Lord Sarvadeva Kruta Sri Lakshmi Stotram in Malayalam

Sarvadeva Kruta Sri Lakshmi Stotram – Malayalam Lyrics (Text)

Sarvadeva Kruta Sri Lakshmi Stotram – Malayalam Script

രചന: സര്വ ദേവതാ

ക്ഷമസ്വ ഭഗവത്യംബ ക്ഷമാ ശീലേ പരാത്പരേ|
ശുദ്ധ സത്വ സ്വരൂപേച കോപാദി പരി വര്ജിതേ||

ഉപമേ സര്വ സാധ്വീനാം ദേവീനാം ദേവ പൂജിതേ|
ത്വയാ വിനാ ജഗത്സര്വം മൃത തുല്യംച നിഷ്ഫലമ്|

സര്വ സംപത്സ്വരൂപാത്വം സര്വേഷാം സര്വ രൂപിണീ|
രാസേശ്വര്യധി ദേവീത്വം ത്വത്കലാഃ സര്വയോഷിതഃ||

കൈലാസേ പാര്വതീ ത്വംച ക്ഷീരോധേ സിംധു കന്യകാ|
സ്വര്ഗേച സ്വര്ഗ ലക്ഷ്മീ സ്ത്വം മര്ത്യ ലക്ഷ്മീശ്ച ഭൂതലേ||

വൈകുംഠേച മഹാലക്ഷ്മീഃ ദേവദേവീ സരസ്വതീ|
ഗംഗാച തുലസീത്വംച സാവിത്രീ ബ്രഹ്മ ലോകതഃ||

കൃഷ്ണ പ്രാണാധി ദേവീത്വം ഗോലോകേ രാധികാ സ്വയമ്|
രാസേ രാസേശ്വരീ ത്വംച ബൃംദാ ബൃംദാവനേ വനേ||

കൃഷ്ണ പ്രിയാ ത്വം ഭാംഡീരേ ചംദ്രാ ചംദന കാനനേ|
വിരജാ ചംപക വനേ ശത ശൃംഗേച സുംദരീ|

പദ്മാവതീ പദ്മ വനേ മാലതീ മാലതീ വനേ|
കുംദ ദംതീ കുംദവനേ സുശീലാ കേതകീ വനേ||

കദംബ മാലാ ത്വം ദേവീ കദംബ കാനനേ2പിച|
രാജലക്ഷ്മീഃ രാജ ഗേഹേ ഗൃഹലക്ഷ്മീ ര്ഗൃഹേ ഗൃഹേ||

ഇത്യുക്ത്വാ ദേവതാസ്സര്വാഃ മുനയോ മനവസ്തഥാ|
രൂരൂദുര്ന മ്രവദനാഃ ശുഷ്ക കംഠോഷ്ഠ താലുകാഃ||

ഇതി ലക്ഷ്മീ സ്തവം പുണ്യം സര്വദേവൈഃ കൃതം ശുഭമ്|
യഃ പഠേത്പ്രാതരുത്ഥായ സവൈസര്വം ലഭേദ്ധ്രുവമ്||

അഭാര്യോ ലഭതേ ഭാര്യാം വിനീതാം സുസുതാം സതീമ്|
സുശീലാം സുംദരീം രമ്യാമതി സുപ്രിയവാദിനീമ്||

പുത്ര പൗത്ര വതീം ശുദ്ധാം കുലജാം കോമലാം വരാമ്|
അപുത്രോ ലഭതേ പുത്രം വൈഷ്ണവം ചിരജീവിനമ്||

പരമൈശ്വര്യ യുക്തംച വിദ്യാവംതം യശസ്വിനമ്|
ഭ്രഷ്ടരാജ്യോ ലഭേദ്രാജ്യം ഭ്രഷ്ട ശ്രീര്ലഭേതേ ശ്രിയമ്||

ഹത ബംധുര്ലഭേദ്ബംധും ധന ഭ്രഷ്ടോ ധനം ലഭേത്||
കീര്തി ഹീനോ ലഭേത്കീര്തിം പ്രതിഷ്ഠാംച ലഭേദ്ധ്രുവമ്||

സര്വ മംഗളദം സ്തോത്രം ശോക സംതാപ നാശനമ്|
ഹര്ഷാനംദകരം ശാശ്വദ്ധര്മ മോക്ഷ സുഹൃത്പദമ്||

|| ഇതി സര്വ ദേവ കൃത ലക്ഷ്മീ സ്തോത്രം സംപൂര്ണമ് ||

Lord Sri Devi Khadgamala Stotram in Malayalam

Sri Devi Khadgamala Stotram – Malayalam Lyrics (Text)

Sri Devi Khadgamala Stotram – Malayalam Script

ശ്രീ ദേവീ പ്രാര്ഥന
ഹ്രീംകാരാസനഗര്ഭിതാനലശിഖാം സൗഃ ക്ലീം കളാം ബിഭ്രതീം
സൗവര്ണാംബരധാരിണീം വരസുധാധൗതാം ത്രിനേത്രോജ്ജ്വലാമ് |
വംദേ പുസ്തകപാശമംകുശധരാം സ്രഗ്ഭൂഷിതാമുജ്ജ്വലാം
ത്വാം ഗൗരീം ത്രിപുരാം പരാത്പരകളാം ശ്രീചക്രസംചാരിണീമ് ||

അസ്യ ശ്രീ ശുദ്ധശക്തിമാലാമഹാമംത്രസ്യ, ഉപസ്ഥേംദ്രിയാധിഷ്ഠായീ വരുണാദിത്യ ഋഷയഃ ദേവീ ഗായത്രീ ഛംദഃ സാത്വിക കകാരഭട്ടാരകപീഠസ്ഥിത കാമേശ്വരാംകനിലയാ മഹാകാമേശ്വരീ ശ്രീ ലലിതാ ഭട്ടാരികാ ദേവതാ, ഐം ബീജം ക്ലീം ശക്തിഃ, സൗഃ കീലകം മമ ഖഡ്ഗസിദ്ധ്യര്ഥേ സര്വാഭീഷ്ടസിദ്ധ്യര്ഥേ ജപേ വിനിയോഗഃ, മൂലമംത്രേണ ഷഡംഗന്യാസം കുര്യാത് |

ധ്യാനമ്
ആരക്താഭാംത്രിണേത്രാമരുണിമവസനാം രത്നതാടംകരമ്യാമ്
ഹസ്താംഭോജൈസ്സപാശാംകുശമദനധനുസ്സായകൈര്വിസ്ഫുരംതീമ് |
ആപീനോത്തുംഗവക്ഷോരുഹകലശലുഠത്താരഹാരോജ്ജ്വലാംഗീം
ധ്യായേദംഭോരുഹസ്ഥാമരുണിമവസനാമീശ്വരീമീശ്വരാണാമ് ||

ലമിത്യാദിപംച പൂജാമ് കുര്യാത്, യഥാശക്തി മൂലമംത്രമ് ജപേത് |

ലം – പൃഥിവീതത്ത്വാത്മികായൈ ശ്രീ ലലിതാത്രിപുരസുംദരീ പരാഭട്ടാരികായൈ ഗംധം പരികല്പയാമി – നമഃ
ഹം – ആകാശതത്ത്വാത്മികായൈ ശ്രീ ലലിതാത്രിപുരസുംദരീ പരാഭട്ടാരികായൈ പുഷ്പം പരികല്പയാമി – നമഃ
യം – വായുതത്ത്വാത്മികായൈ ശ്രീ ലലിതാത്രിപുരസുംദരീ പരാഭട്ടാരികായൈ ധൂപം പരികല്പയാമി – നമഃ
രം – തേജസ്തത്ത്വാത്മികായൈ ശ്രീ ലലിതാത്രിപുരസുംദരീ പരാഭട്ടാരികായൈ ദീപം പരികല്പയാമി – നമഃ
വം – അമൃതതത്ത്വാത്മികായൈ ശ്രീ ലലിതാത്രിപുരസുംദരീ പരാഭട്ടാരികായൈ അമൃതനൈവേദ്യം പരികല്പയാമി – നമഃ
സം – സര്വതത്ത്വാത്മികായൈ ശ്രീ ലലിതാത്രിപുരസുംദരീ പരാഭട്ടാരികായൈ താംബൂലാദിസര്വോപചാരാന് പരികല്പയാമി – നമഃ

ശ്രീ ദേവീ സംബോധനം (1)
ഓം ഐം ഹ്രീം ശ്രീമ് ഐം ക്ലീം സൗഃ ഓം നമസ്ത്രിപുരസുംദരീ,

ന്യാസാംഗദേവതാഃ (6)
ഹൃദയദേവീ, ശിരോദേവീ, ശിഖാദേവീ, കവചദേവീ, നേത്രദേവീ, അസ്ത്രദേവീ,

തിഥിനിത്യാദേവതാഃ (16)
കാമേശ്വരീ, ഭഗമാലിനീ, നിത്യക്ലിന്നേ, ഭേരുംഡേ, വഹ്നിവാസിനീ, മഹാവജ്രേശ്വരീ, ശിവദൂതീ, ത്വരിതേ, കുലസുംദരീ, നിത്യേ, നീലപതാകേ, വിജയേ, സര്വമംഗളേ, ജ്വാലാമാലിനീ, ചിത്രേ, മഹാനിത്യേ,

ദിവ്യൗഘഗുരവഃ (7)
പരമേശ്വര, പരമേശ്വരീ, മിത്രേശമയീ, ഉഡ്ഡീശമയീ, ചര്യാനാഥമയീ, ലോപാമുദ്രമയീ, അഗസ്ത്യമയീ,

സിദ്ധൗഘഗുരവഃ (4)
കാലതാപശമയീ, ധര്മാചാര്യമയീ, മുക്തകേശീശ്വരമയീ, ദീപകലാനാഥമയീ,

മാനവൗഘഗുരവഃ (8)
വിഷ്ണുദേവമയീ, പ്രഭാകരദേവമയീ, തേജോദേവമയീ, മനോജദേവമയി, കള്യാണദേവമയീ, വാസുദേവമയീ, രത്നദേവമയീ, ശ്രീരാമാനംദമയീ,

ശ്രീചക്ര പ്രഥമാവരണദേവതാഃ
അണിമാസിദ്ധേ, ലഘിമാസിദ്ധേ, ഗരിമാസിദ്ധേ, മഹിമാസിദ്ധേ, ഈശിത്വസിദ്ധേ, വശിത്വസിദ്ധേ, പ്രാകാമ്യസിദ്ധേ, ഭുക്തിസിദ്ധേ, ഇച്ഛാസിദ്ധേ, പ്രാപ്തിസിദ്ധേ, സര്വകാമസിദ്ധേ, ബ്രാഹ്മീ, മാഹേശ്വരീ, കൗമാരി, വൈഷ്ണവീ, വാരാഹീ, മാഹേംദ്രീ, ചാമുംഡേ, മഹാലക്ഷ്മീ, സര്വസംക്ഷോഭിണീ, സര്വവിദ്രാവിണീ, സര്വാകര്ഷിണീ, സര്വവശംകരീ, സര്വോന്മാദിനീ, സര്വമഹാംകുശേ, സര്വഖേചരീ, സര്വബീജേ, സര്വയോനേ, സര്വത്രിഖംഡേ, ത്രൈലോക്യമോഹന ചക്രസ്വാമിനീ, പ്രകടയോഗിനീ,

ശ്രീചക്ര ദ്വിതീയാവരണദേവതാഃ
കാമാകര്ഷിണീ, ബുദ്ധ്യാകര്ഷിണീ, അഹംകാരാകര്ഷിണീ, ശബ്ദാകര്ഷിണീ, സ്പര്ശാകര്ഷിണീ, രൂപാകര്ഷിണീ, രസാകര്ഷിണീ, ഗംധാകര്ഷിണീ, ചിത്താകര്ഷിണീ, ധൈര്യാകര്ഷിണീ, സ്മൃത്യാകര്ഷിണീ, നാമാകര്ഷിണീ, ബീജാകര്ഷിണീ, ആത്മാകര്ഷിണീ, അമൃതാകര്ഷിണീ, ശരീരാകര്ഷിണീ, സര്വാശാപരിപൂരക ചക്രസ്വാമിനീ, ഗുപ്തയോഗിനീ,

ശ്രീചക്ര തൃതീയാവരണദേവതാഃ
അനംഗകുസുമേ, അനംഗമേഖലേ, അനംഗമദനേ, അനംഗമദനാതുരേ, അനംഗരേഖേ, അനംഗവേഗിനീ, അനംഗാംകുശേ, അനംഗമാലിനീ, സര്വസംക്ഷോഭണചക്രസ്വാമിനീ, ഗുപ്തതരയോഗിനീ,

ശ്രീചക്ര ചതുര്ഥാവരണദേവതാഃ
സര്വസംക്ഷോഭിണീ, സര്വവിദ്രാവിനീ, സര്വാകര്ഷിണീ, സര്വഹ്ലാദിനീ, സര്വസമ്മോഹിനീ, സര്വസ്തംഭിനീ, സര്വജൃംഭിണീ, സര്വവശംകരീ, സര്വരംജനീ, സര്വോന്മാദിനീ, സര്വാര്ഥസാധികേ, സര്വസമ്പത്തിപൂരിണീ, സര്വമംത്രമയീ, സര്വദ്വംദ്വക്ഷയംകരീ, സര്വസൗഭാഗ്യദായക ചക്രസ്വാമിനീ, സമ്പ്രദായയോഗിനീ,

ശ്രീചക്ര പംചമാവരണദേവതാഃ
സര്വസിദ്ധിപ്രദേ, സര്വസമ്പത്പ്രദേ, സര്വപ്രിയംകരീ, സര്വമംഗളകാരിണീ, സര്വകാമപ്രദേ, സര്വദുഃഖവിമോചനീ, സര്വമൃത്യുപ്രശമനി, സര്വവിഘ്നനിവാരിണീ, സര്വാംഗസുംദരീ, സര്വസൗഭാഗ്യദായിനീ, സര്വാര്ഥസാധക ചക്രസ്വാമിനീ, കുലോത്തീര്ണയോഗിനീ,

ശ്രീചക്ര ഷഷ്ടാവരണദേവതാഃ
സര്വജ്ഞേ, സര്വശക്തേ, സര്വൈശ്വര്യപ്രദായിനീ, സര്വജ്ഞാനമയീ, സര്വവ്യാധിവിനാശിനീ, സര്വാധാരസ്വരൂപേ, സര്വപാപഹരേ, സര്വാനംദമയീ, സര്വരക്ഷാസ്വരൂപിണീ, സര്വേപ്സിതഫലപ്രദേ, സര്വരക്ഷാകരചക്രസ്വാമിനീ, നിഗര്ഭയോഗിനീ,

ശ്രീചക്ര സപ്തമാവരണദേവതാഃ
വശിനീ, കാമേശ്വരീ, മോദിനീ, വിമലേ, അരുണേ, ജയിനീ, സര്വേശ്വരീ, കൗളിനി, സര്വരോഗഹരചക്രസ്വാമിനീ, രഹസ്യയോഗിനീ,

ശ്രീചക്ര അഷ്ടമാവരണദേവതാഃ
ബാണിനീ, ചാപിനീ, പാശിനീ, അംകുശിനീ, മഹാകാമേശ്വരീ, മഹാവജ്രേശ്വരീ, മഹാഭഗമാലിനീ, സര്വസിദ്ധിപ്രദചക്രസ്വാമിനീ, അതിരഹസ്യയോഗിനീ,

ശ്രീചക്ര നവമാവരണദേവതാഃ
ശ്രീ ശ്രീ മഹാഭട്ടാരികേ, സര്വാനംദമയചക്രസ്വാമിനീ, പരാപരരഹസ്യയോഗിനീ,

നവചക്രേശ്വരീ നാമാനി
ത്രിപുരേ, ത്രിപുരേശീ, ത്രിപുരസുംദരീ, ത്രിപുരവാസിനീ, ത്രിപുരാശ്രീഃ, ത്രിപുരമാലിനീ, ത്രിപുരസിദ്ധേ, ത്രിപുരാംബാ, മഹാത്രിപുരസുംദരീ,

ശ്രീദേവീ വിശേഷണാനി – നമസ്കാരനവാക്ഷരീച
മഹാമഹേശ്വരീ, മഹാമഹാരാജ്ഞീ, മഹാമഹാശക്തേ, മഹാമഹാഗുപ്തേ, മഹാമഹാജ്ഞപ്തേ, മഹാമഹാനംദേ, മഹാമഹാസ്കംധേ, മഹാമഹാശയേ, മഹാമഹാ ശ്രീചക്രനഗരസാമ്രാജ്ഞീ, നമസ്തേ നമസ്തേ നമസ്തേ നമഃ |

ഫലശ്രുതിഃ
ഏഷാ വിദ്യാ മഹാസിദ്ധിദായിനീ സ്മൃതിമാത്രതഃ |
അഗ്നിവാതമഹാക്ഷോഭേ രാജാരാഷ്ട്രസ്യവിപ്ലവേ ||

ലുംഠനേ തസ്കരഭയേ സംഗ്രാമേ സലിലപ്ലവേ |
സമുദ്രയാനവിക്ഷോഭേ ഭൂതപ്രേതാദികേ ഭയേ ||

അപസ്മാരജ്വരവ്യാധിമൃത്യുക്ഷാമാദിജേഭയേ |
ശാകിനീ പൂതനായക്ഷരക്ഷഃകൂഷ്മാംഡജേ ഭയേ ||

മിത്രഭേദേ ഗ്രഹഭയേ വ്യസനേഷ്വാഭിചാരികേ |
അന്യേഷ്വപി ച ദോഷേഷു മാലാമംത്രം സ്മരേന്നരഃ ||

താദൃശം ഖഡ്ഗമാപ്നോതി യേന ഹസ്തസ്ഥിതേനവൈ |
അഷ്ടാദശമഹാദ്വീപസമ്രാഡ്ഭോക്താഭവിഷ്യതി ||

സര്വോപദ്രവനിര്മുക്തസ്സാക്ഷാച്ഛിവമയോഭവേത് |
ആപത്കാലേ നിത്യപൂജാം വിസ്താരാത്കര്തുമാരഭേത് ||

ഏകവാരം ജപധ്യാനമ് സര്വപൂജാഫലം ലഭേത് |
നവാവരണദേവീനാം ലലിതായാ മഹൗജനഃ ||

ഏകത്ര ഗണനാരൂപോ വേദവേദാംഗഗോചരഃ |
സര്വാഗമരഹസ്യാര്ഥഃ സ്മരണാത്പാപനാശിനീ ||

ലലിതായാമഹേശാന്യാ മാലാ വിദ്യാ മഹീയസീ |
നരവശ്യം നരേംദ്രാണാം വശ്യം നാരീവശംകരമ് ||

അണിമാദിഗുണൈശ്വര്യം രംജനം പാപഭംജനമ് |
തത്തദാവരണസ്ഥായി ദേവതാബൃംദമംത്രകമ് ||

മാലാമംത്രം പരം ഗുഹ്യം പരം ധാമ പ്രകീര്തിതമ് |
ശക്തിമാലാ പംചധാസ്യാച്ഛിവമാലാ ച താദൃശീ ||

തസ്മാദ്ഗോപ്യതരാദ്ഗോപ്യം രഹസ്യം ഭുക്തിമുക്തിദമ് ||

|| ഇതി ശ്രീ വാമകേശ്വരതംത്രേ ഉമാമഹേശ്വരസംവാദേ ദേവീഖഡ്ഗമാലാസ്തോത്രരത്നം സമാപ്തമ് ||

Lord Devi Mahatmyam Chamundeswari Mangalam in Malayalam

Devi Mahatmyam Chamundeswari Mangalam – Malayalam Lyrics (Text)

Devi Mahatmyam Chamundeswari Mangalam – Malayalam Script

രചന: ഋഷി മാര്കംഡേയ

ശ്രീ ശൈലരാജ തനയേ ചംഡ മുംഡ നിഷൂദിനീ
മൃഗേംദ്ര വാഹനേ തുഭ്യം ചാമുംഡായൈ സുമംഗളം|1|

പംച വിംശതി സാലാഡ്യ ശ്രീ ചക്രപുഅ നിവാസിനീ
ബിംദുപീഠ സ്ഥിതെ തുഭ്യം ചാമുംഡായൈ സുമംഗളം||2||

രാജ രാജേശ്വരീ ശ്രീമദ് കാമേശ്വര കുടുംബിനീം
യുഗ നാധ തതേ തുഭ്യം ചാമുംഡായൈ സുമംഗളം||3||

മഹാകാളീ മഹാലക്ഷ്മീ മഹാവാണീ മനോന്മണീ
യോഗനിദ്രാത്മകേ തുഭ്യം ചാമൂംഡായൈ സുമംഗളം||4||

മത്രിനീ ദംഡിനീ മുഖ്യ യോഗിനീ ഗണ സേവിതേ|
ഭണ്ഡ ദൈത്യ ഹരേ തുഭ്യം ചാമൂംഡായൈ സുമംഗളം||5||

നിശുംഭ മഹിഷാ ശുംഭേ രക്തബീജാദി മര്ദിനീ
മഹാമായേ ശിവേതുഭ്യം ചാമൂംഡായൈ സുമംഗളം||

കാള രാത്രി മഹാദുര്ഗേ നാരായണ സഹോദരീ
വിംധ്യ വാസിനീ തുഭ്യം ചാമൂംഡായൈ സുമംഗളം||

ചംദ്ര ലേഖാ ലസത്പാലേ ശ്രീ മദ്സിംഹാസനേശ്വരീ
കാമേശ്വരീ നമസ്തുഭ്യം ചാമൂംഡായൈ സുമംഗളം||

പ്രപംച സൃഷ്ടി രക്ഷാദി പംച കാര്യ ധ്രംധരേ
പംചപ്രേതാസനേ തുഭ്യം ചാമൂംഡായൈ സുമംഗളം||

മധുകൈടഭ സംഹത്രീം കദംബവന വാസിനീ
മഹേംദ്ര വരദേ തുഭ്യം ചാമൂംഡായൈ സുമംഗളം||

നിഗമാഗമ സംവേദ്യേ ശ്രീ ദേവീ ലലിതാംബികേ
ഓഡ്യാണ പീഠഗദേ തുഭ്യം ചാമൂംഡായൈ സുമംഗളം||12||

പുണ്ദേഷു ഖംഡ ദണ്ഡ പുഷ്പ കണ്ഠ ലസത്കരേ
സദാശിവ കലേ തുഭ്യം ചാമൂംഡായൈ സുമംഗളം||12||

കാമേശ ഭക്ത മാംഗല്യ ശ്രീമദ് ത്രിപുര സുംദരീ|
സൂര്യാഗ്നിംദു ത്രിലോചനീ തുഭ്യം ചാമൂംഡായൈ സുമംഗളം||13||

ചിദഗ്നി കുണ്ഡ സംഭൂതേ മൂല പ്രകൃതി സ്വരൂപിണീ
കംദര്പ ദീപകേ തുഭ്യം ചാമൂംഡായൈ സുമംഗളം||14||

മഹാ പദ്മാടവീ മധ്യേ സദാനംദ ദ്വിഹാരിണീ
പാസാംകുശ ധരേ തുഭ്യം ചാമൂംഡായൈ സുമംഗളം||15||

സര്വമംത്രാത്മികേ പ്രാജ്ഞേ സര്വ യംത്ര സ്വരൂപിണീ
സര്വതംത്രാത്മികേ തുഭ്യം ചാമൂംഡായൈ സുമംഗളം||16||

സര്വ പ്രാണി സുതേ വാസേ സര്വ ശക്തി സ്വരൂപിണീ
സര്വാ ഭിഷ്ട പ്രദേ തുഭ്യം ചാമൂംഡായൈ സുമംഗളം||17||

വേദമാത മഹാരാജ്ഞീ ലക്ഷ്മീ വാണീ വശപ്രിയേ
ത്രൈലോക്യ വന്ദിതേ തുഭ്യം ചാമൂംഡായൈ സുമംഗളം||18||

ബ്രഹ്മോപേംദ്ര സുരേംദ്രാദി സംപൂജിത പദാംബുജേ
സര്വായുധ കരേ തുഭ്യം ചാമൂംഡായൈ സുമംഗളം||19||

മഹാവിധ്യാ സംപ്രദായൈ സവിധ്യേനിജ വൈബഹ്വേ|
സര്വ മുദ്രാ കരേ തുഭ്യം ചാമൂംഡായൈ സുമംഗളം||20||

ഏക പംചാശതേ പീഠേ നിവാസാത്മ വിലാസിനീ
അപാര മഹിമേ തുഭ്യം ചാമൂംഡായൈ സുമംഗളം||21||

തേജോ മയീദയാപൂര്ണേ സച്ചിദാനംദ രൂപിണീ
സര്വ വര്ണാത്മികേ തുഭ്യം ചാമൂംഡായൈ സുമംഗളം||22||

ഹംസാരൂഢേ ചതുവക്ത്രേ ബ്രാഹ്മീ രൂപ സമന്വിതേ
ധൂമ്രാക്ഷസ് ഹന്ത്രികേ തുഭ്യം ചാമൂംഡായൈ സുമംഗളം||23||

മാഹേസ്വരീ സ്വരൂപയൈ പംചാസ്യൈ വൃഷഭവാഹനേ|
സുഗ്രീവ പംചികേ തുഭ്യം ചാമൂംഡായൈ സുമംഗളം||24||

മയൂര വാഹേ ഷ്ട് വക്ത്രേ കൗമരീ രൂപ ശോഭിതേ
ശക്തി യുക്ത കരേ തുഭ്യം ചാമൂംഡായൈ സുമംഗളം||

