୍ଧ୍ନି ସିଂହଂ ଦେଵ୍ୟା ଵାହନମୁତ୍ତମମ||11||
ତାଡିତେ ଵାହନେ ଦେଵୀ କ୍ଷୁର ପ୍ରେଣାସିମୁତ୍ତମମ|
ଶୁମ୍ଭସ୍ୟାଶୁ ଚିଚ୍ଛେଦ ଚର୍ମ ଚାପ୍ୟଷ୍ଟ ଚନ୍ଦ୍ରକମ ||12||
ଛିନ୍ନେ ଚର୍ମଣି ଖଡ୍ଗେ ଚ ଶକ୍ତିଂ ଚିକ୍ଷେପ ସୋஉସୁରଃ|
ତାମପ୍ୟସ୍ୟ ଦ୍ଵିଧା ଚକ୍ରେ ଚକ୍ରେଣାଭିମୁଖାଗତାମ||13||
କୋପାଧ୍ମାତୋ ନିଶୁମ୍ଭୋஉଥ ଶୂଲଂ ଜଗ୍ରାହ ଦାନଵଃ|
ଆୟାତଂ ମୁଷ୍ଠିପାତେନ ଦେଵୀ ତଚ୍ଚାପ୍ୟଚୂର୍ଣୟତ||14||
ଆଵିଦ୍ଧ୍ୟାଥ ଗଦାଂ ସୋஉପି ଚିକ୍ଷେପ ଚଣ୍ଡିକାଂ ପ୍ରତି|
ସାପି ଦେଵ୍ୟାସ ତ୍ରିଶୂଲେନ ଭିନ୍ନା ଭସ୍ମତ୍ଵମାଗତା||15||
ତତଃ ପରଶୁହସ୍ତଂ ତମାୟାନ୍ତଂ ଦୈତ୍ୟପୁଙ୍ଗଵଂ|
ଆହତ୍ୟ ଦେଵୀ ବାଣୌଘୈରପାତୟତ ଭୂତଲେ||16||
ତସ୍ମିନ୍ନି ପତିତେ ଭୂମୌ ନିଶୁମ୍ଭେ ଭୀମଵିକ୍ରମେ|
ଭ୍ରାତର୍ୟତୀଵ ସଂକ୍ରୁଦ୍ଧଃ ପ୍ରୟୟୌ ହନ୍ତୁମମ୍ବିକାମ||17||
ସ ରଥସ୍ଥସ୍ତଥାତ୍ୟୁଚ୍ଛୈ ର୍ଗୃହୀତପରମାୟୁଧୈଃ|
ଭୁଜୈରଷ୍ଟାଭିରତୁଲୈ ର୍ଵ୍ୟାପ୍ୟା ଶେଷଂ ବଭୌ ନଭଃ||18||
ତମାୟାନ୍ତଂ ସମାଲୋକ୍ୟ ଦେଵୀ ଶଙ୍ଖମଵାଦୟତ|
ଜ୍ୟାଶବ୍ଦଂ ଚାପି ଧନୁଷ ଶ୍ଚକାରାତୀଵ ଦୁଃସହମ||19||
ପୂରୟାମାସ କକୁଭୋ ନିଜଘଣ୍ଟା ସ୍ଵନେନ ଚ|
ସମସ୍ତଦୈତ୍ୟସୈନ୍ୟାନାଂ ତେଜୋଵଧଵିଧାୟିନା||20||
ତତଃ ସିଂହୋ ମହାନାଦୈ ସ୍ତ୍ୟାଜିତେଭମହାମଦୈଃ|
ପୁରୟାମାସ ଗଗନଂ ଗାଂ ତଥୈଵ ଦିଶୋ ଦଶ||21||
ତତଃ କାଳୀ ସମୁତ୍ପତ୍ୟ ଗଗନଂ କ୍ଷ୍ମାମତାଡୟତ|
କରାଭ୍ୟାଂ ତନ୍ନିନାଦେନ ପ୍ରାକ୍ସ୍ଵନାସ୍ତେ ତିରୋହିତାଃ||22||
ଅଟ୍ଟାଟ୍ଟହାସମଶିଵଂ ଶିଵଦୂତୀ ଚକାର ହ|
ଵୈଃ ଶବ୍ଦୈରସୁରାସ୍ତ୍ରେସୁଃ ଶୁମ୍ଭଃ କୋପଂ ପରଂ ୟୟୌ||23||
ଦୁରାତ୍ମଂ ସ୍ତିଷ୍ଟ ତିଷ୍ଠେତି ଵ୍ୟାଜ ହାରାମ୍ବିକା ୟଦା|
ତଦା ଜୟେତ୍ୟଭିହିତଂ ଦେଵୈରାକାଶ ସଂସ୍ଥିତୈଃ||24||
ଶୁମ୍ଭେନାଗତ୍ୟ ୟା ଶକ୍ତିର୍ମୁକ୍ତା ଜ୍ଵାଲାତିଭୀଷଣା|
ଆୟାନ୍ତୀ ଵହ୍ନିକୂଟାଭା ସା ନିରସ୍ତା ମହୋଲ୍କୟା||25||
ସିଂହନାଦେନ ଶୁମ୍ଭସ୍ୟ ଵ୍ୟାପ୍ତଂ ଲୋକତ୍ରୟାନ୍ତରମ|
ନିର୍ଘାତନିଃସ୍ଵନୋ ଘୋରୋ ଜିତଵାନଵନୀପତେ||26||
ଶୁମ୍ଭମୁକ୍ତାଞ୍ଛରାନ୍ଦେଵୀ ଶୁମ୍ଭସ୍ତତ୍ପ୍ରହିତାଞ୍ଛରାନ|
ଚିଚ୍ଛେଦ ସ୍ଵଶରୈରୁଗ୍ରୈଃ ଶତଶୋஉଥ ସହସ୍ରଶଃ||27||