പക്ഷിരാജ സമാരൂഢേ ശംഖ ചക്ര ലസത്കരേ|
വൈഷ്നവീ സംജ്ഞികേ തുഭ്യം ചാമൂംഡായൈ സുമംഗളം||

വാരാഹീ മഹിഷാരൂഢേ ഘോര രൂപ സമന്വിതേ
ദംഷ്ത്രായുധ ധരെ തുഭ്യം ചാമൂംഡായൈ സുമംഗളം||

ഗജേംദ്ര വാഹനാ രുഢേ ഇംദ്രാണീ രൂപ വാസുരേ
വജ്രായുധ കരെ തുഭ്യം ചാമൂംഡായൈ സുമംഗളം||

ചതുര്ഭുജെ സിംഹ വാഹേ ജതാ മംഡില മംഡിതേ
ചംഡികെ ശുഭഗേ തുഭ്യം ചാമൂംഡായൈ സുമംഗളം||

ദംശ്ട്രാ കരാല വദനേ സിംഹ വക്ത്രെ ചതുര്ഭുജേ
നാരസിംഹീ സദാ തുഭ്യം ചാമൂംഡായൈ സുമംഗളം||

ജ്വല ജിഹ്വാ കരാലാസ്യേ ചംഡകോപ സമന്വിതേ
ജ്വാലാ മാലിനീ തുഭ്യം ചാമൂംഡായൈ സുമംഗളം||

ഭൃഗിണേ ദര്ശിതാത്മീയ പ്രഭാവേ പരമേസ്വരീ
നന രൂപ ധരേ തുഭ്യ ചാമൂംഡായൈ സുമംഗളം||

ഗണേശ സ്കംദ ജനനീ മാതംഗീ ഭുവനേശ്വരീ
ഭദ്രകാളീ സദാ തുബ്യം ചാമൂംഡായൈ സുമംഗളം||

അഗസ്ത്യായ ഹയഗ്രീവ പ്രകടീ കൃത വൈഭവേ
അനംതാഖ്യ സുതേ തുഭ്യം ചാമൂംഡായൈ സുമംഗളം||

||ഇതി ശ്രീ ചാമുംഡേശ്വരീ മംഗളം സംപൂര്ണം||

Lord Devi Mahatmyam Mangala Haarati in Malayalam

Devi Mahatmyam Mangala Haarati – Malayalam Lyrics (Text)

Devi Mahatmyam Mangala Haarati – Malayalam Script

രചന: ഋഷി മാര്കംഡേയ

ശ്രീ ചക്ര പുര മംദു സ്ഥിരമൈന ശ്രീ ലലിത പസിഡി പാദാലകിദെ നീരാജനം
ബംഗാരുതല്ലികിദെ നീരാജനം

ബംഗാരു ഹാരാലു സിംഗാരമൊലകിംചു അംബികാ ഹൃദയകു നീരാജനം
ബംഗാരുതല്ലികിദെ നീരാജനം

ശ്രീ ഗൗരി ശ്രീമാത ശ്രീമഹാരാജ്ഞി ശ്രീ സിംഹാസനേശ്വരികി നീരാജനം
ബംഗാരുതല്ലികിദെ നീരാജനം

കല്പതരുവൈ മമ്മു കാപാഡു കരമുലകു കവകംബു കാസുലതോ നീരാജനം
ബംഗാരുതല്ലികിദെ നീരാജനം

പാശാംകുശ പുഷ്പ ബാണചാപധരികി പരമ പാവനമൈന നീരാജനം
ബംഗാരുതല്ലികിദെ നീരാജനം

കാംതി കിരണാലതോ കലികി മെഡലോ മെരിസെ കല്യാണ സൂത്രമ്മു നീരാജനം
ബംഗാരുതല്ലികിദെ നീരാജനം

ചിരുനവ്വു ലൊലികിംചു ശ്രീദേവി അധരാന ശതകോ ടി നക്ഷത്ര നീരാജനം
ബംഗാരുതല്ലികിദെ നീരാജനം

കലുവരേകുല വംടി കന്നുല തല്ലി ശ്രീരാജരാജേശ്വരികി നീരാജനം
ബംഗാരുതല്ലികിദെ നീരാജനം

മുദമാര മോമുന മുച്ചടഗ ദരിയിംചു കസ്തൂരി കുംകുമകു നീരാജനം
ബംഗാരുതല്ലികിദെ നീരാജനം

ചംദ്രവംകനികിദെ നീരാജനം

ശുക്രവാരമുനാഡു ശുഭമുലൊസഗേ തല്ലി ശ്രീ മഹാലക്ഷ്മി കിദെ നീരാജനം
ബംഗാരുതല്ലികിദെ നീരാജനം

മുഗ്ഗുരമ്മലകുനു മൂലമഗു പെദ്ദമ്മ മുത്യാലതോ നിത്യ നീരാജനം
ബംഗാരുതല്ലികിദെ നീരാജനം

ശൃംഗേരി പീഠാന സുംദരാകാരിണി സൗംദര്യലഹരികിദെ നീരാജനം
ബംഗാരുതല്ലികിദെ നീരാജനം

സകല ഹൃദയാലലോ ബുദ്ധിപ്രേരണ ജേയു തല്ലി ഗായത്രികിദെ നീരാജനം
ബംഗാരുതല്ലികിദെ നീരാജനം

ദാന നരസിംഹുനി ദയതോഡ രക്ഷിംചു ദയഗല തല്ലികിദെ നീരാജനം
ആത്മാര്പണതോ നിത്യ നീരാജനം

ശ്രീ ചക്ര പുര മംദു സ്ഥിരമൈന ശ്രീ ലലിത പസിഡി പാദാലകിദെ നീരാജനം
ബംഗാരുതല്ലികിദെ നീരാജനം

Lord Devi Mahatmyam Dvaatrisannaamaavali in Malayalam

Devi Mahatmyam Dvaatrisannaamaavali – Malayalam Lyrics (Text)

Devi Mahatmyam Dvaatrisannaamaavali – Malayalam Script

രചന: ഋഷി മാര്കംഡേയ

ദുര്ഗാ ദുര്ഗാര്തി ശമനീ ദുര്ഗാപദ്വിനിവാരിണീ|
ദുര്ഗാമച്ഛേദിനീ ദുര്ഗ സാധിനീ ദുര്ഗ നാശിനീ
ദുര്ഗ മജ്ഞാനദാ ദുര്ഗദൈത്യലോകദവാനലാ
ദുര്ഗമാ ദുര്ഗമാലോകാ ദുര്ഗമാത്മസ്വരൂപിണീ
ദുര്ഗമാര്ഗപ്രദാ ദുര്ഗമവിദ്യാ ദുര്ഗമാശ്രിതാ
ദുര്ഗമജ്ഞാനസംസ്ഥാനാ ദുര്ഗമധ്യാനഭാസിനീ
ദുര്ഗമോഹാ ദുര്ഗമഗാ ദുര്ഗമാര്ഥസ്വരൂപിണീ
ദുര്ഗമാസുരസംഹന്ത്രീ ദുര്ഗമായുധധാരിണീ
ദുര്ഗമാംഗീ ദുര്ഗമാതാ ദുര്ഗമ്യാ ദുര്ഗമേശ്വരീ
ദുര്ഗഭീമാ ദുര്ഗഭാമാ ദുര്ലഭാ ദുര്ഗധാരിണീ
നാമാവളീ മമായാസ്തൂ ദുര്ഗയാ മമ മാനസഃ
പഠേത് സര്വ ഭയാന്മുക്തോ ഭവിഷ്യതി ന സംശയഃ

Lord Devi Mahatmyam Aparaadha Kshamapana Stotram in Malayalam

Devi Mahatmyam Aparaadha Kshamapana Stotram – Malayalam Lyrics (Text)

Devi Mahatmyam Aparaadha Kshamapana Stotram – Malayalam Script

രചന: ഋഷി മാര്കംഡേയ

അപരാധശതം കൃത്വാ ജഗദംബേതി ചോച്ചരേത്|
യാം ഗതിം സമവാപ്നോതി ന താം ബ്രഹ്മാദയഃ സുരാഃ ||1||

സാപരാധോ‌உസ്മി ശരണാം പ്രാപ്തസ്ത്വാം ജഗദമ്ബികേ|
ഇദാനീമനുകമ്പ്യോ‌உഹം യഥേച്ഛസി തഥാ കുരു ||2||

അജ്ഞാനാദ്വിസ്മൃതേഭ്രാന്ത്യാ യന്ന്യൂനമധികം കൃതം|
തത്സര്വ ക്ഷമ്യതാം ദേവി പ്രസീദ പരമേശ്വരീ ||3||

കാമേശ്വരീ ജഗന്മാതാഃ സച്ചിദാനന്ദവിഗ്രഹേ|
ഗൃഹാണാര്ചാമിമാം പ്രീത്യാ പ്രസീദ പരമേശ്വരീ ||4||

സര്വരൂപമയീ ദേവീ സര്വം ദേവീമയം ജഗത്|
അതോ‌உഹം വിശ്വരൂപാം ത്വാം നമാമി പരമേശ്വരീം ||5||

പൂര്ണം ഭവതു തത് സര്വം ത്വത്പ്രസാദാന്മഹേശ്വരീ
യദത്ര പാഠേ ജഗദമ്ബികേ മയാ വിസര്ഗബിംദ്വക്ഷരഹീനമീരിതമ്| ||6||

തദസ്തു സംപൂര്ണതം പ്രസാദതഃ സംകല്പസിദ്ധിശ്ച സദൈവ ജായതാം ||7||

ഭക്ത്യാഭക്ത്യാനുപൂര്വം പ്രസഭകൃതിവശാത് വ്യക്തമവ്യക്തമംബ ||8||

തത് സര്വം സാങ്ഗമാസ്താം ഭഗവതി ത്വത്പ്രസാദാത് പ്രസീദ ||9||

പ്രസാദം കുരു മേ ദേവി ദുര്ഗേദേവി നമോ‌உസ്തുതേ ||10||

||ഇതി അപരാധ ക്ഷമാപണ സ്തോത്രം സമാപ്തം||

Lord Devi Mahatmyam Devi Suktam in Malayalam

Devi Mahatmyam Devi Suktam – Malayalam Lyrics (Text)

Devi Mahatmyam Devi Suktam – Malayalam Script

രചന: ഋഷി മാര്കംഡേയ

ഓം അഹം രുദ്രേഭിര്വസു’ഭിശ്ചരാമ്യഹമാ’ദിത്യൈരുത വിശ്വദേ’വൈഃ |
അഹം മിത്രാവരു’ണോഭാ ബി’ഭര്മ്യഹമി’ന്ദ്രാഗ്നീ അഹമശ്വിനോഭാ ||1||

അഹം സോമ’മാഹനസം’ ബിഭര്മ്യഹം ത്വഷ്ടാ’രമുത പൂഷണം ഭഗമ്’ |
അഹം ദ’ധാമി ദ്രവി’ണം ഹവിഷ്മ’തേ സുപ്രാവ്യേ യേ’ ‍3 യജ’മാനായ സുന്വതേ ||2||

അഹം രാഷ്ട്രീ’ സംഗമ’നീ വസൂ’നാം ചികിതുഷീ’ പ്രഥമാ യജ്ഞിയാ’നാമ് |
താം മാ’ ദേവാ വ്യ’ദധുഃ പുരുത്രാ ഭൂരി’സ്ഥാത്രാം ഭൂ~ര്യാ’വേശയന്തീ’മ് ||3||

മയാ സോ അന്ന’മത്തി യോ വിപശ്യ’തി യഃ പ്രാണി’തി യ ഈം’ ശൃണോത്യുക്തമ് |
അമന്തവോമാംത ഉപ’ക്ഷിയന്തി ശ്രുധി ശ്രു’തം ശ്രദ്ധിവം തേ’ വദാമി ||4||

അഹമേവ സ്വയമിദം വദാ’മി ജുഷ്ടം’ ദേവേഭി’രുത മാനു’ഷേഭിഃ |
യം കാമയേ തം ത’മുഗ്രം കൃ’ണോമി തം ബ്രഹ്മാണം തമൃഷിം തം സു’മേധാമ് ||5||

അഹം രുദ്രായ ധനുരാത’നോമി ബ്രഹ്മദ്വിഷേ ശര’വേ ഹംത വാ ഉ’ |
അഹം ജനാ’യ സമദം’ കൃണോമ്യഹം ദ്യാവാ’പൃഥിവീ ആവി’വേശ ||6||

അഹം സു’വേ പിതര’മസ്യ മൂര്ധന് മമ യോനി’രപ്സ്വന്തഃ സ’മുദ്രേ |
തതോ വിതി’ഷ്ഠേ ഭുവനാനു വിശ്വോതാമൂം ദ്യാം വര്ഷ്മണോപ’ സ്പൃശാമി ||7||

അഹമേവ വാത’ ഇവ പ്രവാ’മ്യാ-രഭ’മാണാ ഭുവ’നാനി വിശ്വാ’ |
പരോ ദിവാപര ഏനാ പൃ’ഥിവ്യൈ-താവ’തീ മഹിനാ സംബ’ഭൂവ ||8||

ഓം ശാംതിഃ ശാംതിഃ ശാംതിഃ’ ||

|| ഇതി ഋഗ്വേദോക്തം ദേവീസൂക്തം സമാപ്തമ് ||
||തത് സത് ||

Lord Devi Mahatmyam Durga Saptasati Chapter 13 in Malayalam

Devi Mahatmyam Durga Saptasati Chapter 13 – Malayalam Lyrics (Text)

Devi Mahatmyam Durga Saptasati Chapter 13 – Malayalam Script

രചന: ഋഷി മാര്കംഡേയ

സുരഥവൈശ്യയോര്വരപ്രദാനം നാമ ത്രയോദശോ‌உധ്യായഃ ||

ധ്യാനം
ഓം ബാലാര്ക മംഡലാഭാസാം ചതുര്ബാഹും ത്രിലോചനാമ് |
പാശാംകുശ വരാഭീതീര്ധാരയംതീം ശിവാം ഭജേ ||

ഋഷിരുവാച || 1 ||

ഏതത്തേ കഥിതം ഭൂപ ദേവീമാഹാത്മ്യമുത്തമമ് |
ഏവംപ്രഭാവാ സാ ദേവീ യയേദം ധാര്യതേ ജഗത് ||2||

വിദ്യാ തഥൈവ ക്രിയതേ ഭഗവദ്വിഷ്ണുമായയാ |
തയാ ത്വമേഷ വൈശ്യശ്ച തഥൈവാന്യേ വിവേകിനഃ ||3||

തയാ ത്വമേഷ വൈശ്യശ്ച തഥൈവാന്യേ വിവേകിനഃ|
മോഹ്യന്തേ മോഹിതാശ്ചൈവ മോഹമേഷ്യന്തി ചാപരേ ||4||

താമുപൈഹി മഹാരാജ ശരണം പരമേശ്വരീം|
ആരാധിതാ സൈവ നൃണാം ഭോഗസ്വര്ഗാപവര്ഗദാ ||5||

മാര്കണ്ഡേയ ഉവാച ||6||

ഇതി തസ്യ വചഃ ശൃത്വാ സുരഥഃ സ നരാധിപഃ|
പ്രണിപത്യ മഹാഭാഗം തമൃഷിം സംശിതവ്രതമ് ||7||

നിര്വിണ്ണോതിമമത്വേന രാജ്യാപഹരേണന ച|
ജഗാമ സദ്യസ്തപസേ സച വൈശ്യോ മഹാമുനേ ||8||

സന്ദര്ശനാര്ഥമമ്ഭായാ ന’006ഛ്;പുലിന മാസ്ഥിതഃ|
സ ച വൈശ്യസ്തപസ്തേപേ ദേവീ സൂക്തം പരം ജപന് ||9||

തൗ തസ്മിന് പുലിനേ ദേവ്യാഃ കൃത്വാ മൂര്തിം മഹീമയീമ്|
അര്ഹണാം ചക്രതുസ്തസ്യാഃ പുഷ്പധൂപാഗ്നിതര്പണൈഃ ||10||

നിരാഹാരൗ യതാഹാരൗ തന്മനസ്കൗ സമാഹിതൗ|
ദദതുസ്തൗ ബലിംചൈവ നിജഗാത്രാസൃഗുക്ഷിതമ് ||11||

ഏവം സമാരാധയതോസ്ത്രിഭിര്വര്ഷൈര്യതാത്മനോഃ|
പരിതുഷ്ടാ ജഗദ്ധാത്രീ പ്രത്യക്ഷം പ്രാഹ ചണ്ഡികാ ||12||

ദേവ്യുവാചാ||13||

യത്പ്രാര്ഥ്യതേ ത്വയാ ഭൂപ ത്വയാ ച കുലനന്ദന|
മത്തസ്തത്പ്രാപ്യതാം സര്വം പരിതുഷ്ടാ ദദാമിതേ||14||

മാര്കണ്ഡേയ ഉവാച||15||

തതോ വവ്രേ നൃപോ രാജ്യമവിഭ്രംശ്യന്യജന്മനി|
അത്രൈവച ച നിജമ് രാജ്യം ഹതശത്രുബലം ബലാത്||16||

സോ‌உപി വൈശ്യസ്തതോ ജ്ഞാനം വവ്രേ നിര്വിണ്ണമാനസഃ|
മമേത്യഹമിതി പ്രാജ്ഞഃ സജ്ഗവിച്യുതി കാരകമ് ||17||

ദേവ്യുവാച||18||

സ്വല്പൈരഹോഭിര് നൃപതേ സ്വം രാജ്യം പ്രാപ്സ്യതേ ഭവാന്|
ഹത്വാ രിപൂനസ്ഖലിതം തവ തത്ര ഭവിഷ്യതി||19||

മൃതശ്ച ഭൂയഃ സമ്പ്രാപ്യ ജന്മ ദേവാദ്വിവസ്വതഃ|
സാവര്ണികോ മനുര്നാമ ഭവാന്ഭുവി ഭവിഷ്യതി||20||

വൈശ്യ വര്യ ത്വയാ യശ്ച വരോ‌உസ്മത്തോ‌உഭിവാഞ്ചിതഃ|
തം പ്രയച്ഛാമി സംസിദ്ധ്യൈ തവ ജ്ഞാനം ഭവിഷ്യതി||21||

മാര്കണ്ഡേയ ഉവാച

ഇതി ദത്വാ തയോര്ദേവീ യഥാഖിലഷിതം വരം|
ഭഭൂവാന്തര്ഹിതാ സദ്യോ ഭക്ത്യാ താഭ്യാമഭിഷ്ടുതാ||22||

ഏവം ദേവ്യാ വരം ലബ്ധ്വാ സുരഥഃ ക്ഷത്രിയര്ഷഭഃ|
സൂര്യാജ്ജന്മ സമാസാദ്യ സാവര്ണിര്ഭവിതാ മനുഃ||23||

ഇതി ദത്വാ തയോര്ദേവീ യഥഭിലഷിതം വരമ്|
ബഭൂവാന്തര്ഹിതാ സധ്യോ ഭക്ത്യാ താഭ്യാമഭിഷ്ടുതാ||24||

ഏവം ദേവ്യാ വരം ലബ്ധ്വാ സുരഥഃ ക്ഷത്രിയര്ഷഭഃ|
സൂര്യാജ്ജന്മ സമാസാദ്യ സാവര്ണിര്ഭവിതാ മനുഃ||25||

|ക്ലീമ് ഓം|

|| ജയ ജയ ശ്രീ മാര്കണ്ഡേയപുരാണേ സാവര്ണികേ മന്വന്തരേ ദേവീമഹത്യ്മേ സുരഥവൈശ്യ യോര്വര പ്രദാനം നാമ ത്രയോദശോധ്യായസമാപ്തമ് ||

||ശ്രീ സപ്ത ശതീ ദേവീമഹത്മ്യമ് സമാപ്തമ് ||
| ഓം തത് സത് |

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ ശ്രീ മഹാത്രിപുരസുംദര്യൈ മഹാഹുതിം സമര്പയാമി നമഃ സ്വാഹാ ||

ഓം ഖഡ്ഗിനീ ശൂലിനീ ഘൊരാ ഗദിനീ ചക്രിണീ തഥാ
ശംഖിണീ ചാപിനീ ബാണാ ഭുശുംഡീപരിഘായുധാ | ഹൃദയായ നമഃ |

ഓം ശൂലേന പാഹിനോ ദേവി പാഹി ഖഡ്ഗേന ചാംബികേ|
ഘംടാസ്വനേന നഃ പാഹി ചാപജ്യാനിസ്വനേന ച ശിരശേസ്വാഹാ |

ഓം പ്രാച്യാം രക്ഷ പ്രതീച്യാം ച ചംഡികേ ദക്ഷരക്ഷിണേ
ഭ്രാമരേ നാത്മ ശുലസ്യ ഉത്തരസ്യാം തഥേശ്വരി | ശിഖായൈ വഷട് |

ഓം സൗമ്യാനി യാനിരൂപാണി ത്രൈലോക്യേ വിചരംതിതേ
യാനി ചാത്യംത ഘോരാണി തൈ രക്ഷാസ്മാം സ്തഥാ ഭുവം കവചായ ഹുമ് |

ഓം ഖഡ്ഗ ശൂല ഗദാ ദീനി യാനി ചാസ്താണി തേംബികേ
കരപല്ലവസംഗീനി തൈരസ്മാ ന്രക്ഷ സര്വതഃ നേത്രത്രയായ വഷട് |

ഓം സര്വസ്വരൂപേ സര്വേശേ സര്വ ശക്തി സമന്വിതേ
ഭയേഭ്യസ്ത്രാഹിനോ ദേവി ദുര്ഗേ ദേവി നമോസ്തുതേ | കരതല കരപൃഷ്ടാഭ്യാം നമഃ |
ഓം ഭൂര്ഭുവ സ്സുവഃ ഇതി ദിഗ്വിമികഃ |

Lord Devi Mahatmyam Durga Saptasati Chapter 12 in Malayalam

Devi Mahatmyam Durga Saptasati Chapter 12 – Malayalam Lyrics (Text)

Devi Mahatmyam Durga Saptasati Chapter 12 – Malayalam Script

രചന: ഋഷി മാര്കംഡേയ

ഫലശ്രുതിര്നാമ ദ്വാദശോ‌உധ്യായഃ ||

ധ്യാനം
വിധ്യുദ്ധാമ സമപ്രഭാം മൃഗപതി സ്കംധ സ്ഥിതാം ഭീഷണാം|
കന്യാഭിഃ കരവാല ഖേട വിലസദ്ദസ്താഭി രാസേവിതാം
ഹസ്തൈശ്ചക്ര ഗധാസി ഖേട വിശിഖാം ഗുണം തര്ജനീം
വിഭ്രാണ മനലാത്മികാം ശിശിധരാം ദുര്ഗാം ത്രിനേത്രാം ഭജേ

ദേവ്യുവാച||1||

ഏഭിഃ സ്തവൈശ്ച മാ നിത്യം സ്തോഷ്യതേ യഃ സമാഹിതഃ|
തസ്യാഹം സകലാം ബാധാം നാശയിഷ്യാമ്യ സംശയമ് ||2||

മധുകൈടഭനാശം ച മഹിഷാസുരഘാതനമ്|
കീര്തിയിഷ്യന്തി യേ ത ദ്വദ്വധം ശുമ്ഭനിശുമ്ഭയോഃ ||3||

അഷ്ടമ്യാം ച ചതുര്ധശ്യാം നവമ്യാം ചൈകചേതസഃ|
ശ്രോഷ്യന്തി ചൈവ യേ ഭക്ത്യാ മമ മാഹാത്മ്യമുത്തമമ് ||4||

ന തേഷാം ദുഷ്കൃതം കിഞ്ചിദ് ദുഷ്കൃതോത്ഥാ ന ചാപദഃ|
ഭവിഷ്യതി ന ദാരിദ്ര്യം ന ചൈ വേഷ്ടവിയോജനമ് ||5||

ശത്രുഭ്യോ ന ഭയം തസ്യ ദസ്യുതോ വാ ന രാജതഃ|
ന ശസ്ത്രാനലതോ യൗഘാത് കദാചിത് സമ്ഭവിഷ്യതി ||6||

തസ്മാന്മമൈതന്മാഹത്മ്യം പഠിതവ്യം സമാഹിതൈഃ|
ശ്രോതവ്യം ച സദാ ഭക്ത്യാ പരം സ്വസ്ത്യയനം ഹി തത് ||7||

ഉപ സര്ഗാന ശേഷാംസ്തു മഹാമാരീ സമുദ്ഭവാന്|
തഥാ ത്രിവിധ മുത്പാതം മാഹാത്മ്യം ശമയേന്മമ ||8||

യത്രൈത ത്പഠ്യതേ സമ്യങ്നിത്യമായതനേ മമ|
സദാ ന തദ്വിമോക്ഷ്യാമി സാന്നിധ്യം തത്ര മേസ്ഥിതമ് ||9||

ബലി പ്രദാനേ പൂജായാമഗ്നി കാര്യേ മഹോത്സവേ|
സര്വം മമൈതന്മാഹാത്മ്യമ് ഉച്ചാര്യം ശ്രാവ്യമേവച ||10||

ജാനതാജാനതാ വാപി ബലി പൂജാം തഥാ കൃതാമ്|
പ്രതീക്ഷിഷ്യാമ്യഹം പ്രീത്യാ വഹ്നി ഹോമം തഥാ കൃതമ് ||11||

ശരത്കാലേ മഹാപൂജാ ക്രിയതേ യാച വാര്ഷികീ|
തസ്യാം മമൈതന്മാഹാത്മ്യം ശ്രുത്വാ ഭക്തിസമന്വിതഃ ||12||

സര്വബാധാവിനിര്മുക്തോ ധനധാന്യസമന്വിതഃ|
മനുഷ്യോ മത്പ്രസാദേന ഭവിഷ്യതി ന സംശയഃ||13||

ശ്രുത്വാ മമൈതന്മാഹാത്മ്യം തഥാ ചോത്പത്തയഃ ശുഭാഃ|
പരാക്രമം ച യുദ്ധേഷു ജായതേ നിര്ഭയഃ പുമാന്||14||

രിപവഃ സംക്ഷയം യാന്തി കള്യാണാം ചോപപധ്യതേ|
നന്ദതേ ച കുലം പുംസാം മഹാത്മ്യം മമശൃണ്വതാമ്||15||

ശാന്തികര്മാണി സര്വത്ര തഥാ ദുഃസ്വപ്നദര്ശനേ|
ഗ്രഹപീഡാസു ചോഗ്രാസു മഹാത്മ്യം ശൃണുയാന്മമ||16||

ഉപസര്ഗാഃ ശമം യാന്തി ഗ്രഹപീഡാശ്ച ദാരുണാഃ
ദുഃസ്വപ്നം ച നൃഭിര്ദൃഷ്ടം സുസ്വപ്നമുപജായതേ||17||

ബാലഗ്രഹാഭിഭൂതാനം ബാലാനാം ശാന്തികാരകമ്|
സംഘാതഭേദേ ച നൃണാം മൈത്രീകരണമുത്തമമ്||18||

ദുര്വൃത്താനാമശേഷാണാം ബലഹാനികരം പരമ്|
രക്ഷോഭൂതപിശാചാനാം പഠനാദേവ നാശനമ്||19||

സര്വം മമൈതന്മാഹാത്മ്യം മമ സന്നിധികാരകമ്|
പശുപുഷ്പാര്ഘ്യധൂപൈശ്ച ഗന്ധദീപൈസ്തഥോത്തമൈഃ||20||

വിപ്രാണാം ഭോജനൈര്ഹോമൈഃ പ്രൊക്ഷണീയൈരഹര്നിശമ്|
അന്യൈശ്ച വിവിധൈര്ഭോഗൈഃ പ്രദാനൈര്വത്സരേണ യാ||21||

പ്രീതിര്മേ ക്രിയതേ സാസ്മിന് സകൃദുച്ചരിതേ ശ്രുതേ|
ശ്രുതം ഹരതി പാപാനി തഥാരോഗ്യം പ്രയച്ഛതി ||22||

രക്ഷാം കരോതി ഭൂതേഭ്യോ ജന്മനാം കീര്തിനം മമ|
യുദ്ദേഷു ചരിതം യന്മേ ദുഷ്ട ദൈത്യ നിബര്ഹണമ്||23||

തസ്മിഞ്ഛൃതേ വൈരികൃതം ഭയം പുംസാം ന ജായതേ|
യുഷ്മാഭിഃ സ്തുതയോ യാശ്ച യാശ്ച ബ്രഹ്മര്ഷിഭിഃ കൃതാഃ||24||

ബ്രഹ്മണാ ച കൃതാസ്താസ്തു പ്രയച്ഛന്തു ശുഭാം മതിമ്|
അരണ്യേ പ്രാന്തരേ വാപി ദാവാഗ്നി പരിവാരിതഃ||25||

ദസ്യുഭിര്വാ വൃതഃ ശൂന്യേ ഗൃഹീതോ വാപി ശതൃഭിഃ|
സിംഹവ്യാഘ്രാനുയാതോ വാ വനേവാ വന ഹസ്തിഭിഃ||26||

രാജ്ഞാ ക്രുദ്ദേന ചാജ്ഞപ്തോ വധ്യോ ബന്ദ ഗതോ‌உപിവാ|
ആഘൂര്ണിതോ വാ വാതേന സ്ഥിതഃ പോതേ മഹാര്ണവേ||27||

പതത്സു ചാപി ശസ്ത്രേഷു സംഗ്രാമേ ഭൃശദാരുണേ|
സര്വാബാധാശു ഘോരാസു വേദനാഭ്യര്ദിതോ‌உപിവാ||28||

സ്മരന് മമൈതച്ചരിതം നരോ മുച്യേത സങ്കടാത്|
മമ പ്രഭാവാത്സിംഹാദ്യാ ദസ്യവോ വൈരിണ സ്തഥാ||29||

ദൂരാദേവ പലായന്തേ സ്മരതശ്ചരിതം മമ||30||

ഋഷിരുവാച||31||

ഇത്യുക്ത്വാ സാ ഭഗവതീ ചണ്ഡികാ ചണ്ഡവിക്രമാ|
പശ്യതാം സര്വ ദേവാനാം തത്രൈവാന്തരധീയത||32||

തേ‌உപി ദേവാ നിരാതങ്കാഃ സ്വാധികാരാന്യഥാ പുരാ|
യജ്ഞഭാഗഭുജഃ സര്വേ ചക്രുര്വി നിഹതാരയഃ||33||

ദൈത്യാശ്ച ദേവ്യാ നിഹതേ ശുമ്ഭേ ദേവരിപൗ യുധി
ജഗദ്വിധ്വംസകേ തസ്മിന് മഹോഗ്രേ‌உതുല വിക്രമേ||34||

നിശുമ്ഭേ ച മഹാവീര്യേ ശേഷാഃ പാതാളമായയുഃ||35||

ഏവം ഭഗവതീ ദേവീ സാ നിത്യാപി പുനഃ പുനഃ|
സമ്ഭൂയ കുരുതേ ഭൂപ ജഗതഃ പരിപാലനമ്||36||

തയൈതന്മോഹ്യതേ വിശ്വം സൈവ വിശ്വം പ്രസൂയതേ|
സായാചിതാ ച വിജ്ഞാനം തുഷ്ടാ ഋദ്ധിം പ്രയച്ഛതി||37||

വ്യാപ്തം തയൈതത്സകലം ബ്രഹ്മാണ്ഡം മനുജേശ്വര|
മഹാദേവ്യാ മഹാകാളീ മഹാമാരീ സ്വരൂപയാ||38||

സൈവ കാലേ മഹാമാരീ സൈവ സൃഷ്തിര്ഭവത്യജാ|
സ്ഥിതിം കരോതി ഭൂതാനാം സൈവ കാലേ സനാതനീ||39||

ഭവകാലേ നൃണാം സൈവ ലക്ഷ്മീര്വൃദ്ധിപ്രദാ ഗൃഹേ|
സൈവാഭാവേ തഥാ ലക്ഷ്മീ ര്വിനാശായോപജായതേ||40||

സ്തുതാ സമ്പൂജിതാ പുഷ്പൈര്ഗന്ധധൂപാദിഭിസ്തഥാ|
ദദാതി വിത്തം പുത്രാംശ്ച മതിം ധര്മേ ഗതിം ശുഭാം||41||

|| ഇതി ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവീ മഹത്മ്യേ ഫലശ്രുതിര്നാമ ദ്വാദശോ‌உധ്യായ സമാപ്തമ് ||

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ വരപ്രധായൈ വൈഷ്ണവീ ദേവ്യൈ അഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 11 in Malayalam

Devi Mahatmyam Durga Saptasati Chapter 11 – Malayalam Lyrics (Text)

Devi Mahatmyam Durga Saptasati Chapter 11 – Malayalam Script

രചന: ഋഷി മാര്കംഡേയ

നാരായണീസ്തുതിര്നാമ ഏകാദശോ‌உധ്യായഃ ||

ധ്യാനം
ഓം ബാലാര്കവിദ്യുതിമ് ഇംദുകിരീടാം തുംഗകുചാം നയനത്രയയുക്താമ് |
സ്മേരമുഖീം വരദാംകുശപാശഭീതികരാം പ്രഭജേ ഭുവനേശീമ് ||

ഋഷിരുവാച||1||

ദേവ്യാ ഹതേ തത്ര മഹാസുരേന്ദ്രേ
സേന്ദ്രാഃ സുരാ വഹ്നിപുരോഗമാസ്താമ്|
കാത്യായനീം തുഷ്ടുവുരിഷ്ടലാഭാ-
ദ്വികാസിവക്ത്രാബ്ജ വികാസിതാശാഃ || 2 ||

ദേവി പ്രപന്നാര്തിഹരേ പ്രസീദ
പ്രസീദ മാതര്ജഗതോ‌உഭിലസ്യ|
പ്രസീദവിശ്വേശ്വരി പാഹിവിശ്വം
ത്വമീശ്വരീ ദേവി ചരാചരസ്യ ||3||

ആധാര ഭൂതാ ജഗതസ്ത്വമേകാ
മഹീസ്വരൂപേണ യതഃ സ്ഥിതാസി
അപാം സ്വരൂപ സ്ഥിതയാ ത്വയൈത
ദാപ്യായതേ കൃത്സ്നമലങ്ഘ്യ വീര്യേ ||4||

ത്വം വൈഷ്ണവീശക്തിരനന്തവീര്യാ
വിശ്വസ്യ ബീജം പരമാസി മായാ|
സമ്മോഹിതം ദേവിസമസ്ത മേതത്-
ത്ത്വം വൈ പ്രസന്നാ ഭുവി മുക്തിഹേതുഃ ||5||

വിദ്യാഃ സമസ്താസ്തവ ദേവി ഭേദാഃ|
സ്ത്രിയഃ സമസ്താഃ സകലാ ജഗത്സു|
ത്വയൈകയാ പൂരിതമമ്ബയൈതത്
കാതേ സ്തുതിഃ സ്തവ്യപരാപരോക്തിഃ ||6||

സര്വ ഭൂതാ യദാ ദേവീ ഭുക്തി മുക്തിപ്രദായിനീ|
ത്വം സ്തുതാ സ്തുതയേ കാ വാ ഭവന്തു പരമോക്തയഃ ||7||

സര്വസ്യ ബുദ്ധിരൂപേണ ജനസ്യ ഹൃദി സംസ്ഥിതേ|
സ്വര്ഗാപവര്ഗദേ ദേവി നാരായണി നമോ‌உസ്തുതേ ||8||

കലാകാഷ്ഠാദിരൂപേണ പരിണാമ പ്രദായിനി|
വിശ്വസ്യോപരതൗ ശക്തേ നാരായണി നമോസ്തുതേ ||9||

സര്വ മങ്ഗള മാങ്ഗള്യേ ശിവേ സര്വാര്ഥ സാധികേ|
ശരണ്യേ ത്രയംബകേ ഗൗരീ നാരായണി നമോ‌உസ്തുതേ ||10||

സൃഷ്ടിസ്ഥിതിവിനാശാനാം ശക്തിഭൂതേ സനാതനി|
ഗുണാശ്രയേ ഗുണമയേ നാരായണി നമോ‌உസ്തുതേ ||11||

ശരണാഗത ദീനാര്ത പരിത്രാണപരായണേ|
സര്വസ്യാര്തിഹരേ ദേവി നാരായണി നമോ‌உസ്തുതേ ||12||

ഹംസയുക്ത വിമാനസ്ഥേ ബ്രഹ്മാണീ രൂപധാരിണീ|
കൗശാമ്ഭഃ ക്ഷരികേ ദേവി നാരായണി നമോ‌உസ്തുതേ ||13||

ത്രിശൂലചന്ദ്രാഹിധരേ മഹാവൃഷഭവാഹിനി|
മാഹേശ്വരീ സ്വരൂപേണ നാരായണി നമോ‌உസ്തുതേ ||14||

മയൂര കുക്കുടവൃതേ മഹാശക്തിധരേ‌உനഘേ|
കൗമാരീരൂപസംസ്ഥാനേ നാരായണി നമോസ്തുതേ||15||

ശങ്ഖചക്രഗദാശാര്ങ്ഗഗൃഹീതപരമായുധേ|
പ്രസീദ വൈഷ്ണവീരൂപേനാരായണി നമോ‌உസ്തുതേ||16||

ഗൃഹീതോഗ്രമഹാചക്രേ ദംഷ്ത്രോദ്ധൃതവസുന്ധരേ|
വരാഹരൂപിണി ശിവേ നാരായണി നമോസ്തുതേ||17||

നൃസിംഹരൂപേണോഗ്രേണ ഹന്തും ദൈത്യാന് കൃതോദ്യമേ|
ത്രൈലോക്യത്രാണസഹിതേ നാരായണി നമോ‌உസ്തുതേ||18||

കിരീടിനി മഹാവജ്രേ സഹസ്രനയനോജ്ജ്വലേ|
വൃത്രപ്രാണഹാരേ ചൈന്ദ്രി നാരായണി നമോ‌உസ്തുതേ ||19||

ശിവദൂതീസ്വരൂപേണ ഹതദൈത്യ മഹാബലേ|
ഘോരരൂപേ മഹാരാവേ നാരായണി നമോ‌உസ്തുതേ||20||

ദംഷ്ത്രാകരാള വദനേ ശിരോമാലാവിഭൂഷണേ|
ചാമുണ്ഡേ മുണ്ഡമഥനേ നാരായണി നമോ‌உസ്തുതേ||21||

ലക്ഷ്മീ ലജ്ജേ മഹാവിധ്യേ ശ്രദ്ധേ പുഷ്ടി സ്വധേ ധ്രുവേ|
മഹാരാത്രി മഹാമായേ നാരായണി നമോ‌உസ്തുതേ||22||

മേധേ സരസ്വതി വരേ ഭൂതി ബാഭ്രവി താമസി|
നിയതേ ത്വം പ്രസീദേശേ നാരായണി നമോ‌உസ്തുതേ||23||

സര്വസ്വരൂപേ സര്വേശേ സര്വശക്തിസമന്വിതേ|
ഭയേഭ്യസ്ത്രാഹി നോ ദേവി ദുര്ഗേ ദേവി നമോ‌உസ്തുതേ ||24||

ഏതത്തേ വദനം സൗമ്യം ലോചനത്രയഭൂഷിതമ്|
പാതു നഃ സര്വഭൂതേഭ്യഃ കാത്യായിനി നമോ‌உസ്തുതേ ||25||

ജ്വാലാകരാളമത്യുഗ്രമശേഷാസുരസൂദനമ്|
ത്രിശൂലം പാതു നോ ഭീതിര്ഭദ്രകാലി നമോ‌உസ്തുതേ||26||

ഹിനസ്തി ദൈത്യതേജാംസി സ്വനേനാപൂര്യ യാ ജഗത്|
സാ ഘണ്ടാ പാതു നോ ദേവി പാപേഭ്യോ നഃ സുതാനിവ||27||

അസുരാസൃഗ്വസാപങ്കചര്ചിതസ്തേ കരോജ്വലഃ|
ശുഭായ ഖഡ്ഗോ ഭവതു ചണ്ഡികേ ത്വാം നതാ വയമ്||28||

രോഗാനശേഷാനപഹംസി തുഷ്ടാ
രുഷ്ടാ തു കാമാ സകലാനഭീഷ്ടാന്
ത്വാമാശ്രിതാനാം ന വിപന്നരാണാം|
ത്വാമാശ്രിതാ ശ്രയതാം പ്രയാന്തി||29||

ഏതത്കൃതം യത്കദനം ത്വയാദ്യ
ദര്മദ്വിഷാം ദേവി മഹാസുരാണാമ്|
രൂപൈരനേകൈര്ഭഹുധാത്മമൂര്തിം
കൃത്വാമ്ഭികേ തത്പ്രകരോതി കാന്യാ||30||

വിദ്യാസു ശാസ്ത്രേഷു വിവേക ദീപേ
ഷ്വാദ്യേഷു വാക്യേഷു ച കാ ത്വദന്യാ
മമത്വഗര്തേ‌உതി മഹാന്ധകാരേ
വിഭ്രാമയത്യേതദതീവ വിശ്വമ്||31||

രക്ഷാംസി യത്രോ ഗ്രവിഷാശ്ച നാഗാ
യത്രാരയോ ദസ്യുബലാനി യത്ര|
ദവാനലോ യത്ര തഥാബ്ധിമധ്യേ
തത്ര സ്ഥിതാ ത്വം പരിപാസി വിശ്വമ്||32||

വിശ്വേശ്വരി ത്വം പരിപാസി വിശ്വം
വിശ്വാത്മികാ ധാരയസീതി വിശ്വമ്|
വിശ്വേശവന്ധ്യാ ഭവതീ ഭവന്തി
വിശ്വാശ്രയാ യേത്വയി ഭക്തിനമ്രാഃ||33||

ദേവി പ്രസീദ പരിപാലയ നോ‌உരി
ഭീതേര്നിത്യം യഥാസുരവദാദധുനൈവ സദ്യഃ|
പാപാനി സര്വ ജഗതാം പ്രശമം നയാശു
ഉത്പാതപാകജനിതാംശ്ച മഹോപസര്ഗാന്||34||

പ്രണതാനാം പ്രസീദ ത്വം ദേവി വിശ്വാര്തി ഹാരിണി|
ത്രൈലോക്യവാസിനാമീഡ്യേ ലോകാനാം വരദാ ഭവ||35||

ദേവ്യുവാച||36||

വരദാഹം സുരഗണാ പരം യന്മനസേച്ചഥ|
തം വൃണുധ്വം പ്രയച്ഛാമി ജഗതാമുപകാരകമ് ||37||

ദേവാ ഊചുഃ||38||

സര്വബാധാ പ്രശമനം ത്രൈലോക്യസ്യാഖിലേശ്വരി|
ഏവമേവ ത്വയാകാര്യ മസ്മദ്വൈരി വിനാശനമ്||39||

ദേവ്യുവാച||40||

വൈവസ്വതേ‌உന്തരേ പ്രാപ്തേ അഷ്ടാവിംശതിമേ യുഗേ|
ശുമ്ഭോ നിശുമ്ഭശ്ചൈവാന്യാവുത്പത്സ്യേതേ മഹാസുരൗ ||41||

നന്ദഗോപഗൃഹേ ജാതാ യശോദാഗര്ഭ സംഭവാ|
തതസ്തൗനാശയിഷ്യാമി വിന്ധ്യാചലനിവാസിനീ||42||

പുനരപ്യതിരൗദ്രേണ രൂപേണ പൃഥിവീതലേ|
അവതീര്യ ഹവിഷ്യാമി വൈപ്രചിത്താംസ്തു ദാനവാന് ||43||

ഭക്ഷ്യ യന്ത്യാശ്ച താനുഗ്രാന് വൈപ്രചിത്താന് മഹാസുരാന്|
രക്തദന്താ ഭവിഷ്യന്തി ദാഡിമീകുസുമോപമാഃ||44||

തതോ മാം ദേവതാഃ സ്വര്ഗേ മര്ത്യലോകേ ച മാനവാഃ|
സ്തുവന്തോ വ്യാഹരിഷ്യന്തി സതതം രക്തദന്തികാമ്||45||

ഭൂയശ്ച ശതവാര്ഷിക്യാമ് അനാവൃഷ്ട്യാമനമ്ഭസി|
മുനിഭിഃ സംസ്തുതാ ഭൂമൗ സമ്ഭവിഷ്യാമ്യയോനിജാ ||46||

തതഃ ശതേന നേത്രാണാം നിരീക്ഷിഷ്യാമ്യഹം മുനീന്
കീര്തിയിഷ്യന്തി മനുജാഃ ശതാക്ഷീമിതി മാം തതഃ||47||

തതോ‌உ ഹമഖിലം ലോകമാത്മദേഹസമുദ്ഭവൈഃ|
ഭരിഷ്യാമി സുരാഃ ശാകൈരാവൃഷ്ടേഃ പ്രാണ ധാരകൈഃ||48||

ശാകമ്ഭരീതി വിഖ്യാതിം തദാ യാസ്യാമ്യഹം ഭുവി|
തത്രൈവ ച വധിഷ്യാമി ദുര്ഗമാഖ്യം മഹാസുരമ്||49||

ദുര്ഗാദേവീതി വിഖ്യാതം തന്മേ നാമ ഭവിഷ്യതി|
പുനശ്ചാഹം യദാഭീമം രൂപം കൃത്വാ ഹിമാചലേ||50||

രക്ഷാംസി ക്ഷയയിഷ്യാമി മുനീനാം ത്രാണ കാരണാത്|
തദാ മാം മുനയഃ സര്വേ സ്തോഷ്യന്ത്യാന മ്രമൂര്തയഃ||51||

ഭീമാദേവീതി വിഖ്യാതം തന്മേ നാമ ഭവിഷ്യതി|
യദാരുണാഖ്യസ്ത്രൈലൊക്യേ മഹാബാധാം കരിഷ്യതി||52||

തദാഹം ഭ്രാമരം രൂപം കൃത്വാസജ്ഖ്യേയഷട്പദമ്|
ത്രൈലോക്യസ്യ ഹിതാര്ഥായ വധിഷ്യാമി മഹാസുരമ്||53||

ഭ്രാമരീതിച മാം ലോകാ സ്തദാസ്തോഷ്യന്തി സര്വതഃ|
ഇത്ഥം യദാ യദാ ബാധാ ദാനവോത്ഥാ ഭവിഷ്യതി||54||

തദാ തദാവതീര്യാഹം കരിഷ്യാമ്യരിസംക്ഷയമ് ||55||

|| സ്വസ്തി ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ നാരായണീസ്തുതിര്നാമ ഏകാദശോ‌உധ്യായഃ സമാപ്തമ് ||

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ ലക്ഷ്മീബീജാധിഷ്തായൈ ഗരുഡവാഹന്യൈ നാരയണീ ദേവ്യൈ-മഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 10 in Malayalam

Devi Mahatmyam Durga Saptasati Chapter 10 – Malayalam Lyrics (Text)

Devi Mahatmyam Durga Saptasati Chapter 10 – Malayalam Script

രചന: ഋഷി മാര്കംഡേയ

ശുമ്ഭോവധോ നാമ ദശമോ‌உധ്യായഃ ||

ഋഷിരുവാച||1||

നിശുമ്ഭം നിഹതം ദൃഷ്ട്വാ ഭ്രാതരംപ്രാണസമ്മിതം|
ഹന്യമാനം ബലം ചൈവ ശുമ്ബഃ കൃദ്ധോ‌உബ്രവീദ്വചഃ || 2 ||

ബലാവലേപദുഷ്ടേ ത്വം മാ ദുര്ഗേ ഗര്വ മാവഹ|
അന്യാസാം ബലമാശ്രിത്യ യുദ്ദ്യസേ ചാതിമാനിനീ ||3||

ദേവ്യുവാച ||4||

ഏകൈവാഹം ജഗത്യത്ര ദ്വിതീയാ കാ മമാപരാ|
പശ്യൈതാ ദുഷ്ട മയ്യേവ വിശന്ത്യോ മദ്വിഭൂതയഃ ||5||

തതഃ സമസ്താസ്താ ദേവ്യോ ബ്രഹ്മാണീ പ്രമുഖാലയമ്|
തസ്യാ ദേവ്യാസ്തനൗ ജഗ്മുരേകൈവാസീത്തദാമ്ബികാ ||6||

ദേവ്യുവാച ||6||

അഹം വിഭൂത്യാ ബഹുഭിരിഹ രൂപൈര്യദാസ്ഥിതാ|
തത്സംഹൃതം മയൈകൈവ തിഷ്ടാമ്യാജൗ സ്ഥിരോ ഭവ ||8||

ഋഷിരുവാച ||9||

തതഃ പ്രവവൃതേ യുദ്ധം ദേവ്യാഃ ശുമ്ഭസ്യ ചോഭയോഃ|
പശ്യതാം സര്വദേവാനാമ് അസുരാണാം ച ദാരുണമ് ||10||

ശര വര്ഷൈഃ ശിതൈഃ ശസ്ത്രൈസ്തഥാ ചാസ്ത്രൈഃ സുദാരുണൈഃ|
തയോര്യുദ്ദമഭൂദ്ഭൂയഃ സര്വലോകഭയജ്ഞ്കരമ് ||11||

ദിവ്യാന്യശ്ത്രാണി ശതശോ മുമുചേ യാന്യഥാമ്ബികാ|
ബഭജ്ഞ താനി ദൈത്യേന്ദ്രസ്തത്പ്രതീഘാതകര്തൃഭിഃ ||12||

മുക്താനി തേന ചാസ്ത്രാണി ദിവ്യാനി പരമേശ്വരീ|
ബഭഞ്ജ ലീലയൈവോഗ്ര ഹൂജ്കാരോച്ചാരണാദിഭിഃ||13||

തതഃ ശരശതൈര്ദേവീമ് ആച്ചാദയത സോ‌உസുരഃ|
സാപി തത്കുപിതാ ദേവീ ധനുശ്ചിഛ്ചേദ ചേഷുഭിഃ||14||

ചിന്നേ ധനുഷി ദൈത്യേന്ദ്രസ്തഥാ ശക്തിമഥാദദേ|
ചിഛ്ചേദ ദേവീ ചക്രേണ താമപ്യസ്യ കരേസ്ഥിതാമ്||15||

തതഃ ഖഡ്ഗ മുപാദായ ശത ചന്ദ്രം ച ഭാനുമത്|
അഭ്യധാവത്തദാ ദേവീം ദൈത്യാനാമധിപേശ്വരഃ||16||

തസ്യാപതത ഏവാശു ഖഡ്ഗം ചിച്ഛേദ ചണ്ഡികാ|
ധനുര്മുക്തൈഃ ശിതൈര്ബാണൈശ്ചര്മ ചാര്കകരാമലമ്||17||

ഹതാശ്വഃ പതത ഏവാശു ഖഡ്ഗം ചിഛ്ചേദ ചംഡികാ|
ജഗ്രാഹ മുദ്ഗരം ഘോരമ് അമ്ബികാനിധനോദ്യതഃ||18||

ചിച്ഛേദാപതതസ്തസ്യ മുദ്ഗരം നിശിതൈഃ ശരൈഃ|
തഥാപി സോ‌உഭ്യധാവത്തം മുഷ്ടിമുദ്യമ്യവേഗവാന്||19||

സ മുഷ്ടിം പാതയാമാസ ഹൃദയേ ദൈത്യ പുങ്ഗവഃ|
ദേവ്യാസ്തം ചാപി സാ ദേവീ തലേ നോ രസ്യ താഡയത്||20||

തലപ്രഹാരാഭിഹതോ നിപപാത മഹീതലേ|
സ ദൈത്യരാജഃ സഹസാ പുനരേവ തഥോത്ഥിതഃ ||21||

ഉത്പത്യ ച പ്രഗൃഹ്യോച്ചൈര് ദേവീം ഗഗനമാസ്ഥിതഃ|
തത്രാപി സാ നിരാധാരാ യുയുധേ തേന ചണ്ഡികാ||22||