ତତଃ ସା ଚଣ୍ଡିକା କ୍ରୁଦ୍ଧା ଶୂଲେନାଭିଜଘାନ ତମ|
ସ ତଦାଭି ହତୋ ଭୂମୌ ମୂର୍ଛିତୋ ନିପପାତ ହ||28||
ତତୋ ନିଶୁମ୍ଭଃ ସମ୍ପ୍ରାପ୍ୟ ଚେତନାମାତ୍ତକାର୍ମୁକଃ|
ଆଜଘାନ ଶରୈର୍ଦେଵୀଂ କାଳୀଂ କେସରିଣଂ ତଥା||29||
ପୁନଶ୍ଚ କୃତ୍ଵା ବାହୁନାମୟୁତଂ ଦନୁଜେଶ୍ଵରଃ|
ଚକ୍ରାୟୁଧେନ ଦିତିଜଶ୍ଚାଦୟାମାସ ଚଣ୍ଡିକାମ||30||
ତତୋ ଭଗଵତୀ କ୍ରୁଦ୍ଧା ଦୁର୍ଗାଦୁର୍ଗାର୍ତି ନାଶିନୀ|
ଚିଚ୍ଛେଦ ଦେଵୀ ଚକ୍ରାଣି ସ୍ଵଶରୈଃ ସାୟକାଂଶ୍ଚ ତାନ||31||
ତତୋ ନିଶୁମ୍ଭୋ ଵେଗେନ ଗଦାମାଦାୟ ଚଣ୍ଡିକାମ|
ଅଭ୍ୟଧାଵତ ଵୈ ହନ୍ତୁଂ ଦୈତ୍ୟ ସେନାସମାଵୃତଃ||32||
ତସ୍ୟାପତତ ଏଵାଶୁ ଗଦାଂ ଚିଚ୍ଛେଦ ଚଣ୍ଡିକା|
ଖଡ୍ଗେନ ଶିତଧାରେଣ ସ ଚ ଶୂଲଂ ସମାଦଦେ||33||
ଶୂଲହସ୍ତଂ ସମାୟାନ୍ତଂ ନିଶୁମ୍ଭମମରାର୍ଦନମ|
ହୃଦି ଵିଵ୍ୟାଧ ଶୂଲେନ ଵେଗାଵିଦ୍ଧେନ ଚଣ୍ଡିକା||34||
ଖିନ୍ନସ୍ୟ ତସ୍ୟ ଶୂଲେନ ହୃଦୟାନ୍ନିଃସୃତୋஉପରଃ|
ମହାବଲୋ ମହାଵୀର୍ୟସ୍ତିଷ୍ଠେତି ପୁରୁଷୋ ଵଦନ||35||
ତସ୍ୟ ନିଷ୍କ୍ରାମତୋ ଦେଵୀ ପ୍ରହସ୍ୟ ସ୍ଵନଵତ୍ତତଃ|
ଶିରଶ୍ଚିଚ୍ଛେଦ ଖଡ୍ଗେନ ତତୋஉସାଵପତଦ୍ଭୁଵି||36||
ତତଃ ସିଂହଶ୍ଚ ଖାଦୋଗ୍ର ଦଂଷ୍ଟ୍ରାକ୍ଷୁଣ୍ଣଶିରୋଧରାନ|
ଅସୁରାଂ ସ୍ତାଂସ୍ତଥା କାଳୀ ଶିଵଦୂତୀ ତଥାପରାନ||37||
କୌମାରୀ ଶକ୍ତିନିର୍ଭିନ୍ନାଃ କେଚିନ୍ନେଶୁର୍ମହାସୁରାଃ
ବ୍ରହ୍ମାଣୀ ମନ୍ତ୍ରପୂତେନ ତୋୟେନାନ୍ୟେ ନିରାକୃତାଃ||38||
ମାହେଶ୍ଵରୀ ତ୍ରିଶୂଲେନ ଭିନ୍ନାଃ ପେତୁସ୍ତଥାପରେ|
ଵାରାହୀତୁଣ୍ଡଘାତେନ କେଚିଚ୍ଚୂର୍ଣୀ କୃତା ଭୁଵି||39||
ଖଣ୍ଡଂ ଖଣ୍ଡଂ ଚ ଚକ୍ରେଣ ଵୈଷ୍ଣଵ୍ୟା ଦାନଵାଃ କୃତାଃ|
ଵଜ୍ରେଣ ଚୈନ୍ଦ୍ରୀ ହସ୍ତାଗ୍ର ଵିମୁକ୍ତେନ ତଥାପରେ||40||
କେଚିଦ୍ଵିନେଶୁରସୁରାଃ କେଚିନ୍ନଷ୍ଟାମହାହଵାତ|
ଭକ୍ଷିତାଶ୍ଚାପରେ କାଳୀଶିଵଧୂତୀ ମୃଗାଧିପୈଃ||41||
|| ସ୍ଵସ୍ତି ଶ୍ରୀ ମାର୍କଣ୍ଡେୟ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ୟେ ନିଶୁମ୍ଭଵଧୋନାମ ନଵମୋଧ୍ୟାୟ ସମାପ୍ତମ ||
ଆହୁତି
ଓଂ କ୍ଲୀଂ ଜୟଂତୀ ସାଂଗାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ମହାହୁତିଂ ସମର୍ପୟାମି ନମଃ ସ୍ଵାହା ||