നിയുദ്ധം ഖേ തദാ ദൈത്യ ശ്ചണ്ഡികാ ച പരസ്പരമ്|
ചക്രതുഃ പ്രധമം സിദ്ധ മുനിവിസ്മയകാരകമ്||23||

തതോ നിയുദ്ധം സുചിരം കൃത്വാ തേനാമ്ബികാ സഹ|
ഉത്പാട്യ ഭ്രാമയാമാസ ചിക്ഷേപ ധരണീതലേ||24||

സക്ഷിപ്തോധരണീം പ്രാപ്യ മുഷ്ടിമുദ്യമ്യ വേഗവാന്|
അഭ്യധാവത ദുഷ്ടാത്മാ ചണ്ഡികാനിധനേച്ഛയാ||25||

തമായന്തം തതോ ദേവീ സര്വദൈത്യജനേശര്വമ്|
ജഗത്യാം പാതയാമാസ ഭിത്വാ ശൂലേന വക്ഷസി||26||

സ ഗതാസുഃ പപാതോര്വ്യാം ദേവീശൂലാഗ്രവിക്ഷതഃ|
ചാലയന് സകലാം പൃഥ്വീം സാബ്ദിദ്വീപാം സപര്വതാമ് ||27||

തതഃ പ്രസന്ന മഖിലം ഹതേ തസ്മിന് ദുരാത്മനി|
ജഗത്സ്വാസ്ഥ്യമതീവാപ നിര്മലം ചാഭവന്നഭഃ ||28||

ഉത്പാതമേഘാഃ സോല്കാ യേപ്രാഗാസംസ്തേ ശമം യയുഃ|
സരിതോ മാര്ഗവാഹിന്യസ്തഥാസംസ്തത്ര പാതിതേ ||29||

തതോ ദേവ ഗണാഃ സര്വേ ഹര്ഷ നിര്ഭരമാനസാഃ|
ബഭൂവുര്നിഹതേ തസ്മിന് ഗന്ദര്വാ ലലിതം ജഗുഃ||30||

അവാദയം സ്തഥൈവാന്യേ നനൃതുശ്ചാപ്സരോഗണാഃ|
വവുഃ പുണ്യാസ്തഥാ വാതാഃ സുപ്രഭോ‌உ ഭൂദ്ധിവാകരഃ||31||

ജജ്വലുശ്ചാഗ്നയഃ ശാന്താഃ ശാന്തദിഗ്ജനിതസ്വനാഃ||32||

|| സ്വസ്തി ശ്രീ മാര്കണ്ഡേയ പുരാണേ സാവര്നികേമന്വന്തരേ ദേവി മഹത്മ്യേ ശുമ്ഭോവധോ നാമ ദശമോ ധ്യായഃ സമാപ്തമ് ||

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ കാമേശ്വര്യൈ മഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 9 in Malayalam

Devi Mahatmyam Durga Saptasati Chapter 9 – Malayalam Lyrics (Text)

Devi Mahatmyam Durga Saptasati Chapter 9 – Malayalam Script

രചന: ഋഷി മാര്കംഡേയ

നിശുമ്ഭവധോനാമ നവമോധ്യായഃ ||

ധ്യാനം
ഓം ബംധൂക കാംചനനിഭം രുചിരാക്ഷമാലാം
പാശാംകുശൗ ച വരദാം നിജബാഹുദംഡൈഃ |
ബിഭ്രാണമിംദു ശകലാഭരണാം ത്രിനേത്രാം-
അര്ധാംബികേശമനിശം വപുരാശ്രയാമി ||

രാജോഉവാച||1||

വിചിത്രമിദമാഖ്യാതം ഭഗവന് ഭവതാ മമ |
ദേവ്യാശ്ചരിതമാഹാത്മ്യം രക്ത ബീജവധാശ്രിതമ് || 2||

ഭൂയശ്ചേച്ഛാമ്യഹം ശ്രോതും രക്തബീജേ നിപാതിതേ |
ചകാര ശുമ്ഭോ യത്കര്മ നിശുമ്ഭശ്ചാതികോപനഃ ||3||

ഋഷിരുവാച ||4||

ചകാര കോപമതുലം രക്തബീജേ നിപാതിതേ|
ശുമ്ഭാസുരോ നിശുമ്ഭശ്ച ഹതേഷ്വന്യേഷു ചാഹവേ ||5||

ഹന്യമാനം മഹാസൈന്യം വിലോക്യാമര്ഷമുദ്വഹന്|
അഭ്യദാവന്നിശുമ്ബോ‌உഥ മുഖ്യയാസുര സേനയാ ||6||

തസ്യാഗ്രതസ്തഥാ പൃഷ്ഠേ പാര്ശ്വയോശ്ച മഹാസുരാഃ
സന്ദഷ്ടൗഷ്ഠപുടാഃ ക്രുദ്ധാ ഹന്തും ദേവീമുപായയുഃ ||7||

ആജഗാമ മഹാവീര്യഃ ശുമ്ഭോ‌உപി സ്വബലൈര്വൃതഃ|
നിഹന്തും ചണ്ഡികാം കോപാത്കൃത്വാ യുദ്ദം തു മാതൃഭിഃ ||8||

തതോ യുദ്ധമതീവാസീദ്ദേവ്യാ ശുമ്ഭനിശുമ്ഭയോഃ|
ശരവര്ഷമതീവോഗ്രം മേഘയോരിവ വര്ഷതോഃ ||9||

ചിച്ഛേദാസ്താഞ്ഛരാംസ്താഭ്യാം ചണ്ഡികാ സ്വശരോത്കരൈഃ|
താഡയാമാസ ചാങ്ഗേഷു ശസ്ത്രൗഘൈരസുരേശ്വരൗ ||10||

നിശുമ്ഭോ നിശിതം ഖഡ്ഗം ചര്മ ചാദായ സുപ്രഭമ്|
അതാഡയന്മൂര്ധ്നി സിംഹം ദേവ്യാ വാഹനമുത്തമമ്||11||

താഡിതേ വാഹനേ ദേവീ ക്ഷുര പ്രേണാസിമുത്തമമ്|
ശുമ്ഭസ്യാശു ചിച്ഛേദ ചര്മ ചാപ്യഷ്ട ചന്ദ്രകമ് ||12||

ഛിന്നേ ചര്മണി ഖഡ്ഗേ ച ശക്തിം ചിക്ഷേപ സോ‌உസുരഃ|
താമപ്യസ്യ ദ്വിധാ ചക്രേ ചക്രേണാഭിമുഖാഗതാമ്||13||

കോപാധ്മാതോ നിശുമ്ഭോ‌உഥ ശൂലം ജഗ്രാഹ ദാനവഃ|
ആയാതം മുഷ്ഠിപാതേന ദേവീ തച്ചാപ്യചൂര്ണയത്||14||

ആവിദ്ധ്യാഥ ഗദാം സോ‌உപി ചിക്ഷേപ ചണ്ഡികാം പ്രതി|
സാപി ദേവ്യാസ് ത്രിശൂലേന ഭിന്നാ ഭസ്മത്വമാഗതാ||15||

തതഃ പരശുഹസ്തം തമായാന്തം ദൈത്യപുങ്ഗവം|
ആഹത്യ ദേവീ ബാണൗഘൈരപാതയത ഭൂതലേ||16||

തസ്മിന്നി പതിതേ ഭൂമൗ നിശുമ്ഭേ ഭീമവിക്രമേ|
ഭ്രാതര്യതീവ സംക്രുദ്ധഃ പ്രയയൗ ഹന്തുമമ്ബികാമ്||17||

സ രഥസ്ഥസ്തഥാത്യുച്ഛൈ ര്ഗൃഹീതപരമായുധൈഃ|
ഭുജൈരഷ്ടാഭിരതുലൈ ര്വ്യാപ്യാ ശേഷം ബഭൗ നഭഃ||18||

തമായാന്തം സമാലോക്യ ദേവീ ശങ്ഖമവാദയത്|
ജ്യാശബ്ദം ചാപി ധനുഷ ശ്ചകാരാതീവ ദുഃസഹമ്||19||

പൂരയാമാസ കകുഭോ നിജഘണ്ടാ സ്വനേന ച|
സമസ്തദൈത്യസൈന്യാനാം തേജോവധവിധായിനാ||20||

തതഃ സിംഹോ മഹാനാദൈ സ്ത്യാജിതേഭമഹാമദൈഃ|
പുരയാമാസ ഗഗനം ഗാം തഥൈവ ദിശോ ദശ||21||

തതഃ കാളീ സമുത്പത്യ ഗഗനം ക്ഷ്മാമതാഡയത്|
കരാഭ്യാം തന്നിനാദേന പ്രാക്സ്വനാസ്തേ തിരോഹിതാഃ||22||

അട്ടാട്ടഹാസമശിവം ശിവദൂതീ ചകാര ഹ|
വൈഃ ശബ്ദൈരസുരാസ്ത്രേസുഃ ശുമ്ഭഃ കോപം പരം യയൗ||23||

ദുരാത്മം സ്തിഷ്ട തിഷ്ഠേതി വ്യാജ ഹാരാമ്ബികാ യദാ|
തദാ ജയേത്യഭിഹിതം ദേവൈരാകാശ സംസ്ഥിതൈഃ||24||

ശുമ്ഭേനാഗത്യ യാ ശക്തിര്മുക്താ ജ്വാലാതിഭീഷണാ|
ആയാന്തീ വഹ്നികൂടാഭാ സാ നിരസ്താ മഹോല്കയാ||25||

സിംഹനാദേന ശുമ്ഭസ്യ വ്യാപ്തം ലോകത്രയാന്തരമ്|
നിര്ഘാതനിഃസ്വനോ ഘോരോ ജിതവാനവനീപതേ||26||

ശുമ്ഭമുക്താഞ്ഛരാന്ദേവീ ശുമ്ഭസ്തത്പ്രഹിതാഞ്ഛരാന്|
ചിച്ഛേദ സ്വശരൈരുഗ്രൈഃ ശതശോ‌உഥ സഹസ്രശഃ||27||

തതഃ സാ ചണ്ഡികാ ക്രുദ്ധാ ശൂലേനാഭിജഘാന തമ്|
സ തദാഭി ഹതോ ഭൂമൗ മൂര്ഛിതോ നിപപാത ഹ||28||

തതോ നിശുമ്ഭഃ സമ്പ്രാപ്യ ചേതനാമാത്തകാര്മുകഃ|
ആജഘാന ശരൈര്ദേവീം കാളീം കേസരിണം തഥാ||29||

പുനശ്ച കൃത്വാ ബാഹുനാമയുതം ദനുജേശ്വരഃ|
ചക്രായുധേന ദിതിജശ്ചാദയാമാസ ചണ്ഡികാമ്||30||

തതോ ഭഗവതീ ക്രുദ്ധാ ദുര്ഗാദുര്ഗാര്തി നാശിനീ|
ചിച്ഛേദ ദേവീ ചക്രാണി സ്വശരൈഃ സായകാംശ്ച താന്||31||

തതോ നിശുമ്ഭോ വേഗേന ഗദാമാദായ ചണ്ഡികാമ്|
അഭ്യധാവത വൈ ഹന്തും ദൈത്യ സേനാസമാവൃതഃ||32||

തസ്യാപതത ഏവാശു ഗദാം ചിച്ഛേദ ചണ്ഡികാ|
ഖഡ്ഗേന ശിതധാരേണ സ ച ശൂലം സമാദദേ||33||

ശൂലഹസ്തം സമായാന്തം നിശുമ്ഭമമരാര്ദനമ്|
ഹൃദി വിവ്യാധ ശൂലേന വേഗാവിദ്ധേന ചണ്ഡികാ||34||

ഖിന്നസ്യ തസ്യ ശൂലേന ഹൃദയാന്നിഃസൃതോ‌உപരഃ|
മഹാബലോ മഹാവീര്യസ്തിഷ്ഠേതി പുരുഷോ വദന്||35||

തസ്യ നിഷ്ക്രാമതോ ദേവീ പ്രഹസ്യ സ്വനവത്തതഃ|
ശിരശ്ചിച്ഛേദ ഖഡ്ഗേന തതോ‌உസാവപതദ്ഭുവി||36||

തതഃ സിംഹശ്ച ഖാദോഗ്ര ദംഷ്ട്രാക്ഷുണ്ണശിരോധരാന്|
അസുരാം സ്താംസ്തഥാ കാളീ ശിവദൂതീ തഥാപരാന്||37||

കൗമാരീ ശക്തിനിര്ഭിന്നാഃ കേചിന്നേശുര്മഹാസുരാഃ
ബ്രഹ്മാണീ മന്ത്രപൂതേന തോയേനാന്യേ നിരാകൃതാഃ||38||

മാഹേശ്വരീ ത്രിശൂലേന ഭിന്നാഃ പേതുസ്തഥാപരേ|
വാരാഹീതുണ്ഡഘാതേന കേചിച്ചൂര്ണീ കൃതാ ഭുവി||39||

ഖണ്ഡം ഖണ്ഡം ച ചക്രേണ വൈഷ്ണവ്യാ ദാനവാഃ കൃതാഃ|
വജ്രേണ ചൈന്ദ്രീ ഹസ്താഗ്ര വിമുക്തേന തഥാപരേ||40||

കേചിദ്വിനേശുരസുരാഃ കേചിന്നഷ്ടാമഹാഹവാത്|
ഭക്ഷിതാശ്ചാപരേ കാളീശിവധൂതീ മൃഗാധിപൈഃ||41||

|| സ്വസ്തി ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ നിശുമ്ഭവധോനാമ നവമോധ്യായ സമാപ്തമ് ||

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ മഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 8 in Malayalam

Devi Mahatmyam Durga Saptasati Chapter 8 – Malayalam Lyrics (Text)

Devi Mahatmyam Durga Saptasati Chapter 8 – Malayalam Script

രചന: ഋഷി മാര്കംഡേയ

രക്തബീജവധോ നാമ അഷ്ടമോധ്യായ ||

ധ്യാനം
അരുണാം കരുണാ തരംഗിതാക്ഷീം ധൃതപാശാംകുശ പുഷ്പബാണചാപാമ് |
അണിമാധിഭിരാവൃതാം മയൂഖൈ രഹമിത്യേവ വിഭാവയേ ഭവാനീമ് ||

ഋഷിരുവാച ||1||

ചണ്ഡേ ച നിഹതേ ദൈത്യേ മുണ്ഡേ ച വിനിപാതിതേ |
ബഹുളേഷു ച സൈന്യേഷു ക്ഷയിതേഷ്വസുരേശ്വരഃ || 2 ||

തതഃ കോപപരാധീനചേതാഃ ശുമ്ഭഃ പ്രതാപവാന് |
ഉദ്യോഗം സര്വ സൈന്യാനാം ദൈത്യാനാമാദിദേശ ഹ ||3||

അദ്യ സര്വ ബലൈര്ദൈത്യാഃ ഷഡശീതിരുദായുധാഃ |
കമ്ബൂനാം ചതുരശീതിര്നിര്യാന്തു സ്വബലൈര്വൃതാഃ ||4||

കോടിവീര്യാണി പഞ്ചാശദസുരാണാം കുലാനി വൈ |
ശതം കുലാനി ധൗമ്രാണാം നിര്ഗച്ഛന്തു മമാജ്ഞയാ ||5||

കാലകാ ദൗര്ഹൃദാ മൗര്വാഃ കാളികേയാസ്തഥാസുരാഃ |
യുദ്ധായ സജ്ജാ നിര്യാന്തു ആജ്ഞയാ ത്വരിതാ മമ ||6||

ഇത്യാജ്ഞാപ്യാസുരാപതിഃ ശുമ്ഭോ ഭൈരവശാസനഃ |
നിര്ജഗാമ മഹാസൈന്യസഹസ്ത്രൈര്ഭഹുഭിര്വൃതഃ ||7||

ആയാന്തം ചണ്ഡികാ ദൃഷ്ട്വാ തത്സൈന്യമതിഭീഷണമ് |
ജ്യാസ്വനൈഃ പൂരയാമാസ ധരണീഗഗനാന്തരമ് ||8||

തതഃസിംഹൊ മഹാനാദമതീവ കൃതവാന്നൃപ |
ഘണ്ടാസ്വനേന താന്നാദാനമ്ബികാ ചോപബൃംഹയത് ||9||

ധനുര്ജ്യാസിംഹഘണ്ടാനാം നാദാപൂരിതദിങ്മുഖാ |
നിനാദൈര്ഭീഷണൈഃ കാളീ ജിഗ്യേ വിസ്താരിതാനനാ ||10||

തം നിനാദമുപശ്രുത്യ ദൈത്യ സൈന്യൈശ്ചതുര്ദിശമ് |
ദേവീ സിംഹസ്തഥാ കാളീ സരോഷൈഃ പരിവാരിതാഃ ||11||

ഏതസ്മിന്നന്തരേ ഭൂപ വിനാശായ സുരദ്വിഷാമ് |
ഭവായാമരസിംഹനാമതിവീര്യബലാന്വിതാഃ ||12||

ബ്രഹ്മേശഗുഹവിഷ്ണൂനാം തഥേന്ദ്രസ്യ ച ശക്തയഃ |
ശരീരേഭ്യോവിനിഷ്ക്രമ്യ തദ്രൂപൈശ്ചണ്ഡികാം യയുഃ ||13||

യസ്യ ദേവസ്യ യദ്രൂപം യഥാ ഭൂഷണവാഹനമ് |
തദ്വദേവ ഹി തച്ചക്തിരസുരാന്യോദ്ധുമായമൗ ||14||

ഹംസയുക്തവിമാനാഗ്രേ സാക്ഷസൂത്രക മംഡലുഃ |
ആയാതാ ബ്രഹ്മണഃ ശക്തിബ്രഹ്മാണീ ത്യഭിധീയതേ ||15||

മഹേശ്വരീ വൃഷാരൂഢാ ത്രിശൂലവരധാരിണീ |
മഹാഹിവലയാ പ്രാപ്താചന്ദ്രരേഖാവിഭൂഷണാ ||16||

കൗമാരീ ശക്തിഹസ്താ ച മയൂരവരവാഹനാ |
യോദ്ധുമഭ്യായയൗ ദൈത്യാനമ്ബികാ ഗുഹരൂപിണീ ||17||

തഥൈവ വൈഷ്ണവീ ശക്തിര്ഗരുഡോപരി സംസ്ഥിതാ |
ശംഖചക്രഗധാശാംഖര് ഖഡ്ഗഹസ്താഭ്യുപായയൗ ||18||

യജ്ഞവാരാഹമതുലം രൂപം യാ ഭിഭ്രതോ ഹരേഃ |
ശക്തിഃ സാപ്യായയൗ തത്ര വാരാഹീം ബിഭ്രതീ തനുമ് ||19||

നാരസിംഹീ നൃസിംഹസ്യ ബിഭ്രതീ സദൃശം വപുഃ |
പ്രാപ്താ തത്ര സടാക്ഷേപക്ഷിപ്തനക്ഷത്ര സംഹതിഃ ||20||

വജ്ര ഹസ്താ തഥൈവൈന്ദ്രീ ഗജരാജോ പരിസ്ഥിതാ |
പ്രാപ്താ സഹസ്ര നയനാ യഥാ ശക്രസ്തഥൈവ സാ ||21||

തതഃ പരിവൃത്തസ്താഭിരീശാനോ ദേവ ശക്തിഭിഃ |
ഹന്യന്താമസുരാഃ ശീഘ്രം മമ പ്രീത്യാഹ ചണ്ഡികാം ||22||

തതോ ദേവീ ശരീരാത്തു വിനിഷ്ക്രാന്താതിഭീഷണാ |
ചണ്ഡികാ ശക്തിരത്യുഗ്രാ ശിവാശതനിനാദിനീ ||23||

സാ ചാഹ ധൂമ്രജടിലമ് ഈശാനമപരാജിതാ |
ദൂതത്വം ഗച്ഛ ഭഗവന് പാര്ശ്വം ശുമ്ഭനിശുമ്ഭയോഃ ||24||

ബ്രൂഹി ശുമ്ഭം നിശുമ്ഭം ച ദാനവാവതിഗര്വിതൗ |
യേ ചാന്യേ ദാനവാസ്തത്ര യുദ്ധായ സമുപസ്ഥിതാഃ ||25||

ത്രൈലോക്യമിന്ദ്രോ ലഭതാം ദേവാഃ സന്തു ഹവിര്ഭുജഃ |
യൂയം പ്രയാത പാതാളം യദി ജീവിതുമിച്ഛഥ ||26||

ബലാവലേപാദഥ ചേദ്ഭവന്തോ യുദ്ധകാംക്ഷിണഃ |
തദാ ഗച്ഛത തൃപ്യന്തു മച്ഛിവാഃ പിശിതേന വഃ ||27||

യതോ നിയുക്തോ ദൗത്യേന തയാ ദേവ്യാ ശിവഃ സ്വയമ് |
ശിവദൂതീതി ലോകേ‌உസ്മിംസ്തതഃ സാ ഖ്യാതി മാഗതാ ||28||

തേ‌உപി ശ്രുത്വാ വചോ ദേവ്യാഃ ശര്വാഖ്യാതം മഹാസുരാഃ |
അമര്ഷാപൂരിതാ ജഗ്മുര്യത്ര കാത്യായനീ സ്ഥിതാ ||29||

തതഃ പ്രഥമമേവാഗ്രേ ശരശക്ത്യൃഷ്ടിവൃഷ്ടിഭിഃ |
വവര്ഷുരുദ്ധതാമര്ഷാഃ സ്താം ദേവീമമരാരയഃ ||30||

സാ ച താന് പ്രഹിതാന് ബാണാന് ഞ്ഛൂലശക്തിപരശ്വധാന് |
ചിച്ഛേദ ലീലയാധ്മാതധനുര്മുക്തൈര്മഹേഷുഭിഃ ||31||

തസ്യാഗ്രതസ്തഥാ കാളീ ശൂലപാതവിദാരിതാന് |
ഖട്വാങ്ഗപോഥിതാംശ്ചാരീന്കുര്വന്തീ വ്യചരത്തദാ ||32||

കമണ്ഡലുജലാക്ഷേപഹതവീര്യാന് ഹതൗജസഃ |
ബ്രഹ്മാണീ ചാകരോച്ഛത്രൂന്യേന യേന സ്മ ധാവതി ||33||

മാഹേശ്വരീ ത്രിശൂലേന തഥാ ചക്രേണ വൈഷ്ണവീ |
ദൈത്യാങ്ജഘാന കൗമാരീ തഥാ ശത്യാതി കോപനാ ||34||

ഐന്ദ്രീ കുലിശപാതേന ശതശോ ദൈത്യദാനവാഃ |
പേതുര്വിദാരിതാഃ പൃഥ്വ്യാം രുധിരൗഘപ്രവര്ഷിണഃ ||35||

തുണ്ഡപ്രഹാരവിധ്വസ്താ ദംഷ്ട്രാ ഗ്രക്ഷത വക്ഷസഃ |
വാരാഹമൂര്ത്യാ ന്യപതംശ്ചക്രേണ ച വിദാരിതാഃ ||36||

നഖൈര്വിദാരിതാംശ്ചാന്യാന് ഭക്ഷയന്തീ മഹാസുരാന് |
നാരസിംഹീ ചചാരാജൗ നാദാ പൂര്ണദിഗമ്ബരാ ||37||

ചണ്ഡാട്ടഹാസൈരസുരാഃ ശിവദൂത്യഭിദൂഷിതാഃ |
പേതുഃ പൃഥിവ്യാം പതിതാംസ്താംശ്ചഖാദാഥ സാ തദാ ||38||

ഇതി മാതൃ ഗണം ക്രുദ്ധം മര്ദ യന്തം മഹാസുരാന് |
ദൃഷ്ട്വാഭ്യുപായൈര്വിവിധൈര്നേശുര്ദേവാരിസൈനികാഃ ||39||

പലായനപരാന്ദൃഷ്ട്വാ ദൈത്യാന്മാതൃഗണാര്ദിതാന് |
യോദ്ധുമഭ്യായയൗ ക്രുദ്ധോ രക്തബീജോ മഹാസുരഃ ||40||

രക്തബിന്ദുര്യദാ ഭൂമൗ പതത്യസ്യ ശരീരതഃ |
സമുത്പതതി മേദിന്യാം തത്പ്രമാണോ മഹാസുരഃ ||41||

യുയുധേ സ ഗദാപാണിരിന്ദ്രശക്ത്യാ മഹാസുരഃ |
തതശ്ചൈന്ദ്രീ സ്വവജ്രേണ രക്തബീജമതാഡയത് ||42||

കുലിശേനാഹതസ്യാശു ബഹു സുസ്രാവ ശോണിതമ് |
സമുത്തസ്ഥുസ്തതോ യോധാസ്തദ്രപാസ്തത്പരാക്രമാഃ ||43||

യാവന്തഃ പതിതാസ്തസ്യ ശരീരാദ്രക്തബിന്ദവഃ |
താവന്തഃ പുരുഷാ ജാതാഃ സ്തദ്വീര്യബലവിക്രമാഃ ||44||

തേ ചാപി യുയുധുസ്തത്ര പുരുഷാ രക്ത സംഭവാഃ |
സമം മാതൃഭിരത്യുഗ്രശസ്ത്രപാതാതിഭീഷണം ||45||

പുനശ്ച വജ്ര പാതേന ക്ഷത മശ്യ ശിരോ യദാ |
വവാഹ രക്തം പുരുഷാസ്തതോ ജാതാഃ സഹസ്രശഃ ||46||

വൈഷ്ണവീ സമരേ ചൈനം ചക്രേണാഭിജഘാന ഹ |
ഗദയാ താഡയാമാസ ഐന്ദ്രീ തമസുരേശ്വരമ് ||47||

വൈഷ്ണവീ ചക്രഭിന്നസ്യ രുധിരസ്രാവ സമ്ഭവൈഃ |
സഹസ്രശോ ജഗദ്വ്യാപ്തം തത്പ്രമാണൈര്മഹാസുരൈഃ ||48||

ശക്ത്യാ ജഘാന കൗമാരീ വാരാഹീ ച തഥാസിനാ |
മാഹേശ്വരീ ത്രിശൂലേന രക്തബീജം മഹാസുരമ് ||49||

സ ചാപി ഗദയാ ദൈത്യഃ സര്വാ ഏവാഹനത് പൃഥക് |
മാതൠഃ കോപസമാവിഷ്ടോ രക്തബീജോ മഹാസുരഃ ||50||

തസ്യാഹതസ്യ ബഹുധാ ശക്തിശൂലാദി ഭിര്ഭുവിഃ |
പപാത യോ വൈ രക്തൗഘസ്തേനാസഞ്ചതശോ‌உസുരാഃ ||51||

തൈശ്ചാസുരാസൃക്സമ്ഭൂതൈരസുരൈഃ സകലം ജഗത് |
വ്യാപ്തമാസീത്തതോ ദേവാ ഭയമാജഗ്മുരുത്തമമ് ||52||

താന് വിഷണ്ണാ ന് സുരാന് ദൃഷ്ട്വാ ചണ്ഡികാ പ്രാഹസത്വരമ് |
ഉവാച കാളീം ചാമുണ്ഡേ വിസ്തീര്ണം വദനം കുരു ||53||

മച്ഛസ്ത്രപാതസമ്ഭൂതാന് രക്തബിന്ദൂന് മഹാസുരാന് |
രക്തബിന്ദോഃ പ്രതീച്ഛ ത്വം വക്ത്രേണാനേന വേഗിനാ ||54||

ഭക്ഷയന്തീ ചര രണോ തദുത്പന്നാന്മഹാസുരാന് |
ഏവമേഷ ക്ഷയം ദൈത്യഃ ക്ഷേണ രക്തോ ഗമിഷ്യതി ||55||

ഭക്ഷ്യ മാണാ സ്ത്വയാ ചോഗ്രാ ന ചോത്പത്സ്യന്തി ചാപരേ |
ഇത്യുക്ത്വാ താം തതോ ദേവീ ശൂലേനാഭിജഘാന തമ് ||56||

മുഖേന കാളീ ജഗൃഹേ രക്തബീജസ്യ ശോണിതമ് |
തതോ‌உസാവാജഘാനാഥ ഗദയാ തത്ര ചണ്ഡികാം ||57||

ന ചാസ്യാ വേദനാം ചക്രേ ഗദാപാതോ‌உല്പികാമപി |
തസ്യാഹതസ്യ ദേഹാത്തു ബഹു സുസ്രാവ ശോണിതമ് ||58||

യതസ്തതസ്തദ്വക്ത്രേണ ചാമുണ്ഡാ സമ്പ്രതീച്ഛതി |
മുഖേ സമുദ്ഗതാ യേ‌உസ്യാ രക്തപാതാന്മഹാസുരാഃ ||59||

താംശ്ചഖാദാഥ ചാമുണ്ഡാ പപൗ തസ്യ ച ശോണിതമ് ||60||

ദേവീ ശൂലേന വജ്രേണ ബാണൈരസിഭിര് ഋഷ്ടിഭിഃ |
ജഘാന രക്തബീജം തം ചാമുണ്ഡാ പീത ശോണിതമ് ||61||

സ പപാത മഹീപൃഷ്ഠേ ശസ്ത്രസങ്ഘസമാഹതഃ |
നീരക്തശ്ച മഹീപാല രക്തബീജോ മഹാസുരഃ ||62||

തതസ്തേ ഹര്ഷ മതുലമ് അവാപുസ്ത്രിദശാ നൃപ |
തേഷാം മാതൃഗണോ ജാതോ നനര്താസൃംങ്ഗമദോദ്ധതഃ ||63||

|| സ്വസ്തി ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ രക്തബീജവധോനാമ അഷ്ടമോധ്യായ സമാപ്തമ് ||

ആഹുതി
ഓം ജയംതീ സാംഗായൈ സശക്തികായൈ സപരിവാരായൈ സവാഹനായൈ രക്താക്ഷ്യൈ അഷ്ടമാതൃ സഹിതായൈ മഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 7 in Malayalam

Devi Mahatmyam Durga Saptasati Chapter 7 – Malayalam Lyrics (Text)

Devi Mahatmyam Durga Saptasati Chapter 7 – Malayalam Script

രചന: ഋഷി മാര്കംഡേയ

ചണ്ഡമുണ്ഡ വധോ നാമ സപ്തമോധ്യായഃ ||

ധ്യാനം
ധ്യായേം രത്ന പീഠേ ശുകകല പഠിതം ശ്രുണ്വതീം ശ്യാമലാംഗീം|
ന്യസ്തൈകാംഘ്രിം സരോജേ ശശി ശകല ധരാം വല്ലകീം വാദ യന്തീം
കഹലാരാബദ്ധ മാലാം നിയമിത വിലസച്ചോലികാം രക്ത വസ്ത്രാം|
മാതംഗീം ശംഖ പാത്രാം മധുര മധുമദാം ചിത്രകോദ്ഭാസി ഭാലാം|

ഋഷിരുവാച|

ആജ്ഞപ്താസ്തേ തതോദൈത്യാശ്ചണ്ഡമുണ്ഡപുരോഗമാഃ|
ചതുരങ്ഗബലോപേതാ യയുരഭ്യുദ്യതായുധാഃ ||1||

ദദൃശുസ്തേ തതോ ദേവീമീഷദ്ധാസാം വ്യവസ്ഥിതാമ്|
സിംഹസ്യോപരി ശൈലേന്ദ്രശൃങ്ഗേ മഹതികാഞ്ചനേ ||2||

തേദൃഷ്ട്വാതാംസമാദാതുമുദ്യമം ഞ്ചക്രുരുദ്യതാഃ
ആകൃഷ്ടചാപാസിധരാസ്തഥാ‌உന്യേ തത്സമീപഗാഃ ||3||

തതഃ കോപം ചകാരോച്ചൈരമ്ഭികാ താനരീന്പ്രതി|
കോപേന ചാസ്യാ വദനം മഷീവര്ണമഭൂത്തദാ ||4||

ഭ്രുകുടീകുടിലാത്തസ്യാ ലലാടഫലകാദ്ദ്രുതമ്|
കാളീ കരാള വദനാ വിനിഷ്ക്രാന്താസിപാശിനീ ||5||

വിചിത്രഖട്വാങ്ഗധരാ നരമാലാവിഭൂഷണാ|
ദ്വീപിചര്മപരീധാനാ ശുഷ്കമാംസാതിഭൈരവാ ||6||

അതിവിസ്താരവദനാ ജിഹ്വാലലനഭീഷണാ|
നിമഗ്നാരക്തനയനാ നാദാപൂരിതദിങ്മുഖാ ||6||

സാ വേഗേനാഭിപതിതാ ഘൂതയന്തീ മഹാസുരാന്|
സൈന്യേ തത്ര സുരാരീണാമഭക്ഷയത തദ്ബലമ് ||8||

പാര്ഷ്ണിഗ്രാഹാങ്കുശഗ്രാഹയോധഘണ്ടാസമന്വിതാന്|
സമാദായൈകഹസ്തേന മുഖേ ചിക്ഷേപ വാരണാന് ||9||

തഥൈവ യോധം തുരഗൈ രഥം സാരഥിനാ സഹ|
നിക്ഷിപ്യ വക്ത്രേ ദശനൈശ്ചര്വയത്യതിഭൈരവം ||10||

ഏകം ജഗ്രാഹ കേശേഷു ഗ്രീവായാമഥ ചാപരം|
പാദേനാക്രമ്യചൈവാന്യമുരസാന്യമപോഥയത് ||11||

തൈര്മുക്താനിച ശസ്ത്രാണി മഹാസ്ത്രാണി തഥാസുരൈഃ|
മുഖേന ജഗ്രാഹ രുഷാ ദശനൈര്മഥിതാന്യപി ||12||

ബലിനാം തദ്ബലം സര്വമസുരാണാം ദുരാത്മനാം
മമര്ദാഭക്ഷയച്ചാന്യാനന്യാംശ്ചാതാഡയത്തഥാ ||13||

അസിനാ നിഹതാഃ കേചിത്കേചിത്ഖട്വാങ്ഗതാഡിതാഃ|
ജഗ്മുര്വിനാശമസുരാ ദന്താഗ്രാഭിഹതാസ്തഥാ ||14||

ക്ഷണേന തദ്ഭലം സര്വ മസുരാണാം നിപാതിതം|
ദൃഷ്ട്വാ ചണ്ഡോ‌உഭിദുദ്രാവ താം കാളീമതിഭീഷണാം ||15||

ശരവര്ഷൈര്മഹാഭീമൈര്ഭീമാക്ഷീം താം മഹാസുരഃ|
ഛാദയാമാസ ചക്രൈശ്ച മുണ്ഡഃ ക്ഷിപ്തൈഃ സഹസ്രശഃ ||16||

താനിചക്രാണ്യനേകാനി വിശമാനാനി തന്മുഖമ്|
ബഭുര്യഥാര്കബിമ്ബാനി സുബഹൂനി ഘനോദരം ||17||

തതോ ജഹാസാതിരുഷാ ഭീമം ഭൈരവനാദിനീ|
കാളീ കരാളവദനാ ദുര്ദര്ശശനോജ്ജ്വലാ ||18||

ഉത്ഥായ ച മഹാസിംഹം ദേവീ ചണ്ഡമധാവത|
ഗൃഹീത്വാ ചാസ്യ കേശേഷു ശിരസ്തേനാസിനാച്ഛിനത് ||19||

അഥ മുണ്ഡോ‌உഭ്യധാവത്താം ദൃഷ്ട്വാ ചണ്ഡം നിപാതിതമ്|
തമപ്യപാത യദ്ഭമൗ സാ ഖഡ്ഗാഭിഹതംരുഷാ ||20||

ഹതശേഷം തതഃ സൈന്യം ദൃഷ്ട്വാ ചണ്ഡം നിപാതിതമ്|
മുണ്ഡംച സുമഹാവീര്യം ദിശോ ഭേജേ ഭയാതുരമ് ||21||

ശിരശ്ചണ്ഡസ്യ കാളീ ച ഗൃഹീത്വാ മുണ്ഡ മേവ ച|
പ്രാഹ പ്രചണ്ഡാട്ടഹാസമിശ്രമഭ്യേത്യ ചണ്ഡികാമ് ||22||

മയാ തവാ ത്രോപഹൃതൗ ചണ്ഡമുണ്ഡൗ മഹാപശൂ|
യുദ്ധയജ്ഞേ സ്വയം ശുമ്ഭം നിശുമ്ഭം ചഹനിഷ്യസി ||23||

ഋഷിരുവാച||

താവാനീതൗ തതോ ദൃഷ്ട്വാ ചണ്ഡ മുണ്ഡൗ മഹാസുരൗ|
ഉവാച കാളീം കള്യാണീ ലലിതം ചണ്ഡികാ വചഃ ||24||

യസ്മാച്ചണ്ഡം ച മുണ്ഡം ച ഗൃഹീത്വാ ത്വമുപാഗതാ|
ചാമുണ്ഡേതി തതോ ലൊകേ ഖ്യാതാ ദേവീ ഭവിഷ്യസി ||25||

|| ജയ ജയ ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ ചണ്ഡമുണ്ഡ വധോ നാമ സപ്തമോധ്യായ സമാപ്തമ് ||

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ കാളീ ചാമുംഡാ ദേവ്യൈ കര്പൂര ബീജാധിഷ്ഠായൈ മഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 6 in Malayalam

Devi Mahatmyam Durga Saptasati Chapter 6 – Malayalam Lyrics (Text)

Devi Mahatmyam Durga Saptasati Chapter 6 – Malayalam Script

രചന: ഋഷി മാര്കംഡേയ

ശുമ്ഭനിശുമ്ഭസേനാനീധൂമ്രലോചനവധോ നാമ ഷഷ്ടോ ധ്യായഃ ||

ധ്യാനം
നഗാധീശ്വര വിഷ്ത്രാം ഫണി ഫണോത്ത്ംസോരു രത്നാവളീ
ഭാസ്വദ് ദേഹ ലതാം നിഭൗ നേത്രയോദ്ഭാസിതാമ് |
മാലാ കുംഭ കപാല നീരജ കരാം ചംദ്രാ അര്ധ ചൂഢാംബരാം
സര്വേശ്വര ഭൈരവാംഗ നിലയാം പദ്മാവതീചിംതയേ ||

ഋഷിരുവാച ||1||

ഇത്യാകര്ണ്യ വചോ ദേവ്യാഃ സ ദൂതോ‌உമര്ഷപൂരിതഃ |
സമാചഷ്ട സമാഗമ്യ ദൈത്യരാജായ വിസ്തരാത് || 2 ||

തസ്യ ദൂതസ്യ തദ്വാക്യമാകര്ണ്യാസുരരാട് തതഃ |
സ ക്രോധഃ പ്രാഹ ദൈത്യാനാമധിപം ധൂമ്രലോചനമ് ||3||

ഹേ ധൂമ്രലോചനാശു ത്വം സ്വസൈന്യ പരിവാരിതഃ|
താമാനയ ബല്ലാദ്ദുഷ്ടാം കേശാകര്ഷണ വിഹ്വലാമ് ||4||

തത്പരിത്രാണദഃ കശ്ചിദ്യദി വോത്തിഷ്ഠതേ‌உപരഃ|
സ ഹന്തവ്യോ‌உമരോവാപി യക്ഷോ ഗന്ധര്വ ഏവ വാ ||5||

ഋഷിരുവാച ||6||

തേനാജ്ഞപ്തസ്തതഃ ശീഘ്രം സ ദൈത്യോ ധൂമ്രലോചനഃ|
വൃതഃ ഷഷ്ട്യാ സഹസ്രാണാമ് അസുരാണാംദ്രുതംയമൗ ||6||

ന ദൃഷ്ട്വാ താം തതോ ദേവീം തുഹിനാചല സംസ്ഥിതാം|
ജഗാദോച്ചൈഃ പ്രയാഹീതി മൂലം ശുമ്ബനിശുമ്ഭയോഃ ||8||

ന ചേത്പ്രീത്യാദ്യ ഭവതീ മദ്ഭര്താരമുപൈഷ്യതി
തതോ ബലാന്നയാമ്യേഷ കേശാകര്ഷണവിഹ്വലാമ് ||9||

ദേവ്യുവാച ||10||

ദൈത്യേശ്വരേണ പ്രഹിതോ ബലവാന്ബലസംവൃതഃ|
ബലാന്നയസി മാമേവം തതഃ കിം തേ കരോമ്യഹമ് ||11||

ഋഷിരുവാച ||12||

ഇത്യുക്തഃ സോ‌உഭ്യധാവത്താമ് അസുരോ ധൂമ്രലോചനഃ|
ഹൂങ്കാരേണൈവ തം ഭസ്മ സാ ചകാരാമ്ബികാ തദാ ||13||

അഥ ക്രുദ്ധം മഹാസൈന്യമ് അസുരാണാം തഥാമ്ബികാ|
വവര്ഷ സായുകൈസ്തീക്ഷ്ണൈസ്തഥാ ശക്തിപരശ്വധൈഃ ||14||

തതോ ധുതസടഃ കോപാത്കൃത്വാ നാദം സുഭൈരവമ്|
പപാതാസുര സേനായാം സിംഹോ ദേവ്യാഃ സ്വവാഹനഃ ||15||

കാംശ്ചിത്കരപ്രഹാരേണ ദൈത്യാനാസ്യേന ചാപാരാന്|
ആക്രാന്ത്യാ ചാധരേണ്യാന് ജഘാന സ മഹാസുരാന് ||16||

കേഷാഞ്ചിത്പാടയാമാസ നഖൈഃ കോഷ്ഠാനി കേസരീ|
തഥാ തലപ്രഹാരേണ ശിരാംസി കൃതവാന് പൃഥക് ||17||

വിച്ഛിന്നബാഹുശിരസഃ കൃതാസ്തേന തഥാപരേ|
പപൗച രുധിരം കോഷ്ഠാദന്യേഷാം ധുതകേസരഃ ||18||

ക്ഷണേന തദ്ബലം സര്വം ക്ഷയം നീതം മഹാത്മനാ|
തേന കേസരിണാ ദേവ്യാ വാഹനേനാതികോപിനാ ||19||

ശ്രുത്വാ തമസുരം ദേവ്യാ നിഹതം ധൂമ്രലോചനമ്|
ബലം ച ക്ഷയിതം കൃത്സ്നം ദേവീ കേസരിണാ തതഃ ||20||

ചുകോപ ദൈത്യാധിപതിഃ ശുമ്ഭഃ പ്രസ്ഫുരിതാധരഃ|
ആജ്ഞാപയാമാസ ച തൗ ചണ്ഡമുണ്ഡൗ മഹാസുരൗ ||21||

ഹേചണ്ഡ ഹേ മുണ്ഡ ബലൈര്ബഹുഭിഃ പരിവാരിതൗ
തത്ര ഗച്ഛത ഗത്വാ ച സാ സമാനീയതാം ലഘു ||22||

കേശേഷ്വാകൃഷ്യ ബദ്ധ്വാ വാ യദി വഃ സംശയോ യുധി|
തദാശേഷാ യുധൈഃ സര്വൈര് അസുരൈര്വിനിഹന്യതാം ||23||

തസ്യാം ഹതായാം ദുഷ്ടായാം സിംഹേ ച വിനിപാതിതേ|
ശീഘ്രമാഗമ്യതാം ബദ്വാ ഗൃഹീത്വാതാമഥാമ്ബികാമ് ||24||

|| സ്വസ്തി ശ്രീ മാര്കണ്ഡേയ പുരാണേ സാവര്നികേമന്വന്തരേ ദേവി മഹത്മ്യേ ശുമ്ഭനിശുമ്ഭസേനാനീധൂമ്രലോചനവധോ നാമ ഷഷ്ടോ ധ്യായഃ ||

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ മഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 5 in Malayalam

Devi Mahatmyam Durga Saptasati Chapter 5 – Malayalam Lyrics (Text)

Devi Mahatmyam Durga Saptasati Chapter 5 – Malayalam Script

രചന: ഋഷി മാര്കംഡേയ

ദേവ്യാ ദൂത സംവാദോ നാമ പഞ്ചമോ ധ്യായഃ ||

അസ്യ ശ്രീ ഉത്തരചരിത്രസ്യ രുദ്ര ഋഷിഃ | ശ്രീ മഹാസരസ്വതീ ദേവതാ | അനുഷ്ടുപ്ഛന്ധഃ |ഭീമാ ശക്തിഃ | ഭ്രാമരീ ബീജമ് | സൂര്യസ്തത്വമ് | സാമവേദഃ | സ്വരൂപമ് | ശ്രീ മഹാസരസ്വതിപ്രീത്യര്ഥേ | ഉത്തരചരിത്രപാഠേ വിനിയോഗഃ ||

ധ്യാനം
ഘണ്ടാശൂലഹലാനി ശംഖ മുസലേ ചക്രം ധനുഃ സായകം
ഹസ്താബ്ജൈര്ധദതീം ഘനാന്തവിലസച്ഛീതാംശുതുല്യപ്രഭാം
ഗൗരീ ദേഹ സമുദ്ഭവാം ത്രിജഗതാമ് ആധാരഭൂതാം മഹാ
പൂര്വാമത്ര സരസ്വതീ മനുഭജേ ശുമ്ഭാദിദൈത്യാര്ദിനീം||

||ഋഷിരുവാച|| || 1 ||

പുരാ ശുമ്ഭനിശുമ്ഭാഭ്യാമസുരാഭ്യാം ശചീപതേഃ
ത്രൈലോക്യം യജ്ഞ്യ ഭാഗാശ്ച ഹൃതാ മദബലാശ്രയാത് ||2||

താവേവ സൂര്യതാമ് തദ്വദധികാരം തഥൈന്ദവം
കൗബേരമഥ യാമ്യം ചക്രാംതേ വരുണസ്യ ച
താവേവ പവനര്ദ്ധി‌உം ച ചക്രതുര്വഹ്നി കര്മച
തതോ ദേവാ വിനിര്ധൂതാ ഭ്രഷ്ടരാജ്യാഃ പരാജിതാഃ ||3||

ഹൃതാധികാരാസ്ത്രിദശാസ്താഭ്യാം സര്വേ നിരാകൃതാ|
മഹാസുരാഭ്യാം താം ദേവീം സംസ്മരന്ത്യപരാജിതാം ||4||

തയാസ്മാകം വരോ ദത്തോ യധാപത്സു സ്മൃതാഖിലാഃ|
ഭവതാം നാശയിഷ്യാമി തത്ക്ഷണാത്പരമാപദഃ ||5||

ഇതികൃത്വാ മതിം ദേവാ ഹിമവന്തം നഗേശ്വരം|
ജഗ്മുസ്തത്ര തതോ ദേവീം വിഷ്ണുമായാം പ്രതുഷ്ടുവുഃ ||6||

ദേവാ ഊചുഃ

നമോ ദേവ്യൈ മഹാദേവ്യൈ ശിവായൈ സതതം നമഃ|
നമഃ പ്രകൃത്യൈ ഭദ്രായൈ നിയതാഃ പ്രണതാഃ സ്മതാം ||6||

രൗദ്രായ നമോ നിത്യായൈ ഗൗര്യൈ ധാത്ര്യൈ നമോ നമഃ
ജ്യോത്സ്നായൈ ചേന്ദുരൂപിണ്യൈ സുഖായൈ സതതം നമഃ ||8||

കള്യാണ്യൈ പ്രണതാ വൃദ്ധ്യൈ സിദ്ധ്യൈ കുര്മോ നമോ നമഃ|
നൈരൃത്യൈ ഭൂഭൃതാം ലക്ഷ്മൈ ശര്വാണ്യൈ തേ നമോ നമഃ ||9||

ദുര്ഗായൈ ദുര്ഗപാരായൈ സാരായൈ സര്വകാരിണ്യൈ
ഖ്യാത്യൈ തഥൈവ കൃഷ്ണായൈ ധൂമ്രായൈ സതതം നമഃ ||10||

അതിസൗമ്യതിരൗദ്രായൈ നതാസ്തസ്യൈ നമോ നമഃ
നമോ ജഗത്പ്രതിഷ്ഠായൈ ദേവ്യൈ കൃത്യൈ നമോ നമഃ ||11||

യാദേവീ സര്വഭൂതേഷൂ വിഷ്ണുമായേതി ശബ്ധിതാ|
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||12

യാദേവീ സര്വഭൂതേഷൂ ചേതനേത്യഭിധീയതേ|
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||13||

യാദേവീ സര്വഭൂതേഷൂ ബുദ്ധിരൂപേണ സംസ്ഥിതാ|
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||14||

യാദേവീ സര്വഭൂതേഷൂ നിദ്രാരൂപേണ സംസ്ഥിതാ|
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||15||

യാദേവീ സര്വഭൂതേഷൂ ക്ഷുധാരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||16||

യാദേവീ സര്വഭൂതേഷൂ ഛായാരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||17||

യാദേവീ സര്വഭൂതേഷൂ ശക്തിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||18||

യാദേവീ സര്വഭൂതേഷൂ തൃഷ്ണാരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||19||

യാദേവീ സര്വഭൂതേഷൂ ക്ഷാന്തിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||20||

യാദേവീ സര്വഭൂതേഷൂ ജാതിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||21||

യാദേവീ സര്വഭൂതേഷൂ ലജ്ജാരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||22||

യാദേവീ സര്വഭൂതേഷൂ ശാന്തിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||23||

യാദേവീ സര്വഭൂതേഷൂ ശ്രദ്ധാരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||24||

യാദേവീ സര്വഭൂതേഷൂ കാന്തിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||25||

യാദേവീ സര്വഭൂതേഷൂ ലക്ഷ്മീരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||26||

യാദേവീ സര്വഭൂതേഷൂ വൃത്തിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||27||

യാദേവീ സര്വഭൂതേഷൂ സ്മൃതിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||28||

യാദേവീ സര്വഭൂതേഷൂ ദയാരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||29||

യാദേവീ സര്വഭൂതേഷൂ തുഷ്ടിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||30||

യാദേവീ സര്വഭൂതേഷൂ മാതൃരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||31||

യാദേവീ സര്വഭൂതേഷൂ ഭ്രാന്തിരൂപേണ സംസ്ഥിതാ
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||32||

ഇന്ദ്രിയാണാമധിഷ്ഠാത്രീ ഭൂതാനാം ചാഖിലേഷു യാ|
ഭൂതേഷു സതതം തസ്യൈ വ്യാപ്തി ദേവ്യൈ നമോ നമഃ ||33||

ചിതിരൂപേണ യാ കൃത്സ്നമേത ദ്വ്യാപ്യ സ്ഥിതാ ജഗത്
നമസ്തസ്യൈ, നമസ്തസ്യൈ,നമസ്തസ്യൈ നമോനമഃ ||34||

സ്തുതാസുരൈഃ പൂര്വമഭീഷ്ട സംശ്രയാത്തഥാ
സുരേന്ദ്രേണ ദിനേഷുസേവിതാ|
കരോതുസാ നഃ ശുഭഹേതുരീശ്വരീ
ശുഭാനി ഭദ്രാണ്യ ഭിഹന്തു ചാപദഃ ||35||

യാ സാമ്പ്രതം ചോദ്ധതദൈത്യതാപിതൈ
രസ്മാഭിരീശാചസുരൈര്നമശ്യതേ|
യാച സ്മതാ തത്‍ക്ഷണ മേവ ഹന്തി നഃ
സര്വാ പദോഭക്തിവിനമ്രമൂര്തിഭിഃ ||36||

ഋഷിരുവാച||

ഏവം സ്തവാഭി യുക്താനാം ദേവാനാം തത്ര പാര്വതീ|
സ്നാതുമഭ്യായയൗ തോയേ ജാഹ്നവ്യാ നൃപനന്ദന ||37||

സാബ്രവീത്താന് സുരാന് സുഭ്രൂര്ഭവദ്ഭിഃ സ്തൂയതേ‌உത്ര കാ
ശരീരകോശതശ്ചാസ്യാഃ സമുദ്ഭൂതാ‌உ ബ്രവീച്ഛിവാ ||38||

സ്തോത്രം മമൈതത്ക്രിയതേ ശുമ്ഭദൈത്യ നിരാകൃതൈഃ
ദേവൈഃ സമേതൈഃ സമരേ നിശുമ്ഭേന പരാജിതൈഃ ||39||

ശരീരകോശാദ്യത്തസ്യാഃ പാര്വത്യാ നിഃസൃതാമ്ബികാ|
കൗശികീതി സമസ്തേഷു തതോ ലോകേഷു ഗീയതേ ||40||

തസ്യാംവിനിര്ഗതായാം തു കൃഷ്ണാഭൂത്സാപി പാര്വതീ|
കാളികേതി സമാഖ്യാതാ ഹിമാചലകൃതാശ്രയാ ||41||

തതോ‌உമ്ബികാം പരം രൂപം ബിഭ്രാണാം സുമനോഹരമ് |
ദദര്ശ ചണ്ദോ മുണ്ദശ്ച ഭൃത്യൗ ശുമ്ഭനിശുമ്ഭയോഃ ||42||

താഭ്യാം ശുമ്ഭായ ചാഖ്യാതാ സാതീവ സുമനോഹരാ|
കാപ്യാസ്തേ സ്ത്രീ മഹാരാജ ഭാസ യന്തീ ഹിമാചലമ് ||43||

നൈവ താദൃക് ക്വചിദ്രൂപം ദൃഷ്ടം കേനചിദുത്തമമ്|
ജ്ഞായതാം കാപ്യസൗ ദേവീ ഗൃഹ്യതാം ചാസുരേശ്വര ||44||

സ്ത്രീ രത്ന മതിചാര്വംജ്ഗീ ദ്യോതയന്തീദിശസ്ത്വിഷാ|
സാതുതിഷ്ടതി ദൈത്യേന്ദ്ര താം ഭവാന് ദ്രഷ്ടു മര്ഹതി ||45||

യാനി രത്നാനി മണയോ ഗജാശ്വാദീനി വൈ പ്രഭോ|
ത്രൈ ലോക്യേതു സമസ്താനി സാമ്പ്രതം ഭാന്തിതേ ഗൃഹേ ||46||

ഐരാവതഃ സമാനീതോ ഗജരത്നം പുനര്ദരാത്|
പാരിജാത തരുശ്ചായം തഥൈവോച്ചൈഃ ശ്രവാ ഹയഃ ||47||

വിമാനം ഹംസസംയുക്തമേതത്തിഷ്ഠതി തേ‌உങ്ഗണേ|
രത്നഭൂത മിഹാനീതം യദാസീദ്വേധസോ‌உദ്ഭുതം ||48||

നിധിരേഷ മഹാ പദ്മഃ സമാനീതോ ധനേശ്വരാത്|
കിഞ്ജല്കിനീം ദദൗ ചാബ്ധിര്മാലാമമ്ലാനപജ്കജാം ||49||

ഛത്രം തേവാരുണം ഗേഹേ കാഞ്ചനസ്രാവി തിഷ്ഠതി|
തഥായം സ്യന്ദനവരോ യഃ പുരാസീത്പ്രജാപതേഃ ||50||

മൃത്യോരുത്ക്രാന്തിദാ നാമ ശക്തിരീശ ത്വയാ ഹൃതാ|
പാശഃ സലില രാജസ്യ ഭ്രാതുസ്തവ പരിഗ്രഹേ ||51||

നിശുമ്ഭസ്യാബ്ധിജാതാശ്ച സമസ്താ രത്ന ജാതയഃ|
വഹ്നിശ്ചാപി ദദൗ തുഭ്യ മഗ്നിശൗചേ ച വാസസീ ||52||

ഏവം ദൈത്യേന്ദ്ര രത്നാനി സമസ്താന്യാഹൃതാനി തേ
സ്ത്ര്രീ രത്ന മേഷാ കല്യാണീ ത്വയാ കസ്മാന്ന ഗൃഹ്യതേ ||53||

ഋഷിരുവാച|

നിശമ്യേതി വചഃ ശുമ്ഭഃ സ തദാ ചണ്ഡമുണ്ഡയോഃ|
പ്രേഷയാമാസ സുഗ്രീവം ദൂതം ദേവ്യാ മഹാസുരം ||54||

ഇതി ചേതി ച വക്തവ്യാ സാ ഗത്വാ വചനാന്മമ|
യഥാ ചാഭ്യേതി സമ്പ്രീത്യാ തഥാ കാര്യം ത്വയാ ലഘു ||55||

സതത്ര ഗത്വാ യത്രാസ്തേ ശൈലോദ്ദോശേ‌உതിശോഭനേ|
സാദേവീ താം തതഃ പ്രാഹ ശ്ലക്ഷ്ണം മധുരയാ ഗിരാ ||56||

ദൂത ഉവാച||

ദേവി ദൈത്യേശ്വരഃ ശുമ്ഭസ്ത്രെലോക്യേ പരമേശ്വരഃ|
ദൂതോ‌உഹം പ്രേഷി തസ്തേന ത്വത്സകാശമിഹാഗതഃ ||57||

അവ്യാഹതാജ്ഞഃ സര്വാസു യഃ സദാ ദേവയോനിഷു|
നിര്ജിതാഖില ദൈത്യാരിഃ സ യദാഹ ശൃണുഷ്വ തത് ||58||

മമത്രൈലോക്യ മഖിലം മമദേവാ വശാനുഗാഃ|
യജ്ഞഭാഗാനഹം സര്വാനുപാശ്നാമി പൃഥക് പൃഥക് ||59||

ത്രൈലോക്യേവരരത്നാനി മമ വശ്യാന്യശേഷതഃ|
തഥൈവ ഗജരത്നം ച ഹൃതം ദേവേന്ദ്രവാഹനം ||60||

ക്ഷീരോദമഥനോദ്ഭൂത മശ്വരത്നം മമാമരൈഃ|
ഉച്ചൈഃശ്രവസസംജ്ഞം തത്പ്രണിപത്യ സമര്പിതം ||61||

യാനിചാന്യാനി ദേവേഷു ഗന്ധര്വേഷൂരഗേഷു ച |
രത്നഭൂതാനി ഭൂതാനി താനി മയ്യേവ ശോഭനേ ||62||

സ്ത്രീ രത്നഭൂതാം താം ദേവീം ലോകേ മന്യാ മഹേ വയം|
സാ ത്വമസ്മാനുപാഗച്ഛ യതോ രത്നഭുജോ വയം ||63||

മാംവാ മമാനുജം വാപി നിശുമ്ഭമുരുവിക്രമമ്|
ഭജത്വം ചഞ്ചലാപാജ്ഗി രത്ന ഭൂതാസി വൈ യതഃ ||64||

പരമൈശ്വര്യ മതുലം പ്രാപ്സ്യസേ മത്പരിഗ്രഹാത്|
ഏതദ്ഭുദ്ഥ്യാ സമാലോച്യ മത്പരിഗ്രഹതാം വ്രജ ||65||

ഋഷിരുവാച||

ഇത്യുക്താ സാ തദാ ദേവീ ഗമ്ഭീരാന്തഃസ്മിതാ ജഗൗ|
ദുര്ഗാ ഭഗവതീ ഭദ്രാ യയേദം ധാര്യതേ ജഗത് ||66||

ദേവ്യുവാച||

സത്യ മുക്തം ത്വയാ നാത്ര മിഥ്യാകിഞ്ചിത്ത്വയോദിതമ്|
ത്രൈലോക്യാധിപതിഃ ശുമ്ഭോ നിശുമ്ഭശ്ചാപി താദൃശഃ ||67||

കിം ത്വത്ര യത്പ്രതിജ്ഞാതം മിഥ്യാ തത്ക്രിയതേ കഥമ്|
ശ്രൂയതാമല്പഭുദ്ധിത്വാത് ത്പ്രതിജ്ഞാ യാ കൃതാ പുരാ ||68||

യോമാമ് ജയതി സജ്ഗ്രാമേ യോ മേ ദര്പം വ്യപോഹതി|
യോമേ പ്രതിബലോ ലോകേ സ മേ ഭര്താ ഭവിഷ്യതി ||69||

തദാഗച്ഛതു ശുമ്ഭോ‌உത്ര നിശുമ്ഭോ വാ മഹാസുരഃ|
മാം ജിത്വാ കിം ചിരേണാത്ര പാണിംഗൃഹ്ണാതുമേലഘു ||70||

ദൂത ഉവാച||

അവലിപ്താസി മൈവം ത്വം ദേവി ബ്രൂഹി മമാഗ്രതഃ|
ത്രൈലോക്യേകഃ പുമാംസ്തിഷ്ടേദ് അഗ്രേ ശുമ്ഭനിശുമ്ഭയോഃ ||71||

അന്യേഷാമപി ദൈത്യാനാം സര്വേ ദേവാ ന വൈ യുധി|
കിം തിഷ്ഠന്തി സുമ്മുഖേ ദേവി പുനഃ സ്ത്രീ ത്വമേകികാ ||72||

ഇന്ദ്രാദ്യാഃ സകലാ ദേവാസ്തസ്ഥുര്യേഷാം ന സംയുഗേ|
ശുമ്ഭാദീനാം കഥം തേഷാം സ്ത്രീ പ്രയാസ്യസി സമ്മുഖമ് ||73||

സാത്വം ഗച്ഛ മയൈവോക്താ പാര്ശ്വം ശുമ്ഭനിശുമ്ഭയോഃ|
കേശാകര്ഷണ നിര്ധൂത ഗൗരവാ മാ ഗമിഷ്യസി||74||

ദേവ്യുവാച|

ഏവമേതദ് ബലീ ശുമ്ഭോ നിശുമ്ഭശ്ചാതിവീര്യവാന്|
കിം കരോമി പ്രതിജ്ഞാ മേ യദനാലോചിതാപുരാ ||75||

സത്വം ഗച്ഛ മയോക്തം തേ യദേതത്ത്സര്വ മാദൃതഃ|
തദാചക്ഷ്വാ സുരേന്ദ്രായ സ ച യുക്തം കരോതു യത് ||76||

|| ഇതി ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ ദേവ്യാ ദൂത സംവാദോ നാമ പഞ്ചമോ ധ്യായഃ സമാപ്തമ് ||

ആഹുതി
ക്ലീം ജയംതീ സാംഗായൈ സായുധായൈ സശക്തികായൈ സപരിവാരായൈ സവാഹനായൈ ധൂമ്രാക്ഷ്യൈ വിഷ്ണുമായാദി ചതുര്വിംശദ് ദേവതാഭ്യോ മഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 4 in Malayalam

Devi Mahatmyam Durga Saptasati Chapter 4 – Malayalam Lyrics (Text)

Devi Mahatmyam Durga Saptasati Chapter 4 – Malayalam Script

രചന: ഋഷി മാര്കംഡേയ

ശക്രാദിസ്തുതിര്നാമ ചതുര്ധോ‌உധ്യായഃ ||

ധ്യാനം
കാലാഭ്രാഭാം കടാക്ഷൈര് അരി കുല ഭയദാം മൗളി ബദ്ധേംദു രേഖാം
ശംഖ ചക്ര കൃപാണം ത്രിശിഖ മപി കരൈര് ഉദ്വഹന്തീം ത്രിന്ത്രാമ് |
സിംഹ സ്കംദാധിരൂഢാം ത്രിഭുവന മഖിലം തേജസാ പൂരയംതീം
ധ്യായേദ് ദുര്ഗാം ജയാഖ്യാം ത്രിദശ പരിവൃതാം സേവിതാം സിദ്ധി കാമൈഃ ||

ഋഷിരുവാച ||1||

ശക്രാദയഃ സുരഗണാ നിഹതേ‌உതിവീര്യേ
തസ്മിന്ദുരാത്മനി സുരാരിബലേ ച ദേവ്യാ |
താം തുഷ്ടുവുഃ പ്രണതിനമ്രശിരോധരാംസാ
വാഗ്ഭിഃ പ്രഹര്ഷപുലകോദ്ഗമചാരുദേഹാഃ || 2 ||

ദേവ്യാ യയാ തതമിദം ജഗദാത്മശക്ത്യാ
നിഃശേഷദേവഗണശക്തിസമൂഹമൂര്ത്യാ |
താമമ്ബികാമഖിലദേവമഹര്ഷിപൂജ്യാം
ഭക്ത്യാ നതാഃ സ്മ വിദധാതുശുഭാനി സാ നഃ ||3||

യസ്യാഃ പ്രഭാവമതുലം ഭഗവാനനന്തോ
ബ്രഹ്മാ ഹരശ്ച നഹി വക്തുമലം ബലം ച |
സാ ചണ്ഡികാ‌உഖില ജഗത്പരിപാലനായ
നാശായ ചാശുഭഭയസ്യ മതിം കരോതു ||4||

യാ ശ്രീഃ സ്വയം സുകൃതിനാം ഭവനേഷ്വലക്ഷ്മീഃ
പാപാത്മനാം കൃതധിയാം ഹൃദയേഷു ബുദ്ധിഃ |
ശ്രദ്ഥാ സതാം കുലജനപ്രഭവസ്യ ലജ്ജാ
താം ത്വാം നതാഃ സ്മ പരിപാലയ ദേവി വിശ്വമ് ||5||

കിം വര്ണയാമ തവരൂപ മചിന്ത്യമേതത്
കിഞ്ചാതിവീര്യമസുരക്ഷയകാരി ഭൂരി |
കിം ചാഹവേഷു ചരിതാനി തവാത്ഭുതാനി
സര്വേഷു ദേവ്യസുരദേവഗണാദികേഷു | ||6||

ഹേതുഃ സമസ്തജഗതാം ത്രിഗുണാപി ദോഷൈഃ
ന ജ്ഞായസേ ഹരിഹരാദിഭിരവ്യപാരാ |
സര്വാശ്രയാഖിലമിദം ജഗദംശഭൂതം
അവ്യാകൃതാ ഹി പരമാ പ്രകൃതിസ്ത്വമാദ്യാ ||6||

യസ്യാഃ സമസ്തസുരതാ സമുദീരണേന
തൃപ്തിം പ്രയാതി സകലേഷു മഖേഷു ദേവി |
സ്വാഹാസി വൈ പിതൃ ഗണസ്യ ച തൃപ്തി ഹേതു
രുച്ചാര്യസേ ത്വമത ഏവ ജനൈഃ സ്വധാച ||8||

യാ മുക്തിഹേതുരവിചിന്ത്യ മഹാവ്രതാ ത്വം
അഭ്യസ്യസേ സുനിയതേന്ദ്രിയതത്വസാരൈഃ |
മോക്ഷാര്ഥിഭിര്മുനിഭിരസ്തസമസ്തദോഷൈ
ര്വിദ്യാ‌உസി സാ ഭഗവതീ പരമാ ഹി ദേവി ||9||

ശബ്ദാത്മികാ സുവിമലര്ഗ്യജുഷാം നിധാനം
മുദ്ഗീഥരമ്യപദപാഠവതാം ച സാമ്നാമ് |
ദേവീ ത്രയീ ഭഗവതീ ഭവഭാവനായ
വാര്താസി സര്വ ജഗതാം പരമാര്തിഹന്ത്രീ ||10||

മേധാസി ദേവി വിദിതാഖിലശാസ്ത്രസാരാ
ദുര്ഗാ‌உസി ദുര്ഗഭവസാഗരസനൗരസങ്ഗാ |
ശ്രീഃ കൈട ഭാരിഹൃദയൈകകൃതാധിവാസാ
ഗൗരീ ത്വമേവ ശശിമൗളികൃത പ്രതിഷ്ഠാ ||11||

ഈഷത്സഹാസമമലം പരിപൂര്ണ ചന്ദ്ര
ബിമ്ബാനുകാരി കനകോത്തമകാന്തികാന്തമ് |
അത്യദ്ഭുതം പ്രഹൃതമാത്തരുഷാ തഥാപി
വക്ത്രം വിലോക്യ സഹസാ മഹിഷാസുരേണ ||12||

ദൃഷ്ട്വാതു ദേവി കുപിതം ഭ്രുകുടീകരാള
മുദ്യച്ഛശാങ്കസദൃശച്ഛവി യന്ന സദ്യഃ |
പ്രാണാന് മുമോച മഹിഷസ്തദതീവ ചിത്രം
കൈര്ജീവ്യതേ ഹി കുപിതാന്തകദര്ശനേന | ||13||

ദേവിപ്രസീദ പരമാ ഭവതീ ഭവായ
സദ്യോ വിനാശയസി കോപവതീ കുലാനി |
വിജ്ഞാതമേതദധുനൈവ യദസ്തമേതത്
ന്നീതം ബലം സുവിപുലം മഹിഷാസുരസ്യ ||14||

തേ സമ്മതാ ജനപദേഷു ധനാനി തേഷാം
തേഷാം യശാംസി ന ച സീദതി ധര്മവര്ഗഃ |
ധന്യാസ്ത‌ഏവ നിഭൃതാത്മജഭൃത്യദാരാ
യേഷാം സദാഭ്യുദയദാ ഭവതീ പ്രസന്നാ ||15||

ധര്മ്യാണി ദേവി സകലാനി സദൈവ കര്മാനി
ണ്യത്യാദൃതഃ പ്രതിദിനം സുകൃതീ കരോതി |
സ്വര്ഗം പ്രയാതി ച തതോ ഭവതീ പ്രസാദാ
ല്ലോകത്രയേ‌உപി ഫലദാ നനു ദേവി തേന ||16||

ദുര്ഗേ സ്മൃതാ ഹരസി ഭീതി മശേശ ജന്തോഃ
സ്വസ്ഥൈഃ സ്മൃതാ മതിമതീവ ശുഭാം ദദാസി |
ദാരിദ്ര്യദുഃഖഭയഹാരിണി കാ ത്വദന്യാ
സര്വോപകാരകരണായ സദാര്ദ്രചിത്താ ||17||

ഏഭിര്ഹതൈര്ജഗദുപൈതി സുഖം തഥൈതേ
കുര്വന്തു നാമ നരകായ ചിരായ പാപമ് |
സംഗ്രാമമൃത്യുമധിഗമ്യ ദിവംപ്രയാന്തു
മത്വേതി നൂനമഹിതാന്വിനിഹംസി ദേവി ||18||

ദൃഷ്ട്വൈവ കിം ന ഭവതീ പ്രകരോതി ഭസ്മ
സര്വാസുരാനരിഷു യത്പ്രഹിണോഷി ശസ്ത്രമ് |
ലോകാന്പ്രയാന്തു രിപവോ‌உപി ഹി ശസ്ത്രപൂതാ
ഇത്ഥം മതിര്ഭവതി തേഷ്വഹി തേ‌உഷുസാധ്വീ ||19||

ഖഡ്ഗ പ്രഭാനികരവിസ്ഫുരണൈസ്തധോഗ്രൈഃ
ശൂലാഗ്രകാന്തിനിവഹേന ദൃശോ‌உസുരാണാമ് |
യന്നാഗതാ വിലയമംശുമദിംദുഖണ്ഡ
യോഗ്യാനനം തവ വിലോക യതാം തദേതത് ||20||

ദുര്വൃത്ത വൃത്ത ശമനം തവ ദേവി ശീലം
രൂപം തഥൈതദവിചിന്ത്യമതുല്യമന്യൈഃ |
വീര്യം ച ഹന്തൃ ഹൃതദേവപരാക്രമാണാം
വൈരിഷ്വപി പ്രകടിതൈവ ദയാ ത്വയേത്ഥമ് ||21||

കേനോപമാ ഭവതു തേ‌உസ്യ പരാക്രമസ്യ
രൂപം ച ശതൃഭയ കാര്യതിഹാരി കുത്ര |
ചിത്തേകൃപാ സമരനിഷ്ടുരതാ ച ദൃഷ്ടാ
ത്വയ്യേവ ദേവി വരദേ ഭുവനത്രയേ‌உപി ||22||

ത്രൈലോക്യമേതദഖിലം രിപുനാശനേന
ത്രാതം ത്വയാ സമരമൂര്ധനി തേ‌உപി ഹത്വാ |
നീതാ ദിവം രിപുഗണാ ഭയമപ്യപാസ്തം
അസ്മാകമുന്മദസുരാരിഭവം നമസ്തേ ||23||

ശൂലേന പാഹി നോ ദേവി പാഹി ഖഡ്ഗേന ചാമ്ഭികേ |
ഘണ്ടാസ്വനേന നഃ പാഹി ചാപജ്യാനിസ്വനേന ച ||24||

പ്രാച്യാം രക്ഷ പ്രതീച്യാം ച ചണ്ഡികേ രക്ഷ ദക്ഷിണേ |
ഭ്രാമണേനാത്മശൂലസ്യ ഉത്തരസ്യാം തഥേശ്വരീ ||25||

സൗമ്യാനി യാനി രൂപാണി ത്രൈലോക്യേ വിചരന്തിതേ |
യാനി ചാത്യന്ത ഘോരാണി തൈരക്ഷാസ്മാംസ്തഥാഭുവമ് ||26||

ഖഡ്ഗശൂലഗദാദീനി യാനി ചാസ്ത്രാണി തേ‌உമ്ബികേ |
കരപല്ലവസങ്ഗീനി തൈരസ്മാന്രക്ഷ സര്വതഃ ||27||

ഋഷിരുവാച ||28||

ഏവം സ്തുതാ സുരൈര്ദിവ്യൈഃ കുസുമൈര്നന്ദനോദ്ഭവൈഃ |
അര്ചിതാ ജഗതാം ധാത്രീ തഥാ ഗന്ധാനു ലേപനൈഃ ||29||

ഭക്ത്യാ സമസ്തൈസ്രി ശൈര്ദിവ്യൈര്ധൂപൈഃ സുധൂപിതാ |
പ്രാഹ പ്രസാദസുമുഖീ സമസ്താന് പ്രണതാന് സുരാന്| ||30||

ദേവ്യുവാച ||31||

വ്രിയതാം ത്രിദശാഃ സര്വേ യദസ്മത്തോ‌உഭിവാഞ്ഛിതമ് ||32||

ദേവാ ഊചു ||33||

ഭഗവത്യാ കൃതം സര്വം ന കിഞ്ചിദവശിഷ്യതേ |
യദയം നിഹതഃ ശത്രു രസ്മാകം മഹിഷാസുരഃ ||34||

യദിചാപി വരോ ദേയ സ്ത്വയാ‌உസ്മാകം മഹേശ്വരി |
സംസ്മൃതാ സംസ്മൃതാ ത്വം നോ ഹിം സേഥാഃപരമാപദഃ||35||

യശ്ച മര്ത്യഃ സ്തവൈരേഭിസ്ത്വാം സ്തോഷ്യത്യമലാനനേ |
തസ്യ വിത്തര്ദ്ധിവിഭവൈര്ധനദാരാദി സമ്പദാമ് ||36||

വൃദ്ദയേ‌உ സ്മത്പ്രസന്നാ ത്വം ഭവേഥാഃ സര്വദാമ്ഭികേ ||37||

ഋഷിരുവാച ||38||

ഇതി പ്രസാദിതാ ദേവൈര്ജഗതോ‌உര്ഥേ തഥാത്മനഃ |
തഥേത്യുക്ത്വാ ഭദ്രകാളീ ബഭൂവാന്തര്ഹിതാ നൃപ ||39||

ഇത്യേതത്കഥിതം ഭൂപ സമ്ഭൂതാ സാ യഥാപുരാ |
ദേവീ ദേവശരീരേഭ്യോ ജഗത്പ്രയഹിതൈഷിണീ ||40||

പുനശ്ച ഗൗരീ ദേഹാത്സാ സമുദ്ഭൂതാ യഥാഭവത് |
വധായ ദുഷ്ട ദൈത്യാനാം തഥാ ശുമ്ഭനിശുമ്ഭയോഃ ||41||

രക്ഷണായ ച ലോകാനാം ദേവാനാമുപകാരിണീ |
തച്ഛൃ ണുഷ്വ മയാഖ്യാതം യഥാവത്കഥയാമിതേ
ഹ്രീമ് ഓം ||42||

|| ജയ ജയ ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ ശക്രാദിസ്തുതിര്നാമ ചതുര്ധോ‌உധ്യായഃ സമാപ്തമ് ||

ആഹുതി
ഹ്രീം ജയംതീ സാംഗായൈ സായുധായൈ സശക്തികായൈ സപരിവാരായൈ സവാഹനായൈ ശ്രീ മഹാലക്ഷ്മ്യൈ ലക്ഷ്മീ ബീജാദിഷ്ടായൈ മഹാഹുതിം സമര്പയാമി നമഃ സ്വാഹാ ||

Lord Devi Mahatmyam Durga Saptasati Chapter 2 in Malayalam

Devi Mahatmyam Durga Saptasati Chapter 2 – Malayalam Lyrics (Text)

Devi Mahatmyam Durga Saptasati Chapter 2 – Malayalam Script

രചന: ഋഷി മാര്കംഡേയ

മഹിഷാസുര സൈന്യവധോ നാമ ദ്വിതീയോ‌உധ്യായഃ ||

അസ്യ സപ്ത സതീമധ്യമ ചരിത്രസ്യ വിഷ്ണുര് ഋഷിഃ | ഉഷ്ണിക് ഛംദഃ | ശ്രീമഹാലക്ഷ്മീദേവതാ| ശാകംഭരീ ശക്തിഃ | ദുര്ഗാ ബീജമ് | വായുസ്തത്ത്വമ് | യജുര്വേദഃ സ്വരൂപമ് | ശ്രീ മഹാലക്ഷ്മീപ്രീത്യര്ഥേ മധ്യമ ചരിത്ര ജപേ വിനിയോഗഃ ||

ധ്യാനം
ഓം അക്ഷസ്രക്പരശും ഗദേഷുകുലിശം പദ്മം ധനുഃ കുണ്ഡികാം
ദണ്ഡം ശക്തിമസിം ച ചര്മ ജലജം ഘണ്ടാം സുരാഭാജനമ് |
ശൂലം പാശസുദര്ശനേ ച ദധതീം ഹസ്തൈഃ പ്രവാള പ്രഭാം
സേവേ സൈരിഭമര്ദിനീമിഹ മഹലക്ഷ്മീം സരോജസ്ഥിതാമ് ||

ഋഷിരുവാച ||1||

ദേവാസുരമഭൂദ്യുദ്ധം പൂര്ണമബ്ദശതം പുരാ|
മഹിഷേ‌உസുരാണാമ് അധിപേ ദേവാനാംച പുരന്ദരേ

തത്രാസുരൈര്മഹാവീര്യിര്ദേവസൈന്യം പരാജിതം|
ജിത്വാ ച സകലാന് ദേവാന് ഇന്ദ്രോ‌உഭൂന്മഹിഷാസുരഃ ||3||

തതഃ പരാജിതാ ദേവാഃ പദ്മയോനിം പ്രജാപതിമ്|
പുരസ്കൃത്യഗതാസ്തത്ര യത്രേശ ഗരുഡധ്വജൗ ||4||

യഥാവൃത്തം തയോസ്തദ്വന് മഹിഷാസുരചേഷ്ടിതമ്|
ത്രിദശാഃ കഥയാമാസുര്ദേവാഭിഭവവിസ്തരമ് ||5||

സൂര്യേന്ദ്രാഗ്ന്യനിലേന്ദൂനാം യമസ്യ വരുണസ്യ ച
അന്യേഷാം ചാധികാരാന്സ സ്വയമേവാധിതിഷ്ടതി ||6||

സ്വര്ഗാന്നിരാകൃതാഃ സര്വേ തേന ദേവ ഗണാ ഭുവിഃ|
വിചരന്തി യഥാ മര്ത്യാ മഹിഷേണ ദുരാത്മനാ ||6||

ഏതദ്വഃ കഥിതം സര്വമ് അമരാരിവിചേഷ്ടിതമ്|
ശരണം വഃ പ്രപന്നാഃ സ്മോ വധസ്തസ്യ വിചിന്ത്യതാമ് ||8||

ഇത്ഥം നിശമ്യ ദേവാനാം വചാംസി മധുസൂധനഃ
ചകാര കോപം ശമ്ഭുശ്ച ഭ്രുകുടീകുടിലാനനൗ ||9||

തതോ‌உതികോപപൂര്ണസ്യ ചക്രിണോ വദനാത്തതഃ|
നിശ്ചക്രാമ മഹത്തേജോ ബ്രഹ്മണഃ ശങ്കരസ്യ ച ||10||

അന്യേഷാം ചൈവ ദേവാനാം ശക്രാദീനാം ശരീരതഃ|
നിര്ഗതം സുമഹത്തേജഃ സ്തച്ചൈക്യം സമഗച്ഛത ||11||

അതീവ തേജസഃ കൂടം ജ്വലന്തമിവ പര്വതമ്|
ദദൃശുസ്തേ സുരാസ്തത്ര ജ്വാലാവ്യാപ്തദിഗന്തരമ് ||12||

അതുലം തത്ര തത്തേജഃ സര്വദേവ ശരീരജമ്|
ഏകസ്ഥം തദഭൂന്നാരീ വ്യാപ്തലോകത്രയം ത്വിഷാ ||13||

യദഭൂച്ഛാമ്ഭവം തേജഃ സ്തേനാജായത തന്മുഖമ്|
യാമ്യേന ചാഭവന് കേശാ ബാഹവോ വിഷ്ണുതേജസാ ||14||

സൗമ്യേന സ്തനയോര്യുഗ്മം മധ്യം ചൈംദ്രേണ ചാഭവത്|
വാരുണേന ച ജംഘോരൂ നിതമ്ബസ്തേജസാ ഭുവഃ ||15||

ബ്രഹ്മണസ്തേജസാ പാദൗ തദങ്ഗുള്യോ‌உര്ക തേജസാ|
വസൂനാം ച കരാങ്ഗുള്യഃ കൗബേരേണ ച നാസികാ ||16||

തസ്യാസ്തു ദന്താഃ സമ്ഭൂതാ പ്രാജാപത്യേന തേജസാ
നയനത്രിതയം ജജ്ഞേ തഥാ പാവകതേജസാ ||17||

ഭ്രുവൗ ച സന്ധ്യയോസ്തേജഃ ശ്രവണാവനിലസ്യ ച
അന്യേഷാം ചൈവ ദേവാനാം സമ്ഭവസ്തേജസാം ശിവ ||18||

തതഃ സമസ്ത ദേവാനാം തേജോരാശിസമുദ്ഭവാമ്|
താം വിലോക്യ മുദം പ്രാപുഃ അമരാ മഹിഷാര്ദിതാഃ ||19||

ശൂലം ശൂലാദ്വിനിഷ്കൃഷ്യ ദദൗ തസ്യൈ പിനാകധൃക്|
ചക്രം ച ദത്തവാന് കൃഷ്ണഃ സമുത്പാട്യ സ്വചക്രതഃ ||20||

ശങ്ഖം ച വരുണഃ ശക്തിം ദദൗ തസ്യൈ ഹുതാശനഃ
മാരുതോ ദത്തവാംശ്ചാപം ബാണപൂര്ണേ തഥേഷുധീ ||21||

വജ്രമിന്ദ്രഃ സമുത്പാട്യ കുലിശാദമരാധിപഃ|
ദദൗ തസ്യൈ സഹസ്രാക്ഷോ ഘണ്ടാമൈരാവതാദ്ഗജാത് ||22||

കാലദണ്ഡാദ്യമോ ദണ്ഡം പാശം ചാമ്ബുപതിര്ദദൗ|
പ്രജാപതിശ്ചാക്ഷമാലാം ദദൗ ബ്രഹ്മാ കമണ്ഡലം ||23||

സമസ്തരോമകൂപേഷു നിജ രശ്മീന് ദിവാകരഃ
കാലശ്ച ദത്തവാന് ഖഡ്ഗം തസ്യാഃ ശ്ചര്മ ച നിര്മലമ് ||24||

ക്ഷീരോദശ്ചാമലം ഹാരമ് അജരേ ച തഥാമ്ബരേ
ചൂഡാമണിം തഥാദിവ്യം കുണ്ഡലേ കടകാനിച ||25||

അര്ധചന്ദ്രം തധാ ശുഭ്രം കേയൂരാന് സര്വ ബാഹുഷു
നൂപുരൗ വിമലൗ തദ്വ ദ്ഗ്രൈവേയകമനുത്തമമ് ||26||

അങ്ഗുളീയകരത്നാനി സമസ്താസ്വങ്ഗുളീഷു ച
വിശ്വ കര്മാ ദദൗ തസ്യൈ പരശും ചാതി നിര്മലം ||27||

അസ്ത്രാണ്യനേകരൂപാണി തഥാ‌உഭേദ്യം ച ദംശനമ്|
അമ്ലാന പങ്കജാം മാലാം ശിരസ്യു രസി ചാപരാമ്||28||

അദദജ്ജലധിസ്തസ്യൈ പങ്കജം ചാതിശോഭനമ്|
ഹിമവാന് വാഹനം സിംഹം രത്നാനി വിവിധാനിച ||29||

ദദാവശൂന്യം സുരയാ പാനപാത്രം ദനാധിപഃ|
ശേഷശ്ച സര്വ നാഗേശോ മഹാമണി വിഭൂഷിതമ് ||30||

നാഗഹാരം ദദൗ തസ്യൈ ധത്തേ യഃ പൃഥിവീമിമാമ്|
അന്യൈരപി സുരൈര്ദേവീ ഭൂഷണൈഃ ആയുധൈസ്തഥാഃ ||31||

സമ്മാനിതാ നനാദോച്ചൈഃ സാട്ടഹാസം മുഹുര്മുഹു|
തസ്യാനാദേന ഘോരേണ കൃത്സ്ന മാപൂരിതം നഭഃ ||32||

അമായതാതിമഹതാ പ്രതിശബ്ദോ മഹാനഭൂത്|
ചുക്ഷുഭുഃ സകലാലോകാഃ സമുദ്രാശ്ച ചകമ്പിരേ ||33||

ചചാല വസുധാ ചേലുഃ സകലാശ്ച മഹീധരാഃ|
ജയേതി ദേവാശ്ച മുദാ താമൂചുഃ സിംഹവാഹിനീമ് ||34||

തുഷ്ടുവുര്മുനയശ്ചൈനാം ഭക്തിനമ്രാത്മമൂര്തയഃ|
ദൃഷ്ട്വാ സമസ്തം സംക്ഷുബ്ധം ത്രൈലോക്യമ് അമരാരയഃ ||35||

സന്നദ്ധാഖിലസൈന്യാസ്തേ സമുത്തസ്ഥുരുദായുദാഃ|
ആഃ കിമേതദിതി ക്രോധാദാഭാഷ്യ മഹിഷാസുരഃ ||36||

അഭ്യധാവത തം ശബ്ദമ് അശേഷൈരസുരൈര്വൃതഃ|
സ ദദര്ഷ തതോ ദേവീം വ്യാപ്തലോകത്രയാം ത്വിഷാ ||37||

പാദാക്രാന്ത്യാ നതഭുവം കിരീടോല്ലിഖിതാമ്ബരാമ്|
ക്ഷോഭിതാശേഷപാതാളാം ധനുര്ജ്യാനിഃസ്വനേന താമ് ||38||

ദിശോ ഭുജസഹസ്രേണ സമന്താദ്വ്യാപ്യ സംസ്ഥിതാമ്|
തതഃ പ്രവവൃതേ യുദ്ധം തയാ ദേവ്യാ സുരദ്വിഷാം ||39||

ശസ്ത്രാസ്ത്രൈര്ഭഹുധാ മുക്തൈരാദീപിതദിഗന്തരമ്|
മഹിഷാസുരസേനാനീശ്ചിക്ഷുരാഖ്യോ മഹാസുരഃ ||40||

യുയുധേ ചമരശ്ചാന്യൈശ്ചതുരങ്ഗബലാന്വിതഃ|
രഥാനാമയുതൈഃ ഷഡ്ഭിഃ രുദഗ്രാഖ്യോ മഹാസുരഃ ||41||

അയുധ്യതായുതാനാം ച സഹസ്രേണ മഹാഹനുഃ|
പഞ്ചാശദ്ഭിശ്ച നിയുതൈരസിലോമാ മഹാസുരഃ ||42||

അയുതാനാം ശതൈഃ ഷഡ്ഭിഃര്ഭാഷ്കലോ യുയുധേ രണേ|
ഗജവാജി സഹസ്രൗഘൈ രനേകൈഃ പരിവാരിതഃ ||43||

വൃതോ രഥാനാം കോട്യാ ച യുദ്ധേ തസ്മിന്നയുധ്യത|
ബിഡാലാഖ്യോ‌உയുതാനാം ച പഞ്ചാശദ്ഭിരഥായുതൈഃ ||44||

യുയുധേ സംയുഗേ തത്ര രഥാനാം പരിവാരിതഃ|
അന്യേ ച തത്രായുതശോ രഥനാഗഹയൈര്വൃതാഃ ||45||

യുയുധുഃ സംയുഗേ ദേവ്യാ സഹ തത്ര മഹാസുരാഃ|
കോടികോടിസഹസ്ത്രൈസ്തു രഥാനാം ദന്തിനാം തഥാ ||46||

ഹയാനാം ച വൃതോ യുദ്ധേ തത്രാഭൂന്മഹിഷാസുരഃ|
തോമരൈര്ഭിന്ധിപാലൈശ്ച ശക്തിഭിര്മുസലൈസ്തഥാ ||47||

യുയുധുഃ സംയുഗേ ദേവ്യാ ഖഡ്ഗൈഃ പരസുപട്ടിസൈഃ|
കേചിച്ഛ ചിക്ഷിപുഃ ശക്തീഃ കേചിത് പാശാംസ്തഥാപരേ ||48||

ദേവീം ഖഡ്ഗപ്രഹാരൈസ്തു തേ താം ഹന്തും പ്രചക്രമുഃ|
സാപി ദേവീ തതസ്താനി ശസ്ത്രാണ്യസ്ത്രാണി ചണ്ഡികാ ||49||

ലീല യൈവ പ്രചിച്ഛേദ നിജശസ്ത്രാസ്ത്രവര്ഷിണീ|
അനായസ്താനനാ ദേവീ സ്തൂയമാനാ സുരര്ഷിഭിഃ ||50||

മുമോചാസുരദേഹേഷു ശസ്ത്രാണ്യസ്ത്രാണി ചേശ്വരീ|
സോ‌உപി ക്രുദ്ധോ ധുതസടോ ദേവ്യാ വാഹനകേസരീ ||51||

ചചാരാസുര സൈന്യേഷു വനേഷ്വിവ ഹുതാശനഃ|
നിഃശ്വാസാന് മുമുചേയാംശ്ച യുധ്യമാനാരണേ‌உമ്ബികാ||52||

ത ഏവ സധ്യസമ്ഭൂതാ ഗണാഃ ശതസഹസ്രശഃ|
യുയുധുസ്തേ പരശുഭിര്ഭിന്ദിപാലാസിപട്ടിശൈഃ ||53||

നാശയന്തോ‌உഅസുരഗണാന് ദേവീശക്ത്യുപബൃംഹിതാഃ|
അവാദയന്താ പടഹാന് ഗണാഃ ശങാം സ്തഥാപരേ ||54||

മൃദങ്ഗാംശ്ച തഥൈവാന്യേ തസ്മിന്യുദ്ധ മഹോത്സവേ|
തതോദേവീ ത്രിശൂലേന ഗദയാ ശക്തിവൃഷ്ടിഭിഃ||55||

ഖഡ്ഗാദിഭിശ്ച ശതശോ നിജഘാന മഹാസുരാന്|
പാതയാമാസ ചൈവാന്യാന് ഘണ്ടാസ്വനവിമോഹിതാന് ||56||

അസുരാന് ഭുവിപാശേന ബധ്വാചാന്യാനകര്ഷയത്|
കേചിദ് ദ്വിധാകൃതാ സ്തീക്ഷ്ണൈഃ ഖഡ്ഗപാതൈസ്തഥാപരേ ||57||

വിപോഥിതാ നിപാതേന ഗദയാ ഭുവി ശേരതേ|
വേമുശ്ച കേചിദ്രുധിരം മുസലേന ഭൃശം ഹതാഃ ||58||

കേചിന്നിപതിതാ ഭൂമൗ ഭിന്നാഃ ശൂലേന വക്ഷസി|
നിരന്തരാഃ ശരൗഘേന കൃതാഃ കേചിദ്രണാജിരേ ||59||

ശല്യാനുകാരിണഃ പ്രാണാന് മമുചുസ്ത്രിദശാര്ദനാഃ|
കേഷാഞ്ചിദ്ബാഹവശ്ചിന്നാശ്ചിന്നഗ്രീവാസ്തഥാപരേ ||60||

ശിരാംസി പേതുരന്യേഷാമ് അന്യേ മധ്യേ വിദാരിതാഃ|
വിച്ഛിന്നജജ്ഘാസ്വപരേ പേതുരുര്വ്യാം മഹാസുരാഃ ||61||

ഏകബാഹ്വക്ഷിചരണാഃ കേചിദ്ദേവ്യാ ദ്വിധാകൃതാഃ|
ഛിന്നേപി ചാന്യേ ശിരസി പതിതാഃ പുനരുത്ഥിതാഃ ||62||

കബന്ധാ യുയുധുര്ദേവ്യാ ഗൃഹീതപരമായുധാഃ|
നനൃതുശ്ചാപരേ തത്ര യുദ്ദേ തൂര്യലയാശ്രിതാഃ ||63||

കബന്ധാശ്ചിന്നശിരസഃ ഖഡ്ഗശക്യ്തൃഷ്ടിപാണയഃ|
തിഷ്ഠ തിഷ്ഠേതി ഭാഷന്തോ ദേവീ മന്യേ മഹാസുരാഃ ||64||

പാതിതൈ രഥനാഗാശ്വൈഃ ആസുരൈശ്ച വസുന്ധരാ|
അഗമ്യാ സാഭവത്തത്ര യത്രാഭൂത് സ മഹാരണഃ ||65||

ശോണിതൗഘാ മഹാനദ്യസ്സദ്യസ്തത്ര വിസുസ്രുവുഃ|
മധ്യേ ചാസുരസൈന്യസ്യ വാരണാസുരവാജിനാമ് ||66||

ക്ഷണേന തന്മഹാസൈന്യമസുരാണാം തഥാ‌உമ്ബികാ|
നിന്യേ ക്ഷയം യഥാ വഹ്നിസ്തൃണദാരു മഹാചയമ് ||67||

സച സിംഹോ മഹാനാദമുത്സൃജന് ധുതകേസരഃ|
ശരീരേഭ്യോ‌உമരാരീണാമസൂനിവ വിചിന്വതി ||68||

ദേവ്യാ ഗണൈശ്ച തൈസ്തത്ര കൃതം യുദ്ധം തഥാസുരൈഃ|
യഥൈഷാം തുഷ്ടുവുര്ദേവാഃ പുഷ്പവൃഷ്ടിമുചോ ദിവി ||69||

ജയ ജയ ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ മഹിഷാസുരസൈന്യവധോ നാമ ദ്വിതീയോ‌உധ്യായഃ||

ആഹുതി
ഓം ഹ്രീം സാംഗായൈ സായുധായൈ സശക്തികായൈ സപരിവാരായൈ സവാഹനായൈ അഷ്ടാവിംശതി വര്ണാത്മികായൈ ലക്ശ്മീ ബീജാദിഷ്ടായൈ മഹാഹുതിം സമര്പയാമി നമഃ സ്വാഹാ |

Lord Devi Mahatmyam Navaavarna Vidhi in Malayalam

Devi Mahatmyam Navaavarna Vidhi – Malayalam Lyrics (Text)

Devi Mahatmyam Navaavarna Vidhi – Malayalam Script

രചന: ഋഷി മാര്കംഡേയ

ശ്രീഗണപതിര്ജയതി | ഓം അസ്യ ശ്രീനവാവര്ണമന്ത്രസ്യ ബ്രഹ്മവിഷ്ണുരുദ്രാ ഋഷയഃ,
ഗായത്ര്യുഷ്ണിഗനുഷ്ടുഭശ്ഛംദാംസി ശ്രീമഹാകാലീമാഹാലക്ഷ്മീമഹാസരസ്വത്യോ ദേവതാഃ,
ഐം ബീജം, ഹ്രീം ശക്തി:, ക്ലീം കീലകം, ശ്രീമഹാകാലീമാഹാലക്ഷ്മീമഹാസരസ്വതീപ്രീത്യര്ഥേ ജപേ
വിനിയോഗഃ||

ഋഷ്യാദിന്യാസഃ
ബ്രഹ്മവിഷ്ണുരുദ്രാ ഋഷിഭ്യോ നമഃ, മുഖേ |
മഹാകാലീമാഹാലക്ഷ്മീമഹാസരസ്വതീദേവതാഭ്യോ നമഃ,ഹൃദി | ഐം ബീജായ നമഃ, ഗുഹ്യേ |
ഹ്രീം ശക്തയേ നമഃ, പാദയോഃ | ക്ലീം കീലകായ നമഃ, നാഭൗ | ഓം ഐം ഹ്രീം ക്ലീം ചാമുംഡായൈ
വിച്ചേ — ഇതി മൂലേന കരൗ സംശോധ്യ

കരന്യാസഃ
ഓം ഐമ് അംഗുഷ്ഠാഭ്യാം നമഃ | ഓം ഹ്രീം തര്ജനീഭ്യാം നമഃ | ഓം ക്ലീം മധ്യമാഭ്യാം
നമഃ | ഓം ചാമുംഡായൈ അനാമികാഭ്യാം നമഃ | ഓം വിച്ചേ കനിഷ്ഠികാഭ്യാം നമഃ | ഓം ഐം
ഹ്രീം ക്ലീം ചാമുംഡായൈ വിച്ചേ കരതലകരപൃഷ്ഠാഭ്യാം നമഃ |

ഹൃദയാദിന്യാസഃ
ഓം ഐം ഹൃദയായ നമഃ | ഓം ഹ്രീം ശിരസേ സ്വാഹ | ഓം ക്ലീം ശിഖായൈ വഷട് | ഓം ചാമുംഡായൈ
കവചായ ഹുമ് | ഓം വിച്ചേ നേത്രത്രയായ വൗഷട് | ഓം ഐം ഹ്രീം ക്ലീം ചാമുംഡായൈ വിച്ചേ
അസ്ത്രായ ഫട് |

അക്ഷരന്യാസഃ
ഓം ഐം നമഃ, ശിഖായാമ് | ഓം ഹ്രീം നമഃ, ദക്ഷിണനേത്രേ | ഓം ക്ലീം നമഃ, വാമനേത്രേ | ഓം
ചാം നമഃ, ദക്ഷിണകര്ണേ | ഓം മും നമഃ, വാമകര്ണേ | ഓം ഡാം നമഃ,
ദക്ഷിണനാസാപുടേ | ഓം യൈം നമഃ, വാമനാസാപുടേ | ഓം വിം നമഃ, മുഖേ | ഓം ച്ചേം
നമഃ, ഗുഹ്യേ |
ഏവം വിന്യസ്യാഷ്ടവാരം മൂലേന വ്യാപകം കുര്യാത് |

ദിങ്ന്യാസഃ
ഓം ഐം പ്രാച്യൈ നമഃ | ഓം ഐമ് ആഗ്നേയ്യൈ നമഃ | ഓം ഹ്രീം ദക്ഷിണായൈ നമഃ | ഓം ഹ്രീം
നൈ‌ഋത്യൈ നമഃ | ഓം ക്ലീം പതീച്യൈ നമഃ | ഓം ക്ലീം വായുവ്യൈ നമഃ | ഓം ചാമുംഡായൈ
ഉദീച്യൈ നമഃ | ഓം ചാമുംഡായൈ ഐശാന്യൈ നമഃ | ഓം ഐം ഹ്രീം ക്ലീം ചാമുംഡായൈ വിച്ചേ
ഊര്ധ്വായൈ നമഃ | ഓം ഐം ഹ്രീം ക്ലീം ചാമുംഡായൈ വിച്ചേ ഭൂമ്യൈ നമഃ |

ധ്യാനമ്
ഓം ഖഡ്ഗം ചക്രഗദേഷുചാപപരിഘാഞ്ഛൂലം ഭുശുണ്ഡീം ശിരഃ
ശങ്ഖം സന്ദധതീം കരൈസ്ത്രിനയനാം സര്വാങ്ഗഭൂഷാവൃതാമ് |
നീലാശ്മദ്യുതിമാസ്യപാദദശകാം സേവേ മഹാകാലികാം
യാമസ്തൗത്സ്വപിതേ ഹരൗ കമലജോ ഹന്തും മധും കൗടഭമ് ||

ഓം അക്ഷസ്രക്പരശൂ ഗദേഷുകുലിശം പദ്മം ധനുഃ കുണ്ഡികാം
ദണ്ഡം ശക്തിമസിം ച ചര്മ ജലജം ഘണ്ടാം സുരാഭാജനമ് |
ശൂലം പാശസുദര്ശനേ ച ദധതീം ഹസ്തൈഃ പ്രവാലപ്രഭാം
സേവേ സൈരിഭമര്ദിനീമിഹ മഹാലക്ഷ്മീം സരോജസ്ഥിതാമ് ||

ഓം ഘംടാശൂലഹലാനി ശംഖമുസലേ ചക്രം ധനുഃ സായകമ് |
ഹസ്താബ്ജൈര്ധധതീം ഘനാംതവിലസച്ഛീതാംശുതുല്യപ്രഭാമ് |
ഗൗരീദേഹസമുദ്ഭവാം ത്രിജഗതാധാരഭൂതാം മഹാ |
പൂര്വാമത്ര സരസ്വതീമനുഭജേ ശുംഭാദിദൈത്യാര്ധിനീമ് ||

ഓം മാം മാലേം മഹാമായേ സര്വശക്തിസ്വരൂപിണി |
ചതുര്വര്ഗസ്ത്വയി ന്യസ്തസ്തസ്മാന്മേ സിദ്ധിദാ ഭവ ||

ഓം അവിഘ്നം കുരു മാലേ ത്വം ഗൃഹ്ണാമി ദക്ഷിണേ കരേ |
ജപകാലേ ച സിദ്ധ്യര്ഥം പ്രസീദ മമസിദ്ധയേ ||

ഐം ഹ്രീമ് അക്ഷമാലികായൈ നമഃ || 108 ||

ഓം മാം മാലേം മഹാമായേ സര്വശക്തിസ്വരൂപിണി |
ചതുര്വര്ഗസ്ത്വയി ന്യസ്തസ്തസ്മാന്മേ സിദ്ധിദാ ഭവ ||

ഓം അവിഘ്നം കുരു മാലേ ത്വം ഗൃഹ്ണാമി ദക്ഷിണേ കരേ |
ജപകാലേ ച സിദ്ധ്യര്ഥം പ്രസീദ മമസിദ്ധയേ ||

ഓം അക്ഷമാലാധിപതയേ സുസിദ്ധിം ദേഹി ദേഹി സര്വമന്ത്രാര്ഥസാധിനി
സാധയ സാധയ സര്വസിദ്ധിം പരികല്പയ പരികല്പയ മേ സ്വാഹാ |

ഓം ഐം ഹ്രീം ക്ലീം ചാമുംഡായൈ വിച്ചേ || 108 ||

ഗുഹ്യാതിഗുഹ്യഗോപ്ത്രീ ത്വം ഗൃഹാണാസ്മത്കൃതം ജപമ് |
സിദ്ധിര്ഭവതു മേ ദേവി ത്വത്പ്രസാദാന്മഹേശ്വരി ||

ഓം അക്ഷമാലാധിപതയേ സുസിദ്ധിം ദേഹി ദേഹി സര്വമന്ത്രാര്ഥസാധിനി
സാധയ സാധയ സര്വസിദ്ധിം പരികല്പയ പരികല്പയ മേ സ്വാഹാ |
ഗുഹ്യാതിഗുഹ്യഗോപ്ത്രീ ത്വം ഗൃഹാണാസ്മത്കൃതം ജപമ് |
സിദ്ധിര്ഭവതു മേ ദേവി ത്വത്പ്രസാദാന്മഹേശ്വരി ||

കരന്യാസഃ
ഓം ഹ്രീമ് അംഗുഷ്ഠാഭ്യാം നമഃ | ഓം ചം തര്ജനീഭ്യാം നമഃ | ഓം ഡിം മധ്യമാഭ്യാം
നമഃ | ഓം കാമ് അനാമികാഭ്യാം നമഃ | ഓം യൈം കനിഷ്ഠികാഭ്യാം നമഃ | ഓം ഹ്രീം
ചംഡികായൈ കരതലകരപൃഷ്ഠാഭ്യാം നമഃ |

ഹൃദയാദിന്യാസഃ
ഖഡ്ഗിനീ ശൂലിനീ ഘോരാ ഗദിനീ ചക്രിണീ തഥാ |
ശങ്ഖിനീ ചാപിനീ ബാണഭുശുണ്ഡീ പൈഘായുധാ | ഹൃദയായ നമഃ ||

ഓം ശൂലേന പാഹി നോ ദേവി പാഹി ഖഡ്ഗേന ചാംബികേ |
ഘംടാസ്വനേന നഃ പാഹി ചാപജ്യാനിഃസ്വനേന ച | ശിരസേ സ്വാഹാ ||

ഓം പ്രാച്യാം രക്ഷ പ്രതീംച്യാം ച രക്ഷ ചംഡികേ രക്ഷ ദക്ഷിണേ |
ഭ്രാമണേനാത്മശൂലസ്യ ഉത്തരസ്യാം തഥേശ്വരി | ശിഖായൈ വഷട് ||

ഓം സൗമ്യാനി യാനി രൂപാണി ത്രൈലോക്യേ വിചരന്തി തേ |
യാനി ചാത്യര്ഥഘോരാണി തൈ രക്ഷാസ്മാംസ്തഥാ ഭുവമ് | കവചായ ഹുമ് ||

ഓം ഖഡ്ഗശൂലഗദാദീനി യാനിചാസ്ത്രാണി തേ‌உമ്ബികേ |
കരപല്ലവ സങ്ഗീനി തൈരസ്മാന് രക്ഷ സര്വതഃ | നേത്രത്രയായ വൗഷട് ||

ഓം സര്വസ്വരൂപേ സര്വേശേ സര്വശക്തിസമന്വിതേ |
ഭയേഭ്യസ്ത്രാഹി നോ ദേവി ദുര്ഗേ നമോ‌உസ്തുതേ | അസ്ത്രായ ഫട് ||

ധ്യാനമ്
ഓം വിദ്യുദ്ദാമപ്രഭാം മൃഗപതിസ്കംധസ്ഥിതാം ഭീഷണാമ് |
കന്യാഭിഃ കരവാലഖേടവിലസദ്ധസ്താഭിരാസേവിതാമ് |
ഹസ്തൈശ്ചക്രഗദാസിഖേടവിശിഖാംശ്ചാപം ഗുണം തര്ജനീമ് |
ബിഭ്രാണാമനലാത്മികാം ശശിധരാം ദുര്ഗാം ത്രിനേത്രാം ഭജേ ||

Lord Devi Mahatmyam Durga Saptasati Chapter 1 in Malayalam

Devi Mahatmyam Durga Saptasati Chapter 1 – Malayalam Lyrics (Text)

Devi Mahatmyam Durga Saptasati Chapter 1 – Malayalam Script

രചന: ഋഷി മാര്കംഡേയ

|| ദേവീ മാഹാത്മ്യമ് ||
|| ശ്രീദുര്ഗായൈ നമഃ ||
|| അഥ ശ്രീദുര്ഗാസപ്തശതീ ||
|| മധുകൈടഭവധോ നാമ പ്രഥമോ‌உധ്യായഃ ||

അസ്യ ശ്രീ പ്രധമ ചരിത്രസ്യ ബ്രഹ്മാ ഋഷിഃ | മഹാകാളീ ദേവതാ | ഗായത്രീ ഛന്ദഃ | നന്ദാ ശക്തിഃ | രക്ത ദന്തികാ ബീജമ് | അഗ്നിസ്തത്വമ് | ഋഗ്വേദഃ സ്വരൂപമ് | ശ്രീ മഹാകാളീ പ്രീത്യര്ധേ പ്രധമ ചരിത്ര ജപേ വിനിയോഗഃ |

ധ്യാനം
ഖഡ്ഗം ചക്ര ഗദേഷുചാപ പരിഘാ ശൂലം ഭുശുണ്ഡീം ശിരഃ
ശംങ്ഖം സന്ദധതീം കരൈസ്ത്രിനയനാം സര്വാംങ്ഗഭൂഷാവൃതാമ് |
യാം ഹന്തും മധുകൈഭൗ ജലജഭൂസ്തുഷ്ടാവ സുപ്തേ ഹരൗ
നീലാശ്മദ്യുതി മാസ്യപാദദശകാം സേവേ മഹാകാളികാം||

ഓം നമശ്ചണ്ഡികായൈ
ഓം ഐം മാര്കണ്ഡേയ ഉവാച ||1||

സാവര്ണിഃ സൂര്യതനയോ യോമനുഃ കഥ്യതേ‌உഷ്ടമഃ|
നിശാമയ തദുത്പത്തിം വിസ്തരാദ്ഗദതോ മമ ||2||

മഹാമായാനുഭാവേന യഥാ മന്വന്തരാധിപഃ
സ ബഭൂവ മഹാഭാഗഃ സാവര്ണിസ്തനയോ രവേഃ ||3||

സ്വാരോചിഷേ‌உന്തരേ പൂര്വം ചൈത്രവംശസമുദ്ഭവഃ|
സുരഥോ നാമ രാജാ‌உഭൂത് സമസ്തേ ക്ഷിതിമണ്ഡലേ ||4||

തസ്യ പാലയതഃ സമ്യക് പ്രജാഃ പുത്രാനിവൗരസാന്|
ബഭൂവുഃ ശത്രവോ ഭൂപാഃ കോലാവിധ്വംസിനസ്തദാ ||5||

തസ്യ തൈരഭവദ്യുദ്ധമ് അതിപ്രബലദണ്ഡിനഃ|
ന്യൂനൈരപി സ തൈര്യുദ്ധേ കോലാവിധ്വംസിഭിര്ജിതഃ ||6||

തതഃ സ്വപുരമായാതോ നിജദേശാധിപോ‌உഭവത്|
ആക്രാന്തഃ സ മഹാഭാഗസ്തൈസ്തദാ പ്രബലാരിഭിഃ ||7||

അമാത്യൈര്ബലിഭിര്ദുഷ്ടൈ ര്ദുര്ബലസ്യ ദുരാത്മഭിഃ|
കോശോ ബലം ചാപഹൃതം തത്രാപി സ്വപുരേ തതഃ ||8||

തതോ മൃഗയാവ്യാജേന ഹൃതസ്വാമ്യഃ സ ഭൂപതിഃ|
ഏകാകീ ഹയമാരുഹ്യ ജഗാമ ഗഹനം വനമ് ||9||

സതത്രാശ്രമമദ്രാക്ഷീ ദ്ദ്വിജവര്യസ്യ മേധസഃ|
പ്രശാന്തശ്വാപദാകീര്ണ മുനിശിഷ്യോപശോഭിതമ് ||10||

തസ്ഥൗ കഞ്ചിത്സ കാലം ച മുനിനാ തേന സത്കൃതഃ|
ഇതശ്ചേതശ്ച വിചരംസ്തസ്മിന് മുനിവരാശ്രമേ ||11||

സോ‌உചിന്തയത്തദാ തത്ര മമത്വാകൃഷ്ടചേതനഃ| ||12||

മത്പൂര്വൈഃ പാലിതം പൂര്വം മയാഹീനം പുരം ഹി തത്
മദ്ഭൃത്യൈസ്തൈരസദ്വൃത്തൈഃ ര്ധര്മതഃ പാല്യതേ ന വാ ||13||

ന ജാനേ സ പ്രധാനോ മേ ശൂര ഹസ്തീസദാമദഃ
മമ വൈരിവശം യാതഃ കാന്ഭോഗാനുപലപ്സ്യതേ ||14||

യേ മമാനുഗതാ നിത്യം പ്രസാദധനഭോജനൈഃ
അനുവൃത്തിം ധ്രുവം തേ‌உദ്യ കുര്വന്ത്യന്യമഹീഭൃതാം ||15||

അസമ്യഗ്വ്യയശീലൈസ്തൈഃ കുര്വദ്ഭിഃ സതതം വ്യയം
സംചിതഃ സോ‌உതിദുഃഖേന ക്ഷയം കോശോ ഗമിഷ്യതി ||16||

ഏതച്ചാന്യച്ച സതതം ചിന്തയാമാസ പാര്ഥിവഃ
തത്ര വിപ്രാശ്രമാഭ്യാശേ വൈശ്യമേകം ദദര്ശ സഃ ||17||

സ പൃഷ്ടസ്തേന കസ്ത്വം ഭോ ഹേതുശ്ച ആഗമനേ‌உത്ര കഃ
സശോക ഇവ കസ്മാത്വം ദുര്മനാ ഇവ ലക്ഷ്യസേ| ||18||

ഇത്യാകര്ണ്യ വചസ്തസ്യ ഭൂപതേഃ പ്രണായോദിതമ്
പ്രത്യുവാച സ തം വൈശ്യഃ പ്രശ്രയാവനതോ നൃപമ് ||19||

വൈശ്യ ഉവാച ||20||

സമാധിര്നാമ വൈശ്യോ‌உഹമുത്പന്നോ ധനിനാം കുലേ
പുത്രദാരൈര്നിരസ്തശ്ച ധനലോഭാദ് അസാധുഭിഃ ||21||

വിഹീനശ്ച ധനൈദാരൈഃ പുത്രൈരാദായ മേ ധനമ്|
വനമഭ്യാഗതോ ദുഃഖീ നിരസ്തശ്ചാപ്തബന്ധുഭിഃ ||22||

സോ‌உഹം ന വേദ്മി പുത്രാണാം കുശലാകുശലാത്മികാമ്|
പ്രവൃത്തിം സ്വജനാനാം ച ദാരാണാം ചാത്ര സംസ്ഥിതഃ ||23||

കിം നു തേഷാം ഗൃഹേ ക്ഷേമമ് അക്ഷേമം കിംനു സാമ്പ്രതം
കഥം തേകിംനുസദ്വൃത്താ ദുര്വൃത്താ കിംനുമേസുതാഃ ||24||

രാജോവാച ||25||

യൈര്നിരസ്തോ ഭവാംല്ലുബ്ധൈഃ പുത്രദാരാദിഭിര്ധനൈഃ ||26||

തേഷു കിം ഭവതഃ സ്നേഹ മനുബധ്നാതി മാനസമ് ||27||

വൈശ്യ ഉവാച ||28||

ഏവമേതദ്യഥാ പ്രാഹ ഭവാനസ്മദ്ഗതം വചഃ
കിം കരോമി ന ബധ്നാതി മമ നിഷ്ടുരതാം മനഃ ||29||

ഐഃ സംത്യജ്യ പിതൃസ്നേഹം ധന ലുബ്ധൈര്നിരാകൃതഃ
പതിഃസ്വജനഹാര്ദം ച ഹാര്ദിതേഷ്വേവ മേ മനഃ| ||30||

കിമേതന്നാഭിജാനാമി ജാനന്നപി മഹാമതേ
യത്പ്രേമ പ്രവണം ചിത്തം വിഗുണേഷ്വപി ബന്ധുഷു ||31||

തേഷാം കൃതേ മേ നിഃശ്വാസോ ദൗര്മനസ്യം ചജായതേ ||32||

അരോമി കിം യന്ന മനസ്തേഷ്വപ്രീതിഷു നിഷ്ഠുരമ് ||33||

മാകണ്ഡേയ ഉവാച ||34||

തതസ്തൗ സഹിതൗ വിപ്ര തംമുനിം സമുപസ്ഥിതൗ ||35||

സമാധിര്നാമ വൈശ്യോ‌உസൗ സ ച പാര്ധിവ സത്തമഃ ||36||

കൃത്വാ തു തൗ യഥാന്യായ്യം യഥാര്ഹം തേന സംവിദമ്|
ഉപവിഷ്ടൗ കഥാഃ കാശ്ചിത്‌ച്ചക്രതുര്വൈശ്യപാര്ധിവൗ ||37||

രാജോ‌ഉവാച ||38||

ഭഗവ്ംസ്ത്വാമഹം പ്രഷ്ടുമിച്ഛാമ്യേകം വദസ്വതത് ||39||

ദുഃഖായ യന്മേ മനസഃ സ്വചിത്തായത്തതാം വിനാ ||40||

മആനതോ‌உപി യഥാജ്ഞസ്യ കിമേതന്മുനിസത്തമഃ ||41||

അയം ച ഇകൃതഃ പുത്രൈഃ ദാരൈര്ഭൃത്യൈസ്തഥോജ്ഘിതഃ
സ്വജനേന ച സന്ത്യക്തഃ സ്തേഷു ഹാര്ദീ തഥാപ്യതി ||42||

ഏവ മേഷ തഥാഹം ച ദ്വാവപ്ത്യന്തദുഃഖിതൗ|
ദൃഷ്ടദോഷേ‌உപി വിഷയേ മമത്വാകൃഷ്ടമാനസൗ ||43||

തത്കേനൈതന്മഹാഭാഗ യന്മോഹൊ ജ്ഞാനിനോരപി
മമാസ്യ ച ഭവത്യേഷാ വിവേകാന്ധസ്യ മൂഢതാ ||44||

ഋഷിരുവാച ||45||

ജ്ഞാന മസ്തി സമസ്തസ്യ ജന്തോര്വ്ഷയ ഗോചരേ|
വിഷയശ്ച മഹാഭാഗ യാന്തി ചൈവം പൃഥക്പൃഥക് ||46||

കേചിദ്ദിവാ തഥാ രാത്രൗ പ്രാണിനഃ സ്തുല്യദൃഷ്ടയഃ ||47||

ജ്ഞാനിനോ മനുജാഃ സത്യം കിം തു തേ ന ഹി കേവലമ്|
യതോ ഹി ജ്ഞാനിനഃ സര്വേ പശുപക്ഷിമൃഗാദയഃ ||48||

ജ്ഞാനം ച തന്മനുഷ്യാണാം യത്തേഷാം മൃഗപക്ഷിണാം
മനുഷ്യാണാം ച യത്തേഷാം തുല്യമന്യത്തഥോഭയോഃ ||49||

ജ്ഞാനേ‌உപി സതി പശ്യൈതാന് പതഗാഞ്ഛാബചഞ്ചുഷു|
കണമോക്ഷാദൃതാന് മോഹാത്പീഡ്യമാനാനപി ക്ഷുധാ ||50||

മാനുഷാ മനുജവ്യാഘ്ര സാഭിലാഷാഃ സുതാന് പ്രതി
ലോഭാത് പ്രത്യുപകാരായ നന്വേതാന് കിം ന പശ്യസി ||51||

തഥാപി മമതാവര്തേ മോഹഗര്തേ നിപാതിതാഃ
മഹാമായാ പ്രഭാവേണ സംസാരസ്ഥിതികാരിണാ ||52||

തന്നാത്ര വിസ്മയഃ കാര്യോ യോഗനിദ്രാ ജഗത്പതേഃ|
മഹാമായാ ഹരേശ്ചൈഷാ തയാ സമ്മോഹ്യതേ ജഗത് ||53||

ജ്ങാനിനാമപി ചേതാംസി ദേവീ ഭഗവതീ ഹി സാ
ബലാദാക്ഷ്യമോഹായ മഹാമായാ പ്രയച്ഛതി ||54||

തയാ വിസൃജ്യതേ വിശ്വം ജഗദേതച്ചരാചരമ് |
സൈഷാ പ്രസന്നാ വരദാ നൃണാം ഭവതി മുക്തയേ ||55||

സാ വിദ്യാ പരമാ മുക്തേര്ഹേതുഭൂതാ സനാതനീ
സംസാരബംധഹേതുശ്ച സൈവ സര്വേശ്വരേശ്വരീ ||56||

രാജോവാച ||57||

ഭഗവന് കാഹി സാ ദേവീ മാമായേതി യാം ഭവാന് |
ബ്രവീതി ക്ഥമുത്പന്നാ സാ കര്മാസ്യാശ്ച കിം ദ്വിജ ||58||

യത്പ്രഭാവാ ച സാ ദേവീ യത്സ്വരൂപാ യദുദ്ഭവാ|
തത്സര്വം ശ്രോതുമിച്ഛാമി ത്വത്തോ ബ്രഹ്മവിദാം വര ||59||

ഋഷിരുവാച ||60||

നിത്യൈവ സാ ജഗന്മൂര്തിസ്തയാ സര്വമിദം തതമ് ||61||

തഥാപി തത്സമുത്പത്തിര്ബഹുധാ ശ്രൂയതാം മമഃ ||62||

ദേവാനാം കാര്യസിദ്ധ്യര്ഥമ് ആവിര്ഭവതി സാ യദാ|
ഉത്പന്നേതി തദാ ലോകേ സാ നിത്യാപ്യഭിധീയതേ ||63||

യോഗനിദ്രാം യദാ വിഷ്ണുര്ജഗത്യേകാര്ണവീകൃതേ|
ആസ്തീര്യ ശേഷമഭജത് കല്പാന്തേ ഭഗവാന് പ്രഭുഃ ||64||

തദാ ദ്വാവസുരൗ ഘോരൗ വിഖ്യാതൗ മധുകൈടഭൗ|
വിഷ്ണുകര്ണമലോദ്ഭൂതൗ ഹന്തും ബ്രഹ്മാണമുദ്യതൗ ||65||

സ നാഭി കമലേ വിഷ്ണോഃ സ്ഥിതോ ബ്രഹ്മാ പ്രജാപതിഃ
ദൃഷ്ട്വാ താവസുരൗ ചോഗ്രൗ പ്രസുപ്തം ച ജനാര്ദനമ് ||66||

തുഷ്ടാവ യോഗനിദ്രാം താമേകാഗ്രഹൃദയഃ സ്ഥിതഃ
വിബോധനാര്ധായ ഹരേര്ഹരിനേത്രകൃതാലയാമ് ||67||

വിശ്വേശ്വരീം ജഗദ്ധാത്രീം സ്ഥിതിസംഹാരകാരിണീമ്|
നിദ്രാം ഭഗവതീം വിഷ്ണോരതുലാം തേജസഃ പ്രഭുഃ ||68||

ബ്രഹ്മോവാച ||69||

ത്വം സ്വാഹാ ത്വം സ്വധാ ത്വംഹി വഷട്കാരഃ സ്വരാത്മികാ|
സുധാ ത്വമക്ഷരേ നിത്യേ ത്രിധാ മാത്രാത്മികാ സ്ഥിതാ ||70||

അര്ധമാത്രാ സ്ഥിതാ നിത്യാ യാനുച്ചാര്യാവിശേഷതഃ
ത്വമേവ സാ ത്വം സാവിത്രീ ത്വം ദേവ ജനനീ പരാ ||71||

ത്വയൈതദ്ധാര്യതേ വിശ്വം ത്വയൈതത് സൃജ്യതേ ജഗത്|
ത്വയൈതത് പാല്യതേ ദേവി ത്വമത്സ്യന്തേ ച സര്വദാ ||72||

വിസൃഷ്ടൗ സൃഷ്ടിരൂപാത്വം സ്ഥിതി രൂപാ ച പാലനേ|
തഥാ സംഹൃതിരൂപാന്തേ ജഗതോ‌உസ്യ ജഗന്മയേ ||73||

മഹാവിദ്യാ മഹാമായാ മഹാമേധാ മഹാസ്മൃതിഃ|
മഹാമോഹാ ച ഭവതീ മഹാദേവീ മഹാസുരീ ||74||

പ്രകൃതിസ്ത്വം ച സര്വസ്യ ഗുണത്രയ വിഭാവിനീ|
കാളരാത്രിര്മഹാരാത്രിര്മോഹരാത്രിശ്ച ദാരുണാ ||75||

ത്വം ശ്രീസ്ത്വമീശ്വരീ ത്വം ഹ്രീസ്ത്വം ബുദ്ധിര്ഭോധലക്ഷണാ|
ലജ്ജാപുഷ്ടിസ്തഥാ തുഷ്ടിസ്ത്വം ശാന്തിഃ ക്ഷാന്തി രേവ ച ||76||

ഖഡ്ഗിനീ ശൂലിനീ ഘോരാ ഗദിനീ ചക്രിണീ തഥാ|
ശംഖിണീ ചാപിനീ ബാണാഭുശുണ്ഡീപരിഘായുധാ ||77||

സൗമ്യാ സൗമ്യതരാശേഷസൗമ്യേഭ്യസ്ത്വതിസുന്ദരീ
പരാപരാണാം പരമാ ത്വമേവ പരമേശ്വരീ ||78||

യച്ച കിഞ്ചിത്ക്വചിദ്വസ്തു സദസദ്വാഖിലാത്മികേ|
തസ്യ സര്വസ്യ യാ ശക്തിഃ സാ ത്വം കിം സ്തൂയസേമയാ ||79||

യയാ ത്വയാ ജഗത് സ്രഷ്ടാ ജഗത്പാതാത്തി യോ ജഗത്|
സോ‌உപി നിദ്രാവശം നീതഃ കസ്ത്വാം സ്തോതുമിഹേശ്വരഃ ||80||

വിഷ്ണുഃ ശരീരഗ്രഹണമ് അഹമീശാന ഏവ ച
കാരിതാസ്തേ യതോ‌உതസ്ത്വാം കഃ സ്തോതും ശക്തിമാന് ഭവേത് ||81||

സാ ത്വമിത്ഥം പ്രഭാവൈഃ സ്വൈരുദാരൈര്ദേവി സംസ്തുതാ|
മോഹയൈതൗ ദുരാധര്ഷാവസുരൗ മധുകൈടഭൗ ||82||

പ്രബോധം ച ജഗത്സ്വാമീ നീയതാമച്യുതാ ലഘു ||83||
ബോധശ്ച ക്രിയതാമസ്യ ഹന്തുമേതൗ മഹാസുരൗ ||83||

ഋഷിരുവാച ||84||

ഏവം സ്തുതാ തദാ ദേവീ താമസീ തത്ര വേധസാ
വിഷ്ണോഃ പ്രഭോധനാര്ധായ നിഹന്തും മധുകൈടഭൗ ||85||

നേത്രാസ്യനാസികാബാഹുഹൃദയേഭ്യസ്തഥോരസഃ|
നിര്ഗമ്യ ദര്ശനേ തസ്ഥൗ ബ്രഹ്മണോ അവ്യക്തജന്മനഃ ||86||

ഉത്തസ്ഥൗ ച ജഗന്നാഥഃ സ്തയാ മുക്തോ ജനാര്ദനഃ|
ഏകാര്ണവേ അഹിശയനാത്തതഃ സ ദദൃശേ ച തൗ ||87||

മധുകൈടഭൗ ദുരാത്മാനാ വതിവീര്യപരാക്രമൗ
ക്രോധരക്തേക്ഷണാവത്തും ബ്രഹ്മണാം ജനിതോദ്യമൗ ||88||

സമുത്ഥായ തതസ്താഭ്യാം യുയുധേ ഭഗവാന് ഹരിഃ
പഞ്ചവര്ഷസഹസ്ത്രാണി ബാഹുപ്രഹരണോ വിഭുഃ ||89||

താവപ്യതിബലോന്മത്തൗ മഹാമായാവിമോഹിതൗ ||90||

ഉക്തവന്തൗ വരോ‌உസ്മത്തോ വ്രിയതാമിതി കേശവമ് ||91||

ശ്രീ ഭഗവാനുവാച ||92||

ഭവേതാമദ്യ മേ തുഷ്ടൗ മമ വധ്യാവുഭാവപി ||93||

കിമന്യേന വരേണാത്ര ഏതാവൃദ്ദി വൃതം മമ ||94||

ഋഷിരുവാച ||95||

വഞ്ചിതാഭ്യാമിതി തദാ സര്വമാപോമയം ജഗത്|
വിലോക്യ താഭ്യാം ഗദിതോ ഭഗവാന് കമലേക്ഷണഃ ||96||

ആവാം ജഹി ന യത്രോര്വീ സലിലേന പരിപ്ലുതാ| ||97||

ഋഷിരുവാച ||98||

തഥേത്യുക്ത്വാ ഭഗവതാ ശംഖചക്രഗദാഭൃതാ|
കൃത്വാ ചക്രേണ വൈ ഛിന്നേ ജഘനേ ശിരസീ തയോഃ ||99||

ഏവമേഷാ സമുത്പന്നാ ബ്രഹ്മണാ സംസ്തുതാ സ്വയമ്|
പ്രഭാവമസ്യാ ദേവ്യാസ്തു ഭൂയഃ ശൃണു വദാമി തേ ||100||

|| ജയ ജയ ശ്രീ സ്വസ്തി ശ്രീമാര്കണ്ഡേയപുരാണേ സാവര്ണികേ മന്വന്തരേ ദേവീമഹാത്മ്യേ മധുകൈടഭവധോ നാമ പ്രധമോ‌உധ്യായഃ ||

ആഹുതി

ഓം ഏം സാംഗായൈ സായുധായൈ സശക്തികായൈ സപരിവാരായൈ സവാഹനായൈ ഏം ബീജാധിഷ്ടായൈ മഹാ കാളികായൈ മഹാ അഹുതിം സമര്പയാമി നമഃ സ്വാഹാ ||